Körfubolti

Tap fyrir Lettum í Bosníu

Íslendingar töpuðu fyrir Lettum 52-97 á Evrópumóti landsliða 18 ára og yngri en keppt er í Bosníu. Helena Sverrisdóttir skoraði 21 stig en María Ben Erlingsdóttir kom næst með 11 stig. Stúlkurnar keppa við Portúgala í dag.

Jón Arnór aftur með landsliðinu

Sigurður Ingimundarson landsliðþjálfari í körfubolta hefur valið tólf leikmenn sem keppa fyrir Íslands hönd í leikjum gegn Hollandi og Kína nú í ágúst, sem og í Evrópuleikjunum gegn Danmörku og Rúmeníu 3. og 10. september n.k. Þetta er sterkasta lið sem Ísland hefur náð að stilla upp í langan tíma.

Tap fyrir Svíum á EM

Íslenska landsliðið í körfuknattleik stúlkna 18 ára og yngri beið í gær lægri hlut fyrir Svíum í B-deild Evrópumóts sem fram fer í Bosníu. Svíar sigruðu með 21 stigs mun, 60 stigum gegn 39. Helena Sverrisdóttir var stigahæst íslensku stúlknanna, skoraði 17 stig, tók 7 fráköst og átti 6 stoðsendingar. Í dag keppa íslensku stúlkurnar við lið Lettlands.

Landsiðið mætir risanum

Síðar í þessum mánuði verða æfingaleikir erlendis hjá karlalandsliði Íslands í körfubolta og það ekki gegn neinum aukvisum. Landsliðið heldur til Hollands um helgina og leikur þar gegn heimamönnum. Síðan fer liðið til Kína og mætir heimamönnum.

Rahim fer ekki til Nets

Framherjinn Shareef Abdur-Rahim mun ekki ganga til liðs við New Jersey Nets eins og til stóð, eftir að hann stóðst ekki læknisskoðun hjá félaginu. Hann er því með lausa samninga og verður áfram hjá Portland Trailblazers þangað til annað kemur í ljós.

Stúlkurnar í átta liða úrslit

Damon Stoudamire til Memphis

NBA leikmaðurinmn Damon Stoudamire er genginn til liðs við Memphis Grizzlies frá Portland Trailblazers. "Stoudamire er öflug skytta sem á eftir að styrkja Grizzlies verulega," segir Jerry West yfirmaður körfubolta mála hjá Memphis Grizzlies.

Stjörnuleikurinn í Las Vegas 2007

Stjörnuleikurinn í NBA-körfuboltanum 2007 verður í Las Vegas. Þetta ákvað stjórn deildarinnar í gær. Þetta verður í fyrsta sinn sem stjörnuleikurinn fer fram í borg sem ekki státar af körfuboltaliði. Stjórn NBA-deildarinnar hefur hingað til ekki leyft að stjörnuleikurinn fari fram í borg þar sem heimilt er að veðja á úrslit körfuboltaleikja.

Tap fyrir Slóvenum

Íslenska drengjalandsliðið í körfuknattleik tapaði fyrir Slóvenum með 18 stiga mun, 50-68, í milliriðli Evrópukeppni landsliða 16 ára og yngri en leikið er á Spáni. Hjörtur Hrafn Einarsson var stigahæstur, skoraði 14 stig og tók 7 fráköst. Íslendingar spila um 13.-16. sætið, mæta Belgum á laugardag og þurfa að vinna leikinn til þess að halda sæti sínu í A-deild keppninnar.

Shaq fær $100 millur næstu 5 árin

Körfuboltasnillingurinn Shaquille O Neal komst í dag að samkomulagi við lið sitt í NBA deildinni, Miami Heat um nýjan 5 ára samning sem færir honum 100 milljónir dollara í laun á tímabilinu. O Neal er því launahæsti leikmaðurinn í deildinni og verður það að öllu óbreyttu a.m.k. næstu 2 tímabilin.

41 stigs tap í fyrsta leiknum

16 ára landslið karla í körfubolta tapaði með 41 stigi fyrir Grikklandi, 89-48, í fyrsta leik í úrslitakeppni Evrópumóts landsliða 16 ára og yngri sem nú fram fer á Spáni. Þetta er fyrsti leikur íslensks landsliðs í A-deild. Páll Fannar Helgason úr Val var stigahæstur með 12 stig en Keflvíkingurinn Þröstur Leó Jóhannsson skoraði 11 stig.

Detroit semur aftur við Darko

Detroit Pistons hefur samið aftur við Serbann Darko Milicic og verður þessi 20 ára miðherji því áfram í herbúðum liðsins næstu tvö árin þrátt fyrir að hafa aðeins spilað í samtals 413 mínútur fyrstu tvö tímabil sín í NBA-deildinni. Milicic var valinn annar í nýliðavali NBA sumarið 2003.

Ísland í öðru sæti

Íslenska landsliðið í körfuknattleik pilta 18 ára og yngri hafnaði í 2. sæti í B-deild Evrópumótsins í Slóavkíu eftir ósigur fyrir Úkraínu með 82 stigum gegn 56 í úrslitaleiknum í dag. Í hálfleik var staðan 43-39 fyri Úkraínu. Brynjar Þór Björnsson skoraði 20 stig fyrir íslenska liðið og Pavel Ermolinskij 15.

18 ára og yngri í körfu í A deild

Íslenska landsliðið í körfubolta skipað leikmönnum 18 ára og yngri komst í gær upp í A deild. Íslendingar sigruðu Finna 86-71 í undanúrslitaleik í gær.

Ísland í undanúrslit

Íslenska landsliðið í körfuknattleik pilta 18 ára og yngri komst í dag í undanúrslit í  B-deild Evrópu móts piltalandsliða í Slóvakíu, þegar liðið vann Úkraínu í háspennuleik með 71 stigi gegn 70. Úkraína og Ísland  komust í undanúrlit, sem verða á laugardag, og sigurvegararnir í þeim leikjum vinna sér sæti í A-deild.

Páll góður gegn gömlu félögunum

Grindvíkingar báru sigurorð af grönnum sínum í Njarðvík í úrslitaleik Bílavíkurmótsins í körfuknattleik í fyrrakvöld, 78-68, þar sem fyrrum leikmaður Njarðvíkur, Páll Kristinsson, var atkvæðamikill í liði Grindvíkinga.

Flip Saunders nýr þjálfari Detroit

Bandaríska NBA liðið Detroit Pistons réð í dag Flip Saunders sem þjálfara eftir að hafa sagt upp samningi við Larry Brown. Saunders þjálfaði Minnesota Timberwolves frá árinu 1995- 2005.  Besti áragngur hans með Minnesota var þegar hann stýrði liðinu alla leið í úrslit Vesturstrandardeildarinnar árið 2004 þegar liðið tapaði fyrir L.A. Lakers.

Saunders mun taka við Pistons

Flip Saunders mun verða næsti þjálfari Detroit Pistons, ef marka má nýjustu fréttir frá Bandaríkjunum, en Pistons hafa sem kunnugt er komist að samkomulagi við Larry Brown um að hætta og hafa gert við hann starfslokasamning.

Brown rekinn frá Detroit

Larry Brown, þjálfara Detroit Pistons í NBA-körfuboltanum, var vikið úr starfi í gærkvöldi. Brown átti þrjú ár eftir af samningi sínum en í nokkurn tíma hefur það legið fyrir að forystumenn Pistons-liðsins vildu losna við hann. Brown, sem er 64 ára, gerði Pistons að meisturum í fyrra og kom liðinu í úrslit í ár þar sem Pistons tapaði fyrir San Antonio Spurs.

Stórsigur Íslands

Íslenska körfuknattleikslandsliðið skipað leikmönnum undir 18 ára vann stórsigur á Bosníu og Hersegóvínu, 75-56, á Evrópumótinu í Slóvakíu. Staðan í hálfleik var 43-22 Íslandi í vil. Stigahæstur íslenska liðsins var Brynjar Björnsson með 30 stig þar af sjö þriggja stiga körfur. Næstur honum var Hörður Axel Vilhjálmsson með 18 stig.

Grindavík vann Bílavíkurmótið

Grindavík tryggði sér í kvöld sigur á Bílavíkurmótinu í körfubolta þegar liðið vann tíu stiga sigur á heimamönnum, 78-68, í úrslitaleik í Ljónagryfjunni í Njarðvík. Fjölnismenn tryggðu sér þriðja sætið eftir 16 stiga sigur á Íslandsmeisturum Keflavíkur, 96-80 en Keflavík tapaði öllum leikjum sínum á mótinu.

Grindavík og Njarðvík mætast

Grindavík og Njarðvík spila í dag til úrslita í Bílavíkurmótinu í körfubolta sem er fjögurra liða mót sem hefur farið fram í Ljónagryfjunni í Njarðvík síðustu daga. Liðin hafa unnið báða leiki sína í mótinu gegn Keflavík og Fjölni og spila því um Bílavíkurbikarinn klukkan 20.30 í Njarðvík í kvöld. Keflavík og Fjölnir spila á undan um þriðja sætið.

Jón Arnór á Ítalíu næsta vetur

Jón Arnór Stefánsson hefur gert eins árs samning við ítalska liðið Pompea Napoli en Jón Armór var hjá rússneska liðinu Dynamo St. Pétursborg á síðasta tímabili og varð meðal annars Evrópumeistari með liðinu. Þetta verður fimmta lið Jóns Arnórs á síðustu fimm árum.

Weiss ráðinn þjálfari Seattle

Gamla brýnið  Bob Weiss hefur verið skipaður aðalþjálfari bandaríska körfuknattleiksliðins Seattle Supersonics, en hann hefur verið aðstoðarþjálfari liðins í 11 ár. Weiss, sem er 63 ára, tekur við af Nate McMillan, sem fór til Portland Trailblazers í sumar. Weiss var eitt sinn aðstoðarþjálfari bandaríska landsliðsins.

Grindavík og Njarðvík unnu aftur

Njarðvík og Grindavík hafa unnið báða leiki sína í Bílavíkurmótinu í körfubolta sem nú fer fram í Ljónagryfjuni. Njarðvík vann nágranna sína í Keflavík 90-80 í kvöld og Grindavík vann 30 stiga sigur á Fjölnir, 116-86. Páll Axel Vilbergsson skoraði 43 stig og 9 þriggja stiga körfur í kvöld. Liðin mætast í úrslitaleik á lokadegi mótsins á morgun.

Ísland missti leikinn frá sér

Íslenska 18 ára landsliðið mátti sætta sig við fjögurra stiga tap, 67-71, fyrir Austurríki í fyrsta leik í sínum í milliriðli Evrópumóts U-18 í Ruzomberok í Slóvakíu. íslenska liðið leiddi með 15 stigum í hálfleik, 40-25, og náði best 20 stiga forskot í leiknum. Pavel Ermolinskij var atkvæðamestur með 20 stig, 17 fráköst og 8 stoðsendingar.

Pallarnir báðir í fínu formi

Páll Axel Vilbergsson og Páll Kristinsson fundu sig vel í sínum fyrsta leik saman fyrir Grindavík en liðið vann 34 stiga sigur á Keflavík, 107-73,  í fyrstu umferð Bílavíkurmótsins í gærkvöldi. Páll Axel var með 30 stig og Páll kristinsson bætti við 22 stigum og 14 fráköst. Báðir áttu þeir síðan 5 stoðsendingar.

Endalaus óheppni Helga Jónasar

Helgi Jónas Guðfinnsson er einn allra besti leikstjórnandi á Íslandi en undanfarin ár hafa þrálát bakmeiðsli gert honum lífið leitt og því hefur hann ekki geta spilað að fullu með liði sínu.

Njarðvík sigraði Fjölni

Njarðvík sigraði Fjölni 89-71 í Bílavíkurmótinu í körfubolta sem fram fer í Ljónagryfjunni í Njarðvík. Staðan í hálfleik var 49-40 gestgjöfunum í vil. Friðrik Stefánsson var stigahæstur heimamanna með 25 og næstur kom Jóhann Á Ólafsson með 23 stig. Í liðið Grafarvogspilta var Magnús Pálsson stigahæstur með 21 stig.

Brown hættur að þjálfa Detroit

Larry Brown, sem stýrði Detroit Pistons til meistaratitils í fyrra og í úrslitin í ár, hefur komist að samkomulagi við stjórn félagsins um að láta af störfum, samkvæmt nýjustu fréttum frá Bandaríkjunum. Brown hafði verið í löngum samningaviðræðum við Pistons undanfarna daga, en nú er talið líklegt að félagið kaupi hann út úr þeim þremur árum sem eftir eru af samningi hans.