Dómsmál

Dómsmál

Fréttir af málum sem rata fyrir dómstóla.

Fréttamynd

Hafi selt alls konar fíkni­efni í gegnum „Kanna­bis Inc“

Fjórir karlmenn hafa verið ákærðir fyrir skipulagða brotastarfsemi og stórfellt fíkniefnalagabrot með því að hafa selt ótilgreint magn af amfetamíni, hassi, maríhúana, kókaíni, MDMA, metamfetamíni, LSD, Diazepam, sveppum, nammi sem innihélt kannabis og óþekktum töflum. Í fórum þeirra fundust límmiðar merktir „Kannabis Inc“ og þeir áttu í samskiptum í gegnum spjall með sama heiti á Telegram. Einn karlmaður til viðbótar er ákærður fyrir að hafa smyglað allt að tuttugu kílóum af maríhúana til landsins.

Innlent

Fréttir í tímaröð

Fréttamynd

Eim­skip á­kært vegna sölu tveggja skipa

Héraðssaksóknari hefur ákært félögin Eimskipafélag Íslands hf. og Eimskip Ísland ehf. vegna sölu á tveimur skipum sem Umhverfisstofnun kærði til héraðssaksóknara árið 2020. Skipaflutningafélagið var kært vegna meintra brota á lögum um meðhöndlun úrgangs.

Viðskipti innlent
Fréttamynd

Máttu fella úr gildi skráningu Stripa­dvis­or

Héraðsdómur Reykjavíkur sýknaði nýlega Hugverkastofuna af kröfum Stripadvisor en fyrirtækið krafðist þess að felldur yrði úr gildi úrskurður áfrýjunarnefndar hugverkaréttinda á sviði iðnaðar í máli nr. 3/2022, kveðinn upp 20. febrúar 2025, þar sem staðfest var ákvörðun Hugverkastofunnar um að fella úr gildi skráningu merkisins Stripadvisor.

Viðskipti innlent
Fréttamynd

Þrettán ár fyrir í­trekuð brot gegn stjúp­dóttur

Karlmaður hefur verið dæmdur til þrettán ára fangelsisvistar fyrir að hafa ítrekað beitt stjúpdóttur sína kynferðisofbeldi þegar hún var sex til níu ára gömul. Brotin framdi hann meðan hann sætti skilorðsbundnum fangelsisdómi fyrir ítrekuð kynferðisbrot gegn móður stúlkunnar. 

Innlent
Fréttamynd

Hafi ó­vart tekið símann með sér en ekki rænt honum

Gabríel Douane Boama, sem sætir ákæru fyrir fjölda brota sem hann játar að mestu, tjáði sig aðeins um tvo ákæruliði af tíu þegar skýrsla var tekin af honum við aðalmeðferð í dag. Í þeim er honum gefið að sök að hafa hótað konu með hnífi og rænt síma af manni á sama tíma. Hann kveðst ekki hafa verið með hníf á sér og hafa óvart tekið símann af manninum en ekki rænt honum.

Innlent
Fréttamynd

Þrír í fimm ára fangelsi fyrir kókaín­smygl

Héraðsdómur Reykjavíkur dæmdi þrjá erlenda karlmenn í fimm á fangelsi hvern fyrir að flytja inn mikið magn af kókaínklóríðs til landsins. Efnin voru falin í bifreið sem kom til landsins með ferjunni Norrænu í nóvember.

Innlent
Fréttamynd

Gabríel Douane játaði ó­vænt að hafa barið fangaverðina

Gabríel Douane Boama játaði óvænt að hafa barið þrjá fangaverði á Litla-Hrauni og notað við það armbandsúr í ágúst árið 2024, þegar aðalmeðferð í máli hans hófst í morgun. Hann vildi þó að ákærunni yrði breytt á þann veg að orðið hnúavopn yrði fellt á brott, sem ákæruvaldið féllst á.

Innlent
Fréttamynd

Ein belja varð Vil­hjálmi í Smá­ríkinu að falli

Vilhjálmur Forberg Ólafsson, forsvarsmaður áfengisnetverslunarinnar Smáríkisins, hefur verið sakfelldur fyrir að hafa selt eina þriggja lítra belju af chardonnay í lok maí í fyrra. Hann hlýtur 100 þúsund króna sekt fyrir brotið. Greiði hann ekki innan fjögurra vikna þarf hann að sæta fangelsisvist í átta daga. Þá var hann dæmdur til að greiða málsvarnarlaun verjanda síns, 4,9 milljónir króna.

Viðskipti innlent
Fréttamynd

Ætla að fara fram á frá­vísun málsins

Héraðssaksóknari hefur ákveðið að ákæra Skúla Tómas Gunnlaugsson lækni fyrir manndráp af ásetningi vegna andláts 73 ára konu sem var í hans umsjá á Heilbrigðisstofnun Suðurnesja árið 2019. Verjandi hans ætlar að fara fram á frávísun í málinu. Uppkomin börn konunnar sem er ákært vegna gagnrýna harðlega að Skúli Tómas hafi starfað við Landspítalann meðan mál hans var til rannsóknar.

Innlent
Fréttamynd

Fær vægari dóm en greiðir hærri miska­bætur

Karlmaður var nýlega dæmdur til fjögurra mánaða skilorðsbundins fangelsis fyrir sérstaklega hættulega líkamsárás. Árásin átti sér stað árið 2021 og var upprunalegur dómur ómerktur í Landsrétti vegna ummæla dómara héraðsdómara í tölvupósti. Maðurinn fær nú vægari dóm en þarf að greiða brotaþola hærri miskabætur.

Innlent
Fréttamynd

SKE gert aftur­reka með ógnarlanga stefnu og kærir til Lands­réttar

Héraðsdómur Reykjavíkur hefur vísað máli Samkeppniseftirlitsins á hendur Samskipum frá dómi á þeim grundvelli að stefna í málinu fæli í sér skriflegan málflutning. Stefnan var heilar 135 blaðsíður, sem er um fimmföld hámarkslengd stefna, sem reglur Dómstólasýslunnar kveða á um. Samkeppniseftirlitið telur að nauðsynlegt hafi verið að reifa málið ítarlega í stefnu og hefur því ákveðið að kæra frávísunarúrskurðinn til Landsréttar.

Viðskipti innlent
Fréttamynd

Neitar að hafa myrt mann á Kársnesi

Grískur karlmaður á fertugsaldri, sem ákærður hefur verið fyrir að stinga annan mann til bana í íbúð við Skjólbraut í Kópavogi í nóvember, neitar sök í málinu.

Innlent
Fréttamynd

Blóð úr hinum grunaða á hnífi á vett­vangi

Lögregla telur framburð mannsins, sem grunaður er um að hafa stungið annan mann til bana í íbúð við Skjólbraut í Kópavogi í nóvember, ótrúverðugan en rökstuddur grunur er um að hann hafi veitt hinum látna áverka sem leiddu til dauða hans. Blóðug skóför og DNA hins grunaða á hnífum sem fundust á vettvangi auk lokaniðurstöðu krufningar eru meðal gagna sem benda til sektar hins grunaða.

Innlent
Fréttamynd

Hlaut stjörnu­laga skurði eftir á­rás með skipti­lykli

Karlmaður hefur verið dæmdur til átta mánaða skilorðsbundinnar fangelsisvistar fyrir meiri háttar líkamsárás, með því að slá mann tvívegis í höfuðið með skiptilykli. Sá sem varð fyrir höggunum hlaut af þeim tvo stjörnulaga skurði á höfði.

Innlent
Fréttamynd

Deila um hjartastopp endaði með tug­milljóna bótum

Tryggingafélagið Vís hefur verið dæmt til að greiða ekkju og tveimur börnum karlmanns, sem lést eftir umferðarslys árið 2022, 33 milljónir króna í bætur auk vaxta og dráttarvaxta. Maðurinn lést af völdum hjartastopps og tekist var á um hvort það hefði orsakast af slysinu eða bráðri kransæðastíflu, sem sannað þótti að maðurinn hefði þjáðst af í aðdraganda slyssins. 

Innlent
Fréttamynd

Þrota­bú Wow air verður af hundruðum milljóna króna

Landsréttur hefur sýknað sjö kröfuhafa Wow air af kröfum þrotabús félagsins um riftun á mörg hundruð milljóna króna greiðslum sem félagið greiddi þeim skömmu fyrir gjaldþrot þess. Skúli Mogensen og stjórnarmenn í félaginu voru einnig sýknaðir af skaðabótakröfu upp á rúma tvo milljarða króna.

Viðskipti innlent

Mest lesið