Jólasveinn í stígvéli 3. desember 2004 00:01 Anna Rögnvaldsdóttir kvikmyndagerðarmaður fer ekki í launkofa með dálæti sitt á góðum siðum tengdum jólahátíðinni og segir forláta jólasvein, sem kemur úr smiðju foreldra hennar, alltaf gleðigjafa og í raun tákngerving hátíðar á hennar heimili. "Þessi jólasveinn er nú ekkert rosalega lítill. Hann er 40 - 50 cm á hæð og svolítið eins og dúkka, en foreldrar mínir bjuggu þennan svein til í sameiningu, stuttu eftir að þau giftu sig." Allt hófst ævintýrið með ferðalagi í kaupfélagið, þar sem sælgætisstígvél voru seld fyrir jólin. "Nú þarna fengu þau hugmyndina, við sölurekkann, þar sem svört barnastígvél úr pappamassa voru til sölu. Stígvélin voru full af gotteríi og í stað þess að kaupa eitt stígvél, tóku þau einfaldlega tvö og sömdu heilan jólasvein ofan í stígvélin. Faðir minn mótaði höfuðið sjálfur úr leir og steypti það síðan úr gifsi en móðir mín saumaði rauðu fötin, sem eru úr forláta flaueli. Þetta gerðu þau fyrir hálfri öld og sveinninn hefur fylgt fjölskyldunni allar götur frá fæðingu og dúkkar alltaf upp í sófanum, svona rétt fyrir jólin." Þótt sveinninn sé farinn að láta á sjá segir Anna hann mikinn uppáhaldsgrip, enda heilar kynslóðir hennar fjölskyldu kunnugar sveininum góða. "Þessum sveini er alltaf stillt upp fyrir jól og situr í heiðurssæti í sófanum. Hann geymir þó ekki pakkana heldur fylgist fremur með því sem fer fram á aðfangadagskvöld. Og vissulega verður hann hluti af jólaboðinu í ár." Jól Mest lesið Piparkökur með brjóstsykri Jólin Jólakrásir undir berum himni Jól Sálmur 79 - Syngi Guði himna hjörð Jól Tré úr pappír og tilfallandi efnivið Jól Sálmur 72 - Nóttin var sú ágæt ein Jól Þurfum ljós á aðventunni Jólin Lax í jólaskapi Jólin Innri friður Jólin Jóladagatal Hurðaskellis og Skjóðu - 13. desember Jól 25 ára afmæli Árbæjarkirkju fagnað á léttu nótunum Jólin
Anna Rögnvaldsdóttir kvikmyndagerðarmaður fer ekki í launkofa með dálæti sitt á góðum siðum tengdum jólahátíðinni og segir forláta jólasvein, sem kemur úr smiðju foreldra hennar, alltaf gleðigjafa og í raun tákngerving hátíðar á hennar heimili. "Þessi jólasveinn er nú ekkert rosalega lítill. Hann er 40 - 50 cm á hæð og svolítið eins og dúkka, en foreldrar mínir bjuggu þennan svein til í sameiningu, stuttu eftir að þau giftu sig." Allt hófst ævintýrið með ferðalagi í kaupfélagið, þar sem sælgætisstígvél voru seld fyrir jólin. "Nú þarna fengu þau hugmyndina, við sölurekkann, þar sem svört barnastígvél úr pappamassa voru til sölu. Stígvélin voru full af gotteríi og í stað þess að kaupa eitt stígvél, tóku þau einfaldlega tvö og sömdu heilan jólasvein ofan í stígvélin. Faðir minn mótaði höfuðið sjálfur úr leir og steypti það síðan úr gifsi en móðir mín saumaði rauðu fötin, sem eru úr forláta flaueli. Þetta gerðu þau fyrir hálfri öld og sveinninn hefur fylgt fjölskyldunni allar götur frá fæðingu og dúkkar alltaf upp í sófanum, svona rétt fyrir jólin." Þótt sveinninn sé farinn að láta á sjá segir Anna hann mikinn uppáhaldsgrip, enda heilar kynslóðir hennar fjölskyldu kunnugar sveininum góða. "Þessum sveini er alltaf stillt upp fyrir jól og situr í heiðurssæti í sófanum. Hann geymir þó ekki pakkana heldur fylgist fremur með því sem fer fram á aðfangadagskvöld. Og vissulega verður hann hluti af jólaboðinu í ár."
Jól Mest lesið Piparkökur með brjóstsykri Jólin Jólakrásir undir berum himni Jól Sálmur 79 - Syngi Guði himna hjörð Jól Tré úr pappír og tilfallandi efnivið Jól Sálmur 72 - Nóttin var sú ágæt ein Jól Þurfum ljós á aðventunni Jólin Lax í jólaskapi Jólin Innri friður Jólin Jóladagatal Hurðaskellis og Skjóðu - 13. desember Jól 25 ára afmæli Árbæjarkirkju fagnað á léttu nótunum Jólin