Undirbúningur fyrir afhendingu Íslensku tónlistarverðlaunanna fyrir árið 2004 hefur staðið yfir síðust vikur og verða verðlaunin afhent með viðhöfn í Þjóðleikhúsinu miðvikudaginn 2. febrúar 2005.
Íslensku tónlistarverðlaunin hafa nú verið afhent tíu sinnum en þau voru afhent í fyrsta sinn í apríl mánuði 1994 og þá fyrir starfsárið 1993. Það er Samtónn sem stendur fyrir verðlaunafhendingunni.
Íslensku tónlistarverðlaunin er uppskeruhátíð íslenskrar tónlistar og eru verðlaunin hugsuð sem vegsauki fyrir íslenska tónlist, flytjendum, höfundum og útgefendum til hvatningar.
Dómnefndir hafa valið eftirfarandi verk í 4 flokkum:
Popp og rokk-flokkur
| Popp-plata ársins | Rokk-plata ársins |
| Mugimama, Is This Monkeymusic? - Mugison | Hljóðlega af stað - Hjálmar |
| Hello Somebody - Jagúar | Guerilla Disco - Quarashi |
| Eivör - Eivör Pálsdóttir | Electric Fungus - Brain Police |
| Medúlla - Björk | Slowblow |
| Meðan ég sef - Í svörtum fötum | Home of the Free-Jan Mayen |
| Dægurtónlist plata ársins | Lag ársins |
| Tvíburinn - Bubbi Morthens | Stun Gun - Quarashi |
| Jón Ólafsson | Mur Mur - Mugison |
| Smásögur - Brimkló | Fallegur Dagur - Bubbi |
| Vetrarljóð - Ragnheiður Gröndal | Sunnudagsmorgunn - Jón Ólafsson |
| Betra en best - Mannakorn | Dís - Jóhann Jóhannsson/Ragnheiður Gröndal |
| Söngvari ársins | Söngkona ársins |
| Páll Rósinkrans | Ragnheiður Gröndal |
| Jón Jósep Snæbjörnsson | Eivör Pálsdóttir |
| Björgvin Halldórsson | Björk Guðmundsdóttir |
| Mugison | Guðrún Gunnardóttir |
| Jens Ólafsson | Margrét Eir |
| Flytjandi ársins | Bjartasta vonin |
| Quarashi | Hjálmar |
| Mugison | Jan Mayen |
| Hjálmar | Stranger |
| Jagúar | Þórir G. Jónsson |
| Brain Police |
Sígild og samtíma tónlist
| Tónverk ársins | Plata ársins |
| Flow and Fusion eftir Þuríði Jónsdóttur | Verk fyrir selló og píanó. Bryndís Halla Gylfadóttir sellóleikari og Edda Erlendsdóttir píanóleikari spila tónverk eftir Enescu, Janacek, Kodaly og Martinu. |
| Grettir eftir Þorkel Sigurbjörnsson | Ferskir vindar. Camilla Söderberg flytur íslenskar tónsmíðar fyrir blokkflautu og rafhljóð. |
| Sería fyrir 10 hljóðfæraleikara eftir Hauk Tómasson | Glíman við Glám. Símon H. Ívarsson leikur gítartónsmíðar eftir Gunnar Reyni Sveinsson. |
| Sinfónía eftir Þórð Magnússon | Virðulegu forsetar eftir Jóhann Jóhannsson. CAPUT, Guðmundur Sigurðsson, Hörður Bragason, Matthías M.D. Hemstock, Skúli Sverrisson og Jóhann Jóhannsson flytja. |
| Sjö byltur svefnleysingjans eftir Harald Vigni Sveinbjörnsson | Það er óskaland íslenskt. Kór Áskirkju flytur íslensk ættjarðarlög undir stjórn Kára Þormar. (Kór Áskirkju). |
| Flytjandi ársins | Bjartasta vonin |
| Anna Guðný Guðmundsdóttir píanóleikari | Ari Þór Vilhjálmsson fiðluleikari |
| Bryndís Halla Gylfadóttir sellóleikari | Áki Ásgeirsson / Berglind María Tómasdóttir ?Aton |
| CAPUT-hópurinn | Daníel Bjarnason ? Kammersveitin Ísafold |
| Íslenska óperan ? fyrir flutning á Sweeney Todd eftir Stephen Sondheim. | Eyjólfur Eyjólfsson tenór |
| Sinfóníuhljómsveit Íslands ? Rumon Gamba fyrir flutning á sinfóníum Dmitri Sjostakovich. | Birna Helgadóttir / Freyja Gunnlaugsdóttir / Una Sveinbjarnardóttir - Tríó Gorki Park |
| Víkingur Heiðar Ólafsson píanóleikari |
Jazzflokkur
| Plata ársins | Flytjandi |
| Dansaðu fíflið þitt dansaðu!, Sammi & Tómas R. Stórsveitin Jagúar | Samúel Jón Samúelsson og stórsveitin Jagúar |
| Lúther, Björn Thoroddsen | B-3 |
| Kör, B-3 | Björn Thoroddsen |
| Skuggsjá, Jóel Pálsson / Eyþór Gunnarsson | Jóel Pálsson/ Eyþór Gunnarsson |
| Beautiful monster, Rodent | Rodent |
| Lag ársins |
| Ástin eftir Tómas R. Einarsson (Dansaðu fíflið þitt dansaðu) |
| Kaleidosope eftir Árna Egilson |
| Þórdísardans eftir Andrés Þór Gunnlaugson |
| Evil beaver eftir Hauk Gröndal |
| Kör eftir Ásgeir Jón Ásgeirsson |
| Í dauðans höndum eftir Björn Thoroddsen |
Önnur verðlaun
| Umslag ársins |
| Slowblow - Very slow bossanova |
| Brain Police - Electric fungus |
| Múm - Summer make good |
| Mugison - Mugimama, is this monkey music? |
| Ske - Feelings are great |
Sögu íslenskra tónlistarverðlauna má rekja aftur til ársins 1960 þegar Svavar Gests hélt úti poppsíðu í vikublaðinu Ásinn og tveimur árum síðar hjá Vikunni. Íslensk tónlistarverðlaun hafa þó verið slitrótt og ekki dró til tíðanda aftur fyrr en árið 1967 þegar Vikan endurvakti verðlaunin í samstarfi við tískuvöruverslunina Karnabæ.
Árið 1969 var ungur piltur úr Hafnarfirði, Björgvin Halldórsson valin poppstjarna ársins og hljómsveit hans, Ævintýri, var valin besta hljómsveitin. Eftir þessa sögulegu keppni í Laugardagshöll varð langt hlé þar til Dagblaðið stóð fyrir Störnumessunum í nokkur ár.
Það var síðan árið 1993 að nokkrir félagar úr Rokkdeild FÍH með þá Stefán Hjörleifsson og Eið Arnarsson í fararbroddi endurvöktu Íslensku tónlistarverðlaunin í núverandi mynd. Það var meðvituð ákvörðun þeirra félaga að byrja smátt og öðrum þræði var litið á verðlaunahátíðina sem árshátíð tónlistarbransans. Með árunum hafa íslensku tónlistarverðlaunin stækkað og dafnað og njóta nú virðingar meðal almennings og tónlistarfólks. Undanfarin ár hefur hátíðin verið öll hin glæsilegasta og meðal annars verið send út í Sjónvarpinu með mikið áhorf.
Árið 2002 tók Samtónn við stjórn verðlaunanna og framkvæmdastjóri þeirra frá árinu 2001 hefur verið Einar Bárðarsson. Tilgangur Íslensku tónlistarverðlaunanna hefur frá upphafi verið að varpa kastljósi á Íslenska tónlist og verðlauna þá aðila sem þykja hafa skarað fram úr á liðnu ári.
Tónlist.is hefur verið opinbert vefsetur Íslensku tónlistarverðlaunanna frá 2003 og þar má finna upplýsingar um tilnefningar og úrslit í öllum flokkum frá upphafi. Einnig er mögulegt að kaupa þá tónlist sem kemur við sögu, annað hvort stök lög eða plötur eftir að hafa hlýtt á lögin og að auki má skoða ítarlegar upplýsingar um alla þá listamenn, hljómsveitir og plötur sem hafa verið tilnefndar í gegnum tíðina.
