Shrek 2 9. apríl 2005 00:01 Shrek 2 er stórt grænt og úrillt tröll sem flestir íslendingar ættu að vera farnir að kannast vel við. Hann snýr núna aftur í þessum tölvuleik sem fylgir söguþræðinum úr seinni myndinni sem var mjög vinsæl í íslenskum kvikmyndahúsum. Leikurinn byrjar á því að Shrek og konunni hans, Fionu, er boðið á konunglegt ball hjá foreldrum hennar, í konungdæminu Langt langt í Burtu. Eftir það fylgjum við þeim á leið þeirra til konungdæmisins, en jafnvel eftir að þau koma þangað er ævintýrið bara rétt að byrja. Grafíkin er í ágætum gæðum, þótt hún hefði auðveldlega getað verið betri. Það lítur út fyrir að mikið meiri vinna hafi verið lögð í að skapa umhverfið heldur en persónurnar, og það þótti mér ansi furðulegt. Grafíkin er samt töluvert betri í myndbandsklippunum heldur en í leiknum sjálfum, sem er nauðsynlegt til þess að húmorinn komist almennilega til skila. Leikurinn er ekki byggður nærri því jafn mikið á myndinni og hægt hefði verið, sem er mjög góður hlutur, því þá hefur hann meira frelsi og býður upp á fleiri og skemmtilegri möguleika. Þetta sýnir sig vel í því að það bætast oft persónur inn í söguna sem spila mjög stórt hlutverk í leiknum, en birtust kannski aðeins í mjög stuttan tíma í myndinni. Auk þess fær maður að fylgja hópnum á nýja staði sem komu aldrei fram í myndinni, og það lengir endingartíma leiksins töluvert. Leikurinn er byggður upp á áhugaverðan hátt. Þú stjórnar föruneyti þar sem þú getur notað hvaða persónu sem er til skiptis, þar sem hver karakter hefur sína eigin hæfileika og hreyfingar sem koma föruneytinu til gagns. T.d getur Shrek lyft þungum hlutum og hent þeim, eða borið þá þangað þar sem þörf er á þeim. Fiona getur hægt á tímanum í stuttan tíma, Asni getur brotið niður hurðir og hlið með sterku sparki og piparkökumaðurinn getur kastað litlum smákökum í jörðina sem draga til sín villidýr. Þetta er bara nokkur dæmi um þá mismunandi hæfileika sem hver og ein persóna hefur. Svo bætast sífellt nýjar manneskjur við hópinn eftir þvi sem sagan þróast, en þá fara aðrir í staðinn. Þess vegna eru aldrei fleiri en fjórir saman í hóp. Auk alls þessa bætast lítil aukaverkefni inn í leikinn, sem eru sérhönnuð fyrir hvern einstakling. Þrátt fyrir að þessi uppsetning sé frumleg, þá hefur hún svo sannarlega sína galla. Vegna þess að það þarf sífellt að sjást í allar persónur í föruneytinu er myndavélin alltaf í mjög breiðu skoti, sem þýðir að það er oft erfitt að fylgjast vel með því sem maður er sjálfur að gera, og þegar farið er í bardaga er næstum því ómögulegt að geta séð nógu vel til, svo það sé hægt að nota fágaðar og vandaðar hreyfingar. Þess vegna enda slagsmálin oftast á því að þú lemur út í bert loftið og vonast til þess að hinir félagar þínir geti komið þér til hjálpar áður en þú lendir rotaður á jörðinni. Það vantar svo sannarlega ekki húmorinn í leikinn. Það sem gerði myndina svona vinsæla er einnig stór hluti í leiknum, og er honum komið vel til skila í stuttum myndbrotum sem koma inn á milli verkefna, eða inni í þeim miðjum. Verkefnin sem maður leysir eru flest byggð upp á einn hátt. Þú byrjar á einum stað með aðeins eitt verkefni fyrir höndum sem þú þarft að leysa til að geta haldið áfram, og svo bætast nokkur aukaverkefni við þegar þú heldur áfram. Ekkert sérstaklega frumlegt, en ágæt skemmtun. Niðurstaða: Þótt að Shrek 2 brjóti engin blöð í sögunni, þá býður hann upp á ágætis skemmtun fyrir þá sem geta litið fram hjá nokkrum stórum göllum á borð við stirða og óþægilega myndavél. Vélbúnaður: PS2 Framleiðandi: Activison Inc. Útgefandi: Activision Publishing Inc. Heimasíða: http://www.shrek2thegame.co.uk/ Árni Pétur Mest lesið „Það braut ísinn að við hefðum deitað sama gaurinn“ Lífið „Ég var heppinn. En ekki hann“ Lífið „Það er önnur hver gella með í vörunum“ Lífið Karlmennskuhlaðvarpið heyrir sögunni til Lífið Fréttatía vikunnar: Körfubolti, laxaastmi og stýrivextir Lífið Gómsætar haustkökur að hætti Elenoru Lífið Ólafur Ragnar skellti sér á sæþotu eftir langan dag Lífið Simmi Vill og Sunneva Einars létu sig ekki vanta á Jókerinn Lífið Skrúfaði titrarann í sundur til að forða nágrönnum frá ónæði Lífið „Hrátt háþróað krass, langt leitt krot“ Menning Fleiri fréttir Árlegt „Fifa“mót GameTíví GameTíví: Heldur för sinni um Night City áfram God of War Ragnarök á PC: Kratos er enn klikkaður Stiklusúpa: Allt það helsta frá kynningu Sony í gær GameTíví: Íslendingaslagur í Warzone Space Marine 2: Fyrirtaks skemmtun af gamla skólanum Ólympíukvöld hjá GameTíví GameTíví: Plortedo spilar sig gegnum Night City CCP kynnir nýjan leik í söguheimi EVE Online GameTíví: Skúrkur í skýjunum GameTíví: Stefna á þrjá sigra í Warzone Astro Bot: Astro stígur ekki feilspor í nánast fullkomnum leik Star Wars heimurinn skoðaður í GameTíví Star Wars Outlaws: Ekki eins hræðilegur og internetið segir Endurgreiða þeim fáu sem keyptu Concord GameTíví: Snúa hlekkjaðir saman úr sumarfríi Sjá meira
Shrek 2 er stórt grænt og úrillt tröll sem flestir íslendingar ættu að vera farnir að kannast vel við. Hann snýr núna aftur í þessum tölvuleik sem fylgir söguþræðinum úr seinni myndinni sem var mjög vinsæl í íslenskum kvikmyndahúsum. Leikurinn byrjar á því að Shrek og konunni hans, Fionu, er boðið á konunglegt ball hjá foreldrum hennar, í konungdæminu Langt langt í Burtu. Eftir það fylgjum við þeim á leið þeirra til konungdæmisins, en jafnvel eftir að þau koma þangað er ævintýrið bara rétt að byrja. Grafíkin er í ágætum gæðum, þótt hún hefði auðveldlega getað verið betri. Það lítur út fyrir að mikið meiri vinna hafi verið lögð í að skapa umhverfið heldur en persónurnar, og það þótti mér ansi furðulegt. Grafíkin er samt töluvert betri í myndbandsklippunum heldur en í leiknum sjálfum, sem er nauðsynlegt til þess að húmorinn komist almennilega til skila. Leikurinn er ekki byggður nærri því jafn mikið á myndinni og hægt hefði verið, sem er mjög góður hlutur, því þá hefur hann meira frelsi og býður upp á fleiri og skemmtilegri möguleika. Þetta sýnir sig vel í því að það bætast oft persónur inn í söguna sem spila mjög stórt hlutverk í leiknum, en birtust kannski aðeins í mjög stuttan tíma í myndinni. Auk þess fær maður að fylgja hópnum á nýja staði sem komu aldrei fram í myndinni, og það lengir endingartíma leiksins töluvert. Leikurinn er byggður upp á áhugaverðan hátt. Þú stjórnar föruneyti þar sem þú getur notað hvaða persónu sem er til skiptis, þar sem hver karakter hefur sína eigin hæfileika og hreyfingar sem koma föruneytinu til gagns. T.d getur Shrek lyft þungum hlutum og hent þeim, eða borið þá þangað þar sem þörf er á þeim. Fiona getur hægt á tímanum í stuttan tíma, Asni getur brotið niður hurðir og hlið með sterku sparki og piparkökumaðurinn getur kastað litlum smákökum í jörðina sem draga til sín villidýr. Þetta er bara nokkur dæmi um þá mismunandi hæfileika sem hver og ein persóna hefur. Svo bætast sífellt nýjar manneskjur við hópinn eftir þvi sem sagan þróast, en þá fara aðrir í staðinn. Þess vegna eru aldrei fleiri en fjórir saman í hóp. Auk alls þessa bætast lítil aukaverkefni inn í leikinn, sem eru sérhönnuð fyrir hvern einstakling. Þrátt fyrir að þessi uppsetning sé frumleg, þá hefur hún svo sannarlega sína galla. Vegna þess að það þarf sífellt að sjást í allar persónur í föruneytinu er myndavélin alltaf í mjög breiðu skoti, sem þýðir að það er oft erfitt að fylgjast vel með því sem maður er sjálfur að gera, og þegar farið er í bardaga er næstum því ómögulegt að geta séð nógu vel til, svo það sé hægt að nota fágaðar og vandaðar hreyfingar. Þess vegna enda slagsmálin oftast á því að þú lemur út í bert loftið og vonast til þess að hinir félagar þínir geti komið þér til hjálpar áður en þú lendir rotaður á jörðinni. Það vantar svo sannarlega ekki húmorinn í leikinn. Það sem gerði myndina svona vinsæla er einnig stór hluti í leiknum, og er honum komið vel til skila í stuttum myndbrotum sem koma inn á milli verkefna, eða inni í þeim miðjum. Verkefnin sem maður leysir eru flest byggð upp á einn hátt. Þú byrjar á einum stað með aðeins eitt verkefni fyrir höndum sem þú þarft að leysa til að geta haldið áfram, og svo bætast nokkur aukaverkefni við þegar þú heldur áfram. Ekkert sérstaklega frumlegt, en ágæt skemmtun. Niðurstaða: Þótt að Shrek 2 brjóti engin blöð í sögunni, þá býður hann upp á ágætis skemmtun fyrir þá sem geta litið fram hjá nokkrum stórum göllum á borð við stirða og óþægilega myndavél. Vélbúnaður: PS2 Framleiðandi: Activison Inc. Útgefandi: Activision Publishing Inc. Heimasíða: http://www.shrek2thegame.co.uk/
Árni Pétur Mest lesið „Það braut ísinn að við hefðum deitað sama gaurinn“ Lífið „Ég var heppinn. En ekki hann“ Lífið „Það er önnur hver gella með í vörunum“ Lífið Karlmennskuhlaðvarpið heyrir sögunni til Lífið Fréttatía vikunnar: Körfubolti, laxaastmi og stýrivextir Lífið Gómsætar haustkökur að hætti Elenoru Lífið Ólafur Ragnar skellti sér á sæþotu eftir langan dag Lífið Simmi Vill og Sunneva Einars létu sig ekki vanta á Jókerinn Lífið Skrúfaði titrarann í sundur til að forða nágrönnum frá ónæði Lífið „Hrátt háþróað krass, langt leitt krot“ Menning Fleiri fréttir Árlegt „Fifa“mót GameTíví GameTíví: Heldur för sinni um Night City áfram God of War Ragnarök á PC: Kratos er enn klikkaður Stiklusúpa: Allt það helsta frá kynningu Sony í gær GameTíví: Íslendingaslagur í Warzone Space Marine 2: Fyrirtaks skemmtun af gamla skólanum Ólympíukvöld hjá GameTíví GameTíví: Plortedo spilar sig gegnum Night City CCP kynnir nýjan leik í söguheimi EVE Online GameTíví: Skúrkur í skýjunum GameTíví: Stefna á þrjá sigra í Warzone Astro Bot: Astro stígur ekki feilspor í nánast fullkomnum leik Star Wars heimurinn skoðaður í GameTíví Star Wars Outlaws: Ekki eins hræðilegur og internetið segir Endurgreiða þeim fáu sem keyptu Concord GameTíví: Snúa hlekkjaðir saman úr sumarfríi Sjá meira