Sýning sem er betri en kynlíf

Föstudagskvöldið 18. ágúst mun verða ógleymanlegt fyrir hátt í 1000 íslenskar konur. Þær munu þá troðfylla Broadway til að berja augum fullkomustu karlmenn heims, sem eru á leiðinni til Íslands í þeim eina tilgangi að skemmta konum hérlendis sem aldrei fyrr, tilbiðja þær og dýrka, í einu og öllu.

TRYLLT STUÐ

Hér er um að ræða hina einu sönnu CHIPPENDALES sem koma nú loksins til Íslands eftir 26 ára sigurgöngu um allan heim. Það er engin tilviljun að hér er á ferðinni ein langlífasta og vinsælasta sýning heims; konur um víða veröld eru sammála um að sýningin er betri en kynlíf! Á hverju ári koma þeir fram í mörg hundruð borgum um allan heim til að skemmta milljónum kvenna - og aldrei nokkurn tíman hefur komið inn kvörtun! Þvert á móti, þá eru konurnar yfirleitt komnar upp á stóla snemma í sýningunni og farnar að yfirgnæfa tónlistina með öskrum. Í lok sýningar þýtur adrenalínið um æðar þeirra sem aldrei fyrr.

10 FOLAR TIL ÍSLANDS

Hópurinn sem kemur til Íslands telur um 10 fola sem hafa hér viðkomu í túr um Norðurlönd og Bretlandseyjar. Að sögn eru hér á ferðinni mestu stjörnur Chippendales hópsins, sem í heildina telur 72 dansara og eru þeir ekki síst spenntir fyrir stoppinu á Íslandi, þar sem Ísland er eitt fárra landa sem þeir hafa aldrei heimsótt, auk þess sem þeir hafa heyrt miklar sögur af fegurð kvenfólksins hér. Þess má til gamans geta að undanfarin 26 ár hafa ellefu dansarar úr hópnum kvænst konum sem þeir kynntust á sýningum! Þær konur sem hins vegar eru að fara gifta sig bráðlega mega örugglega eiga von á því að vera teknar upp á svið af folunum.

FORSETAFRÚIN Á CHIPPENDALES

CHIPPENDALES eru fyrir löngu orðið að stofnun í Bandaríkjunum, þar sem dansararnir eru til að mynda tíðir gestir í allra vinsælustu sjónvarpsþáttunum og má þar nefna Jay Leno og Oprah. Meira að segja forsetafrúin Laura Bush sagði frá því í ræðu sinni í kvöldverðarborði nokkru í Las Vegas að kvöldið áður hefði hún skellt sér á Chippendales og vakti það mikla lukku meðal viðstaddra. (Sjá í introi á heimasíðu þeirra: www.chippendales.com)

Sýningin hefst kl. 20:00 föstudagskvöldið 18. ágúst og húsið opnar kl. 19:00. Broadway verður skipt í tvö verðsvæði:

A svæði: 3.400 + miðagjald (neðri hæð, nær sviði) B svæði: 2.900 + miðagjald (efri hæð, fjær sviði)

Aldurstakmark er 18 ár. Miðasalan fer fram á www.midi.is, í verslunum Skífunnar í Reykjavík og verslunum BT úti á landi.