Næsta smáskífa í spilun í lok ágúst

Söngsveitin Nylon er á leiðinni á enn aðra tónleikaferðina um Bretlandseyjar. Nú hafa þær ákveðið að slást í för með bresku sveitinni McFly en bandið er eitt það allra vinsælasta í Bretlandi og til að mynda var nýjasta lagið þeirra í efsta sæti breska listans í síðustu viku. Nylon er að leggja lokahönd á fyrstu breiðskífu sína á ensku en stelpurnar hafa verið að vinna með erlendum upptökustjórum í Sýrlandi í Reykjavík undanfarna daga. Platan kemur að öllum líkindum út í byrjun október.

Mcfly skipa þeir Tom Fletcher, Danny Jones, Dougie Poynter og Harry

Judd. Sveitin hefur haft mikilli velgengni að fagna um allan heim og

eru ein bjartasta von Breta. Þeir hafa gefið út tvær breiðskífur og

báðar hafa þær notið gríðarlegra vinsælda. McFly gerðu sér lítið

fyrir með sinni fyrstu breiðskífu "Room On The Third Floor"og fóru

beint í fyrsta sætið á breska vinsældarlistanum. Þar með slógu þeir

met sjálfra Bítlana! Fyrir vikið eru McFly nú í heimsmetabók Guinness

sem yngsta bandið fyrr og síðar til að gefa út plötu sem fer beint í

fyrsta sætið á vinsældarlistanum.

Strákarnir í McFly koma víða við og eru til dæmis í nýlegri bíómynd

"Just My Luck" en þar fer enginn önnur en stórstjarnan Lindsey Lohan

með aðalhlutverk. Nýjasta breiðskífa McFly heitir "Wonderland" og er

lagið "Don´t Stop Me Now" það allra vinsælasta í Bretlandi þessa

dagana og skaut sér í fyrsta sætið á breska vinsældarlistanum.

17. september Hallam FM Arena, Sheffield

19. september NEC Birmingham

20. september NEC Birmingham

22. september Wembley Arena

23. september Wembley Arena

26. september Cardiff International Arena

27. september Cardiff International Arena

29. september Metro Radio Arena

02. október SECC

03. október SECC

05. október Nottingham Arena

06. október M.E.N. Arena Manchester

07. október M.E.N. Arena Manchester

09. október Point Theatre, Dublin, IE

10. október Odyssey Arena, Belfast, NI