Brottnámið úr kvennabúrinu 29. ágúst 2006 14:30 Aðstandendur sýningarinnar á fyrstu æfingu. Fyrsta verkefni Íslensku óperunnar starfsárið 2006-2007 er uppfærsla á Brottnáminu úr kvennabúrinu eftir Mozart en tónskáldið á 250 ára afmæli í ár og hefur þess verið minnst víða um heim. Undirbúningur vegna sýningarinnar er í fullum gangi og um þessar mundir vinnur starfsfólk Óperunnar hörðum höndum við að setja upp sviðsmyndina, sauma búningana ásamt öðrum undirbúningi en sviðsæfingar á verkinu hófust mánudaginn 28. ágúst. Alls taka fimm einsöngvarar þátt í sýningunni auk Pálma Gestsonar leikara sem fer með hlutverk Selim sem er talhlutverk en þetta er í fyrsta sinn sem Pálmi tekur þátt í uppfærslu hjá Íslensku óperunni. Bjarni Thor Kristinsson, bassi, fer með hlutverk Osmins en hann hefur komið fram í helstu óperuhúsum í Evrópu við góðan orðstír undanfarin ár en Bjarni söng hlutverk Gamla mannsins í Galdra Lofti hjá Íslensku óperunni fyrir tíu árum. Með hlutverk Belmonte fer Finnur Bjarnason, tenór, en hann er fastráðin við Komische Oper í Berlín og hefur komið fram víða í Evrópu og Bandaríkjunum á undanförnum árum. Finnur söng síðast hjá Íslensku óperunni árið 2001 þegar hann fór með hlutverk Tamino í Töfraflautunni. Snorri Wium, tenór, sem fer með hlutverk Pedrillo hefur sungið í all mörgum uppfærslum hjá Íslensku óperunni m.a í Toscu og Sweeney Todd en hann hefur verið búsettur í Vín að undförnu. Katharina Th. Guðmundsson, sópran, er frá Austurríki og fer með hlutverk Blonde en þetta er fyrsta hlutverk hennar hjá Íslensku óperunni en hún kom fram á hádegistónleikum á síðasta ári með eiginmanni sínum Einari Th. Guðmundssyni. Síðast en ekki síst er það hin suður- afríska sópransöngkona Angela Gilbert sem fer með hlutverk Konstönzu, en hún hefur komið fram víða um heim og hlaut á meðal annars sérstaklega góða dóma fyrir frammistöðu sína í hlutverki Luciu í Lucia di Lammermoor eftir Donizetti hjá San Diego óperunni í febrúar sl. Leikstjóri er Jamie Hayes en þetta er fjórða uppfærslan sem hann leikstýrir hjá Íslensku óperunni. Hljómsveitarstjóri er Kurt Kopecky og aðstoðarhljómsveitarstjóri er Daníel Bjarnason. Leikmyndina hannar Snorri Freyr Hilmarsson og búningahönnuður er Filippía Elísdóttir. Ljósahönnuður er Björn Bergsteinn Guðmundsson. Brottnámið úr kvennabúrinu verður frumsýnt 29. september og alls verða 10 sýningar á verkinu. Brottnámið úr kvennabúrinu var fyrsta óperan sem Mozart samdi fyrir óperuhús Vínarborgar eftir að hann fluttist þangað í óþökk fjölskyldu sinnar vorið 1781. Með henni sýndi hinn 25 ára gamli Mozart að hann hafði þegar náð fullkomnum tökum á óperuforminu og var fær í flestan sjó. Á námskeiði Vinafélags Íslensku óperunnar og Endurmenntunar Háskóla Íslands sem hefst 3. október nk. mun Árni Heimir Ingólfsson tónlistarfræðingu fjalla um óperuna og efni hennar. Farið verður yfir helstu einkenni tónlistarinnar og auk þess verður fjallað um „tyrknesk" áhrif í tónlist Mozarts í óperunni og víðar, en óperan gerist í Tyrklandi á 17. öld. Skráning og nánari upplýsingar er að finna á heimasíðu Endurmenntunar HÍ; www.endurmenntun.is. Nánari upplýsingar um sýningar á Brottnáminu úr kvennabúrinu í Íslensku óperunni er að finna á Óperuvefnum www.opera.is. Lífið Menning Mest lesið Mamma byrjuð að undirbúa stúdentsveislu þegar fregn barst af falli Lífið „Það er galið að sjá fimm manna fjölskyldu sitja saman en öll í símanum“ Áskorun Elti drauminn og flutti um borð í húsbíl Lífið Krakkatían: Nótur, bankar og geitur Lífið Eva flutt inn í verðlaunahús Kára Lífið „Það er einhver sjarmi yfir París sem er ekki annarsstaðar“ Lífið Fyndnustu dýralífsmyndir ársins Lífið Ætlar í blómabað á Balí með manninum sínum Lífið Gaf langömmu tattú í afmælisgjöf Lífið „Þegar menn vaða svona í fjölskylduna mína þá tek ég boxhanskana af“ Lífið Fleiri fréttir Elti drauminn og flutti um borð í húsbíl Mamma byrjuð að undirbúa stúdentsveislu þegar fregn barst af falli Krakkatían: Nótur, bankar og geitur „Það er einhver sjarmi yfir París sem er ekki annarsstaðar“ Gaf langömmu tattú í afmælisgjöf Fréttatía vikunnar: Þingframboð, þýfi og brúarframkvæmdir „Þegar menn vaða svona í fjölskylduna mína þá tek ég boxhanskana af“ Þriðja barnið á leiðinni Eva flutt inn í verðlaunahús Kára Kallaður hinn íslenski Forrest Gump af stóra bróður Heldur ekki vatni yfir konunni sinni Íris Ósk selur tryllt hönnunarhús Maggie Smith er látin Gaf eiginmanninum nektarmynd á stórafmælinu Í hnapphelduna með krókódílamanninum Kolbrún ber laxerolíu á andlitið Íslensk börn skorti meiri aga Ætlar í blómabað á Balí með manninum sínum Minnast Bryndísar Klöru á tónleikum: „Pínulítil hugmynd sem stækkaði og stækkaði“ Húðrútína ekki síður fyrir karlmenn Umdeilt uppáhald arkitekts við Austurvöll Tekinn inn í frægðarhöll rafíþróttanna Lakkrískóngurinn Bülow selur sveitasetrið Skilnaður Step Up hjóna genginn í gegn Fyndnustu dýralífsmyndir ársins Tökumenn LXS yfirheyrðir í 90 mínútur og áttu ekki að fá inngöngu inn í landið Úr Idolinu yfir í útvarpið „Siðlausi siðfræðingurinn“ hreyfir ekki við Stefáni Einari Fagnaðarfundir á fyrstu frumsýningu vetrarins Hvað gerði Diddy? Mansal, ofbeldi og samsæriskenningar um Justin Bieber Sjá meira
Fyrsta verkefni Íslensku óperunnar starfsárið 2006-2007 er uppfærsla á Brottnáminu úr kvennabúrinu eftir Mozart en tónskáldið á 250 ára afmæli í ár og hefur þess verið minnst víða um heim. Undirbúningur vegna sýningarinnar er í fullum gangi og um þessar mundir vinnur starfsfólk Óperunnar hörðum höndum við að setja upp sviðsmyndina, sauma búningana ásamt öðrum undirbúningi en sviðsæfingar á verkinu hófust mánudaginn 28. ágúst. Alls taka fimm einsöngvarar þátt í sýningunni auk Pálma Gestsonar leikara sem fer með hlutverk Selim sem er talhlutverk en þetta er í fyrsta sinn sem Pálmi tekur þátt í uppfærslu hjá Íslensku óperunni. Bjarni Thor Kristinsson, bassi, fer með hlutverk Osmins en hann hefur komið fram í helstu óperuhúsum í Evrópu við góðan orðstír undanfarin ár en Bjarni söng hlutverk Gamla mannsins í Galdra Lofti hjá Íslensku óperunni fyrir tíu árum. Með hlutverk Belmonte fer Finnur Bjarnason, tenór, en hann er fastráðin við Komische Oper í Berlín og hefur komið fram víða í Evrópu og Bandaríkjunum á undanförnum árum. Finnur söng síðast hjá Íslensku óperunni árið 2001 þegar hann fór með hlutverk Tamino í Töfraflautunni. Snorri Wium, tenór, sem fer með hlutverk Pedrillo hefur sungið í all mörgum uppfærslum hjá Íslensku óperunni m.a í Toscu og Sweeney Todd en hann hefur verið búsettur í Vín að undförnu. Katharina Th. Guðmundsson, sópran, er frá Austurríki og fer með hlutverk Blonde en þetta er fyrsta hlutverk hennar hjá Íslensku óperunni en hún kom fram á hádegistónleikum á síðasta ári með eiginmanni sínum Einari Th. Guðmundssyni. Síðast en ekki síst er það hin suður- afríska sópransöngkona Angela Gilbert sem fer með hlutverk Konstönzu, en hún hefur komið fram víða um heim og hlaut á meðal annars sérstaklega góða dóma fyrir frammistöðu sína í hlutverki Luciu í Lucia di Lammermoor eftir Donizetti hjá San Diego óperunni í febrúar sl. Leikstjóri er Jamie Hayes en þetta er fjórða uppfærslan sem hann leikstýrir hjá Íslensku óperunni. Hljómsveitarstjóri er Kurt Kopecky og aðstoðarhljómsveitarstjóri er Daníel Bjarnason. Leikmyndina hannar Snorri Freyr Hilmarsson og búningahönnuður er Filippía Elísdóttir. Ljósahönnuður er Björn Bergsteinn Guðmundsson. Brottnámið úr kvennabúrinu verður frumsýnt 29. september og alls verða 10 sýningar á verkinu. Brottnámið úr kvennabúrinu var fyrsta óperan sem Mozart samdi fyrir óperuhús Vínarborgar eftir að hann fluttist þangað í óþökk fjölskyldu sinnar vorið 1781. Með henni sýndi hinn 25 ára gamli Mozart að hann hafði þegar náð fullkomnum tökum á óperuforminu og var fær í flestan sjó. Á námskeiði Vinafélags Íslensku óperunnar og Endurmenntunar Háskóla Íslands sem hefst 3. október nk. mun Árni Heimir Ingólfsson tónlistarfræðingu fjalla um óperuna og efni hennar. Farið verður yfir helstu einkenni tónlistarinnar og auk þess verður fjallað um „tyrknesk" áhrif í tónlist Mozarts í óperunni og víðar, en óperan gerist í Tyrklandi á 17. öld. Skráning og nánari upplýsingar er að finna á heimasíðu Endurmenntunar HÍ; www.endurmenntun.is. Nánari upplýsingar um sýningar á Brottnáminu úr kvennabúrinu í Íslensku óperunni er að finna á Óperuvefnum www.opera.is.
Lífið Menning Mest lesið Mamma byrjuð að undirbúa stúdentsveislu þegar fregn barst af falli Lífið „Það er galið að sjá fimm manna fjölskyldu sitja saman en öll í símanum“ Áskorun Elti drauminn og flutti um borð í húsbíl Lífið Krakkatían: Nótur, bankar og geitur Lífið Eva flutt inn í verðlaunahús Kára Lífið „Það er einhver sjarmi yfir París sem er ekki annarsstaðar“ Lífið Fyndnustu dýralífsmyndir ársins Lífið Ætlar í blómabað á Balí með manninum sínum Lífið Gaf langömmu tattú í afmælisgjöf Lífið „Þegar menn vaða svona í fjölskylduna mína þá tek ég boxhanskana af“ Lífið Fleiri fréttir Elti drauminn og flutti um borð í húsbíl Mamma byrjuð að undirbúa stúdentsveislu þegar fregn barst af falli Krakkatían: Nótur, bankar og geitur „Það er einhver sjarmi yfir París sem er ekki annarsstaðar“ Gaf langömmu tattú í afmælisgjöf Fréttatía vikunnar: Þingframboð, þýfi og brúarframkvæmdir „Þegar menn vaða svona í fjölskylduna mína þá tek ég boxhanskana af“ Þriðja barnið á leiðinni Eva flutt inn í verðlaunahús Kára Kallaður hinn íslenski Forrest Gump af stóra bróður Heldur ekki vatni yfir konunni sinni Íris Ósk selur tryllt hönnunarhús Maggie Smith er látin Gaf eiginmanninum nektarmynd á stórafmælinu Í hnapphelduna með krókódílamanninum Kolbrún ber laxerolíu á andlitið Íslensk börn skorti meiri aga Ætlar í blómabað á Balí með manninum sínum Minnast Bryndísar Klöru á tónleikum: „Pínulítil hugmynd sem stækkaði og stækkaði“ Húðrútína ekki síður fyrir karlmenn Umdeilt uppáhald arkitekts við Austurvöll Tekinn inn í frægðarhöll rafíþróttanna Lakkrískóngurinn Bülow selur sveitasetrið Skilnaður Step Up hjóna genginn í gegn Fyndnustu dýralífsmyndir ársins Tökumenn LXS yfirheyrðir í 90 mínútur og áttu ekki að fá inngöngu inn í landið Úr Idolinu yfir í útvarpið „Siðlausi siðfræðingurinn“ hreyfir ekki við Stefáni Einari Fagnaðarfundir á fyrstu frumsýningu vetrarins Hvað gerði Diddy? Mansal, ofbeldi og samsæriskenningar um Justin Bieber Sjá meira