VICE KVÖLD Á AIRWAVES 2006

Tímaritið Vice verður með sérstakt kvöld á tónlistarhátíðinni Iceland Airwaves 2006. Kvöldið fer fram á Gauknum, föstudagskvöldið 20. október og þar munu koma fram hljómsveitirnar Wolf Parade (CAN), Jeff Who?, Mammút, Jan Mayen, Hölt hóra, Vax, Lisa Lindley-Jones (UK) og 120 Days (NO).

Síðastnefnda bandið er nýkomið inn á dagskrá hátíðarinnar og kemur í stað hljómsveitarinnar Cold War Kids, sem vegna framlengingu á tónleikaferð sinni með hljómsveitinni Futureheads kemst ekki á Airwaves í ár eins og fyrirhugað var. Þótt vissulega sé missir af Cold War Kids eru aðstandendur Airwaves ánægðir með að hafa náð að fylla pláss þeirra hátíðinni með jafn spennandi sveit og 120 Days. Hljómsveitin skrifaði nýlega undir samning hjá VICE Records og varð þar með fyrsta norska bandið til að gera beinan plötusamning við bandaríska plötuútgáfu. Þeir hafa undanfarið fengið lofsamlega dóma hjá vefritum á borð Pitchfork og Stereogum og munu gefa út sína fyrstu breiðskífu þann 10. október, rétt fyrir tónleika sína á Airwaves.

Rafræn rokktónlist 120 Days hefur verið líkt við verk ólíkra listamanna á borð við Kraftwerk, Suicide, Stereolab, The Stooges og Primal Scream. Hljómsveitin var stofnuð árið 2001 í Kristiansund á norðvesturströnd Noregs undir nafninu The Beatiful People. Eftir að hafa flutt sig um set til Osló fóru hlutirnar að gerast og í kjölfarið á EP plötunni Sedated Times, sem kom út hjá norsku indí útgáfunni Public Demand Records árið 2004, tóku við tónleikar á tónlistarhátíðum á borð við By:Larm, Oya, Reading, Leeds og Sonar. Eftir nafnabreytingu skrifaði 120 Days undir samning hjá útgáfunni Smalltown Supersound - sem staðsett er í Osló og er meðal annars er með Jaga Jazzist, Kim Hiorthoy og Lindstrom á sínum snærum - og núna síðast hjá VICE Records í Bandaríkjunum, en VICE gefur m.a. út Bloc Party, Chromeo og The Streets.

Tímaritið VICE kom fyrst út í Montreal fyrir rúmlega áratug - en hefur síðan stækkað og eflst og er nú meðal stærstu tónlistar/tísku/lífstíls tímaritum heims. Sérstakar útgáfur af tímaritinu eru gefnar út í Bretlandi, Bandaríkjunum, Kanada, Ástralíu, Nýja Sjálandi, Ítalíu, Þýskalandi, Hollandi, Belgíu, Japan og Skandinavíu. Það er skandinavíska útgáfan sem tengist VICE kvöldinu á Airwaves og sendir blaðamenn á hátíðina. VICE Scandinavia er gefið út í Danmörku, Svíþjóð og Noregi og hefur rúmlega 200.000 lesendur. VICE rekur einnig VICE Records sem m.a. gefur út Bloc Party, Chromeo, The Stills, The Streets og 120 Days.

Miðasala á Airwaves

Miðasala á Icleand Airwaves 2006 fer fram í verslunum Skífunnar Laugavegi, Kringlunni og Smáralind í Reykjavík og verslunum BT á Akureyri, Egilstöðum og Selfossi. Miðinn er í raun armband sem veitir aðgang að öllum tónleikum hátíðarinnar. Miðaverð er 6.900 krónur, auk miðagjalds söluaðila sem er 460 krónur.