SILVER með Védísi Hervöru og Seth Sharp

Silver er amerísk/íslenskur tónleikakabarett með Védísi Hervöru og Seth Sharp í fararbroddi. Silver sem er í anda "Aint Misbehavin" og "Smokey Joe´s Cafe" samanstendur af bæði íslenskum og amerískum dægur- og þjóðlagaperlum sem tvinnast saman og segja sögu af von, ást og forvitni. Í Silver er m.a. að finna fallega samblöndu af Sofðu unga ástin mín og Summertime ásamt "fönkí" útgáfu af Fat Waller laginu Viper´s Drag/Reefer song í bland við "Í Bláum skugga" sem Stuðmenn okkar Íslendinga eiga heiðurinn að.

Fullskipuð hljómsveit mun koma fram með Védísi og Seth í Salnum, Kópavogi en í tilefni jólahátíðarinnar munu þau einnig bæta við dagskránna nokkrum kanilhúðuðum jólalögum.

Þessir einstöku tónleikar byrja á slaginu 20.30 laugardaginn 16. desember og ætla Védís og Seth að hita mannskapinn rækilega upp fyrir komandi vetrartíð. Kærkomið tilefni til þess að hlýja sér við ljúfa tóna á köldu vetrarkvöldi.