Fyrirgefningin

Fimmtudaginn 7.desember kl: 20:00 heldur Guðjón Bergmann tveggja stunda fyrirlestur í samstarfi við Eddu útgáfu á Grand Hótel Reykjavík með yfirskriftinni Fyrirgefningin: Heimsins fremsta lækning. Þetta er í annað skiptið sem fyrirlesturinn er haldinn á stuttum tíma vegna mikillar eftirspurnar.

Með því helsta sem verður fjallað um er:

- Munurinn á fyrirgefningu og iðrun.

- Heilsusamlegir ávinningar (andlegir og líkamlegir) þess að fyrirgefa.

- Munurinn á því að fyrirgefa og fyrirgeyma.

- Aðferðir við að fyrirgefa.

Fyrirlesturinn er nefndur í höfuðið á bók eftir Gerald Jampolsky sem Guðjón þýddi af ensku fyrir rúmum sex árum og kom upphaflega út hjá Leiðarljósi ehf. en hefur nú verið endurútgefin af Eddu útgáfu.

Frá því að Guðjón þýddi bókina hefur hann iðulega rætt um fyrirgefninguna á fyrirlestrum sínum og námskeiðum. Umræðan hefur í öllum tilfellum vakið mikinn áhuga viðstaddra og því var ákveðið að halda sérstakan fyrirlestur um þetta efni sem er svo mörgum hugleikið í byrjun nóvember á þessu ári. Þá var húsfyllir og mikil eftirspurn eftir öðrum fyrirlestri varð til í framhaldi af því. Því hefur verið ákveðið að endurtaka leikinn nú í byrjun desember.

Fyrirlesturinn hefst kl.20:00 og stendur í rúma tvo tíma. Aðgangseyrir er 2.500 kr. Hægt er að mæta beint á fyrirlesturinn eða skrá sig á www.gbergmann.is. Einnig verður hægt að kaupa samnefnda bók á tilboði. Við vonum að sem flestir sjái sér fært að nýta sér þetta einstaka tækifæri til að öðlast dýpri skilning á þessum mannlega eiginleika sem við höfum greiðan aðgang að á lífsins leið, það er að segja fyrirgefningunni.