Ætlum okkur góða hluti í Kanada 2. maí 2007 00:01 Forseti Íslands, Ólafur Ragnar Grímsson, Halldór J. Kristjánsson bankastjóri, Ingólfur Guðmundsson, framkvæmdastjóri einkabankasviðs, Sandra Sigurdson, starfsmaður skrifstofunnar, Rene Botzenhardt hjá Landsbankanum í Halifax, Björgólfur Guðmundsson, formaður bankaráðs, Elín S. Sigfúsdóttir, framkvæmdastjóri fyrirtækjasviðs Landsbankans, og Þorvaldur Þorsteinsson, sérfræðingur á einkabankasviði. Landsbankinn mun í fyrstu kynna einkabankaþjónustu þar sem bankinn ávaxtar eignir viðskiptavina, meðal annars með aðgangi að verðbréfamörkuðum á Íslandi og þrettán öðrum Evrópumörkuðum. Fyrir rekur bankinn skrifstofu í Halifax á austurströnd Kanada sem annast fyrirtækjaráðgjöf og hefur milligöngu um lánveitingar til fyrirtækja. „Við höfum lengi verið á leið hingað,“ segir Björgólfur. „Í þessari stækkun á Landsbankanum höfum við alltaf horft til vesturs. Við erum þegar með skrifstofu í New York en hér ætlum við að byggja okkur upp til áframhaldandi framrásar vestanhafs.“ Björgólfur segir Landsbankann kjósa að hasla sér völl í Kanada frekar en í Bandaríkjunum því viðskiptaumhverfið í Kanada sé þjálla og persónulegra en það bandaríska og henti Landsbankanum betur. „Regluverkið er mun stífara í Bandaríkjunum og ómannlegra. Við finnum það á því hvernig okkur er tekið og okkar mál meðhöndluð. Kanada er hins vegar í mikilli sókn og í efnahagslegu tilliti gengur óskaplega vel hér. Hér er mikið af litlum og meðalstórum fyrirtækjum, sem er einmitt sá markaður sem við viljum helst sinna.“ Til eru stærri borgir í Kanada en Winnipeg, sem telur rösklega 630 þúsund íbúa, og víða er efnahagslegur uppgangur meiri, til dæmis í Calgary þar sem ástandið er ekki ósvipað og á Íslandi. Spurður hvers vegna bankinn hafi kosið að koma sér fyrir í Winnipeg segir Björgólfur að hún sé mikilvægari borg en margir haldi. „Ég held að margir heima hafi ekki rétta hugmynd um Winnipeg og tengi hana fyrst og fremst við Vestur-Íslendinga og þjóðrækni. Hið rétta er að hún er borg mikilla athafna; hér er fjölbreytt atvinnu- og fjármálalíf og hún er af stærð sem hentar okkur vel.“ Hin sögulegu tengsl milli Íslands og Winnipeg spilla ekki fyrir, um áttatíu þúsund manns í borginni og nágrenni hennar eru af íslensku bergi brotnir. „Það er ótrúlegt net af fólki af íslenskum ættum í stjórnunarstöðum og viðskiptum hér sem hafa tekið okkur afskaplega vel og jafnvel hvatt okkur til að koma. Þessir aðilar hafa fylgst betur með íslensku efnahagslífi en við gerum okkur grein fyrir og við njótum mikils velvilja, upplýsts velvilja. Þær spurningar sem við fáum sýna að menn hafa unnið heimavinnuna sína vel.“ Hann bætir við að tengsl Íslendinga við Vestur-Íslendinga hafi ávallt verið góð en efnahagslegar ástæður komið í veg fyrir að þau hafi blómstrað. „En ég geri mér vonir um að með opnun skrifstofunnar aukist viðskipti og þar með eflist jafnframt lifandi mennta- og menningartengsl.“ Þá segir Björgólfur Kanadamenn almennt vera opnari fyrir nýjum möguleikum og treysta mönnum betur en almennt gerist. „Móttökurnar hér hafa verið ólíkt betri en til dæmis í Danmörku og Noregi. Kanadamenn hugsa og framkvæma eins og við Íslendingar; þeir eru opnir og heiðarlegir, sem skiptir öllu máli. Þetta er öðruvísi en á stærri mörkuðum þar sem er meiri hraði. Hvarvetna er okkur tekið á jafningjagrundvelli.“ Hann segir líkindi milli þjóðanna og báðar hafi þær verið í skugga sér voldugri nágranna. „Maður heyrir það í samtölum við heimamenn; þegar við tölum um Evrópu segja þeir að þannig upplifi þeir Bandaríkin.“ Björgólfur segir að næstu skref vestanhafs séu að kortleggja markaðinn, en aðalatriðið sé að fara sér ekki óðslega. „Við vitum hvert við erum að fara en förum rólega yfir. Við erum að hugsa um marga staði í augnablikinu og ég held að vöxtur bankans verði töluverður. Við ætlum okkur góða hluti í Kanada.“ Héðan og þaðan Mest lesið Húsið selt á 78 milljónir og Jakub þarf að reiða fram milljón Viðskipti innlent Gjaldþrotin námu 1,2 milljörðum króna Viðskipti innlent Stýrivextir líklegast ekki lækkaðir aftur á þessu ári Viðskipti innlent Að sleikja narsisstann upp í vinnunni Atvinnulíf Forstjóri Flügger ákærður fyrir brot á viðskiptaþvingunum Viðskipti erlent Alltof margir sem sitja eftir með sárt ennið Viðskipti innlent „Alltaf leiðindamál að lenda í svona“ Viðskipti erlent Verðbólgan úr 3,8 prósentum í 4,2 prósent Viðskipti innlent Íslendingur missir leyfið fyrir KFC í Danmörku eftir meiriháttar hneyksli Viðskipti erlent Fyrsta íslenska grænkera ostagerðin í hættu Viðskipti innlent Fleiri fréttir „Þetta eru mjög mikil vonbrigði fyrir okkur“ Tekjur Haga jukust á fyrsta ársfjórðungi Bjarni Ingimar ráðinn rekstrarstjóri Avia Húsið selt á 78 milljónir og Jakub þarf að reiða fram milljón Gjaldþrotin námu 1,2 milljörðum króna Stýrivextir líklegast ekki lækkaðir aftur á þessu ári Baldvin tekinn við sem forstjóri Samherja Lánardrottnar slá af milljarð af vöxtum á ári Birta stendur frammi fyrir 1,5 milljarða tapi á Play Ósátt með samráðsleysi stjórnvalda Atvinnuleysi minnkar lítillega Samkaup segja upp tuttugu og tveimur Vonast til að hefja slátrun árið 2028 Öryggismyndavélar á grenndarstöðvum eigi að sporna við sóðaskap Vilja lækka fasteignaskatta um tvo milljarða: „Við eigum fyrir þessu“ Á von á fleiri fyrirtækjum í hópmálssókn gegn Booking.com Þrjú verkefni fengu styrk úr sjóði FrumkvöðlaAuðar Endurskoða áform um 1,5 milljarða skattahækkun Tekjur meiri af erlendum ferðamönnum og færri starfandi í ferðaþjónustu Flokka úrgang í fyrsta sinn á Norðurálsmótinu Hefur sjálfur séð eyðileggingu af völdum botnvörpuveiða Bjarg íbúðafélag reisir þrjátíu íbúðir í Reykjanesbæ Allir héldu stjörnunni og Óx fékk eina græna til Raquelita Rós ráðin tæknistjóri Um helmingur sérbýla kostar meira en 150 milljónir Sérstaða Íslendinga í máltækni nýtist í nýrri samnorrænni gervigreindarmiðstöð Ragnhildur, Svavar og Hreinn nýir stjórnendur hjá N1 Sigrún Ósk ráðin upplýsingafulltrúi Akraneskaupstaðar Selur ísbílinn eftir þrjátíu ár í bransanum Tilkynningum frá verslunareigendum um alvarleg atvik hafi fjölgað Sjá meira
Landsbankinn mun í fyrstu kynna einkabankaþjónustu þar sem bankinn ávaxtar eignir viðskiptavina, meðal annars með aðgangi að verðbréfamörkuðum á Íslandi og þrettán öðrum Evrópumörkuðum. Fyrir rekur bankinn skrifstofu í Halifax á austurströnd Kanada sem annast fyrirtækjaráðgjöf og hefur milligöngu um lánveitingar til fyrirtækja. „Við höfum lengi verið á leið hingað,“ segir Björgólfur. „Í þessari stækkun á Landsbankanum höfum við alltaf horft til vesturs. Við erum þegar með skrifstofu í New York en hér ætlum við að byggja okkur upp til áframhaldandi framrásar vestanhafs.“ Björgólfur segir Landsbankann kjósa að hasla sér völl í Kanada frekar en í Bandaríkjunum því viðskiptaumhverfið í Kanada sé þjálla og persónulegra en það bandaríska og henti Landsbankanum betur. „Regluverkið er mun stífara í Bandaríkjunum og ómannlegra. Við finnum það á því hvernig okkur er tekið og okkar mál meðhöndluð. Kanada er hins vegar í mikilli sókn og í efnahagslegu tilliti gengur óskaplega vel hér. Hér er mikið af litlum og meðalstórum fyrirtækjum, sem er einmitt sá markaður sem við viljum helst sinna.“ Til eru stærri borgir í Kanada en Winnipeg, sem telur rösklega 630 þúsund íbúa, og víða er efnahagslegur uppgangur meiri, til dæmis í Calgary þar sem ástandið er ekki ósvipað og á Íslandi. Spurður hvers vegna bankinn hafi kosið að koma sér fyrir í Winnipeg segir Björgólfur að hún sé mikilvægari borg en margir haldi. „Ég held að margir heima hafi ekki rétta hugmynd um Winnipeg og tengi hana fyrst og fremst við Vestur-Íslendinga og þjóðrækni. Hið rétta er að hún er borg mikilla athafna; hér er fjölbreytt atvinnu- og fjármálalíf og hún er af stærð sem hentar okkur vel.“ Hin sögulegu tengsl milli Íslands og Winnipeg spilla ekki fyrir, um áttatíu þúsund manns í borginni og nágrenni hennar eru af íslensku bergi brotnir. „Það er ótrúlegt net af fólki af íslenskum ættum í stjórnunarstöðum og viðskiptum hér sem hafa tekið okkur afskaplega vel og jafnvel hvatt okkur til að koma. Þessir aðilar hafa fylgst betur með íslensku efnahagslífi en við gerum okkur grein fyrir og við njótum mikils velvilja, upplýsts velvilja. Þær spurningar sem við fáum sýna að menn hafa unnið heimavinnuna sína vel.“ Hann bætir við að tengsl Íslendinga við Vestur-Íslendinga hafi ávallt verið góð en efnahagslegar ástæður komið í veg fyrir að þau hafi blómstrað. „En ég geri mér vonir um að með opnun skrifstofunnar aukist viðskipti og þar með eflist jafnframt lifandi mennta- og menningartengsl.“ Þá segir Björgólfur Kanadamenn almennt vera opnari fyrir nýjum möguleikum og treysta mönnum betur en almennt gerist. „Móttökurnar hér hafa verið ólíkt betri en til dæmis í Danmörku og Noregi. Kanadamenn hugsa og framkvæma eins og við Íslendingar; þeir eru opnir og heiðarlegir, sem skiptir öllu máli. Þetta er öðruvísi en á stærri mörkuðum þar sem er meiri hraði. Hvarvetna er okkur tekið á jafningjagrundvelli.“ Hann segir líkindi milli þjóðanna og báðar hafi þær verið í skugga sér voldugri nágranna. „Maður heyrir það í samtölum við heimamenn; þegar við tölum um Evrópu segja þeir að þannig upplifi þeir Bandaríkin.“ Björgólfur segir að næstu skref vestanhafs séu að kortleggja markaðinn, en aðalatriðið sé að fara sér ekki óðslega. „Við vitum hvert við erum að fara en förum rólega yfir. Við erum að hugsa um marga staði í augnablikinu og ég held að vöxtur bankans verði töluverður. Við ætlum okkur góða hluti í Kanada.“
Héðan og þaðan Mest lesið Húsið selt á 78 milljónir og Jakub þarf að reiða fram milljón Viðskipti innlent Gjaldþrotin námu 1,2 milljörðum króna Viðskipti innlent Stýrivextir líklegast ekki lækkaðir aftur á þessu ári Viðskipti innlent Að sleikja narsisstann upp í vinnunni Atvinnulíf Forstjóri Flügger ákærður fyrir brot á viðskiptaþvingunum Viðskipti erlent Alltof margir sem sitja eftir með sárt ennið Viðskipti innlent „Alltaf leiðindamál að lenda í svona“ Viðskipti erlent Verðbólgan úr 3,8 prósentum í 4,2 prósent Viðskipti innlent Íslendingur missir leyfið fyrir KFC í Danmörku eftir meiriháttar hneyksli Viðskipti erlent Fyrsta íslenska grænkera ostagerðin í hættu Viðskipti innlent Fleiri fréttir „Þetta eru mjög mikil vonbrigði fyrir okkur“ Tekjur Haga jukust á fyrsta ársfjórðungi Bjarni Ingimar ráðinn rekstrarstjóri Avia Húsið selt á 78 milljónir og Jakub þarf að reiða fram milljón Gjaldþrotin námu 1,2 milljörðum króna Stýrivextir líklegast ekki lækkaðir aftur á þessu ári Baldvin tekinn við sem forstjóri Samherja Lánardrottnar slá af milljarð af vöxtum á ári Birta stendur frammi fyrir 1,5 milljarða tapi á Play Ósátt með samráðsleysi stjórnvalda Atvinnuleysi minnkar lítillega Samkaup segja upp tuttugu og tveimur Vonast til að hefja slátrun árið 2028 Öryggismyndavélar á grenndarstöðvum eigi að sporna við sóðaskap Vilja lækka fasteignaskatta um tvo milljarða: „Við eigum fyrir þessu“ Á von á fleiri fyrirtækjum í hópmálssókn gegn Booking.com Þrjú verkefni fengu styrk úr sjóði FrumkvöðlaAuðar Endurskoða áform um 1,5 milljarða skattahækkun Tekjur meiri af erlendum ferðamönnum og færri starfandi í ferðaþjónustu Flokka úrgang í fyrsta sinn á Norðurálsmótinu Hefur sjálfur séð eyðileggingu af völdum botnvörpuveiða Bjarg íbúðafélag reisir þrjátíu íbúðir í Reykjanesbæ Allir héldu stjörnunni og Óx fékk eina græna til Raquelita Rós ráðin tæknistjóri Um helmingur sérbýla kostar meira en 150 milljónir Sérstaða Íslendinga í máltækni nýtist í nýrri samnorrænni gervigreindarmiðstöð Ragnhildur, Svavar og Hreinn nýir stjórnendur hjá N1 Sigrún Ósk ráðin upplýsingafulltrúi Akraneskaupstaðar Selur ísbílinn eftir þrjátíu ár í bransanum Tilkynningum frá verslunareigendum um alvarleg atvik hafi fjölgað Sjá meira