Cannibal Corpse áritar í Tónastöðinni

Alex Webster og Pat O'Brien, liðsmenn bandarísku dauðarokksveitarinnar Cannibal Corpse, mæta í Tónastöðina í Skipholti og árita á mánudaginn kl. 18.00.



Hljómsveitin heldur tvenna tónleika á Nasa um helgina. Þeir fyrri verða í kvöld fyrir tuttugu ára og eldri en þeir síðari, sem verða annað kvöld, verða fyrir alla aldurshópa. Enn eru til miðar á tónleikana og er miðaverð 2.500 krónur. Cannibal Corpse, sem hefur gefið út tíu hljóðsversplötur, er söluhæsta dauðarokkssveit allra tíma. Bíða þungarokksaðdáendur komu hennar til Íslands með mikilli eftirvæntingu.