Erlent

Nýjar myndir af yfirborði Mars

Mynd/NASA

Allt lítur út fyrir að vatn hafi eitt sinn runnið á yfirborði Mars á nýjum myndum frá könnunarfari NASA sem sveimar nú á sporbaug um reikistjörnuna rauðu. Myndirnar sýna að yfirborð Mars líkist nokkuð eyðimörkum suðvesturríkja Bandaríkjanna og á því eru rákir sem líkjast uppþornuðum árfarvegum.

Það að slíkir farvegir sjáist á yfirborðinu nú gefa til kynna að hugsanlega geti verið rennandi vatn undir yfirborði plánetunnar. Vatn er lykillinn að lífi og bendir þessi uppgötvun til þess að enn sé von til þess að líf finnist á Mars. Eins og við höfum áður sagt frá þá gæti geimgeislun þó hafa eytt öllu lífi og ummerkjum um það langt undir yfirborðið.

Heimasíða MRO-verkefnis NASA

NASA
NASA
NASA
NASA
Vísindi

Tengdar fréttir

Róbótar finna sennilega ekki líf á Mars

Ef það er líf á Mars, er það sennilega of langt undir yfirborði plánetunnar til að vélmenni geti fundið það og greint. Þetta er niðurstaða sérfræðinga á vegum Evrópsku geimferðastofnunarinnar. Ástæðan er sú að hafi nokkurn tímann verið líf á borð við einfrumunga eða bakteríur á Mars þá hefur geimgeislun fyrir löngu eytt um það öllum ummerkjum.

Ætla að finna plánetur sem líkjast Jörðinni

Vísindamenn Evrópsku geimferðastofnunarinnar (ESA) hyggjast finna lífvænlegar plánetur sem líkjast jörðinni. Til þess ætla þeir að nota öflugasta geimsjónauka sem smíðaður hefur verið, Darwin-sjónaukann. Áætlað er að sjónaukanum verði skotið upp árið 2020.

Mest lesið


Fleiri fréttir

Sjá meira


×

Mest lesið