Sakamenn og sjentilmenn! Þráinn Bertelsson skrifar 10. mars 2008 06:00 Björgólfsfeðgar í mál við dæmdan dópsmyglara". Segir í stórri fyrirsögn á fréttamiðlinum visir.is. Svo kemur fréttin: „Eignarhaldsfélagið Vatn og land sem er í eigu Björgólfsfeðga hefur höfðað mál á hendur Ársæli Snorrasyni. Ársæll var í október á síðasta ári dæmdur í fimm ára fangelsi fyrir fíkniefnasmygl í BMW málinu svokallaða. Björgólfsfeðgar hafa nú stefnt Ársæli fyrir dóm vegna vangoldinnar húsaleigu en hann býr í húsi við Laugaveg sem er í eigu félagsins." „Ársæll var eins og áður segir dæmdur í fimm ára fangelsi fyrir aðild sína að BMW málinu en í því voru 15 kíló af amfetamíni og 10 kíló af hassi flutt til landsins í bensíntanki BMW bifreiðar. Áður hafði hann hlotið dóm í Hollandi fyrir fíkniefnasmygl. Hann bíður nú afplánunar eftir því sem Vísir kemst næst." ÞETTA er athyglisverð frétt og rifjar upp þá ljótu hluti sem gerast stundum í fasteignabransanum og ég hef skrifað um áður: Peningamenn fela fasteignasölum að sölsa undir sig eignir með öllum tiltækum ráðum. Vinsælt er þá að kaupa íbúð í fjölbýlishúsi, afhenda hana síðan til afnota fyrir vímuefnaneytendur. Láta það síðan berast meðal íbúðaeigenda að íbúðir hækki ekki í verði við að hafa svona fólk í húsinu og geti orðið með öllu óseljanlegar. FÓLK kann ekki að takast á við glæpamenn og lætur undan þrýstingi fasteignasalans. Þegar fasteignasalanum hefur með þvingunum og hótunum tekist að komast yfir tiltekna fasteign fer hann á fund húsbónda síns, vammlauss viðskiptajöfurs sem tekur við eigninni. Hinum stórhuga mannvini og athafnaskáldi sem eignast svona fasteign klæjar í fingurna eftir því að geta látið framfarir hefjast. Aðeins eitt er eftir. Það er að koma út leigjendunum sem voru settir inn í hjallinn til að fæla burt húseigendur. Það er ekkert mál. Til þess höfum við dómstóla. VÍKJUM NÚ aftur að fréttinni hérna í upphafi sem auðvitað tengist svona ribbaldahætti ekki nokkurn skapaðan hlut. En af því að allir eiga nú að vera jafnir fyrir lögunum finnst mér að blaðamenn sem telja við hæfi að rifja upp sakaferil einhvers málsaðila eigi að rifja upp sakaskrá allra sem að málinu koma. Ekki bara þeirra fátæku. Viltu birta grein á Vísi? Sendu okkur póst. Senda grein Þráinn Bertelsson Mest lesið Börn í gámaskólum á meðan bæjarskrifstofur stækka – hvar er forgangsröðin? Ásgeir Elvar Garðarsson Skoðun Munar þig um 5-7 milljónir árlega? Jón Pétur Zimzen Skoðun Umbætur á skólakerfinu. Hættum að ljúga. Hættum því alveg og hættum því strax Atli Harðarson Skoðun Keldnaland – fjölmenn hverfi í mótun Þorsteinn R. Hermannsson Skoðun Eflum traustið Helgi Áss Grétarsson,Marta Guðjónsdóttir Skoðun Hver er kjarninn í samfélagi sem selur hjarta sitt? Trausti Breiðfjörð Magnússon Skoðun Skýr stefna um málfrelsi Róbert H. Haraldsson Skoðun Vindorkuvæðing í skjóli nætur Kristín Helga Gunnarsdóttir Skoðun Heilsufarsmat á vinnustöðum: Góð fjárfesting í heilbrigði og vellíðan starfsfólks Gígja Valgerður Harðardóttir Skoðun Sundrung á vinstri væng Jökull Sólberg Auðunsson Skoðun
Björgólfsfeðgar í mál við dæmdan dópsmyglara". Segir í stórri fyrirsögn á fréttamiðlinum visir.is. Svo kemur fréttin: „Eignarhaldsfélagið Vatn og land sem er í eigu Björgólfsfeðga hefur höfðað mál á hendur Ársæli Snorrasyni. Ársæll var í október á síðasta ári dæmdur í fimm ára fangelsi fyrir fíkniefnasmygl í BMW málinu svokallaða. Björgólfsfeðgar hafa nú stefnt Ársæli fyrir dóm vegna vangoldinnar húsaleigu en hann býr í húsi við Laugaveg sem er í eigu félagsins." „Ársæll var eins og áður segir dæmdur í fimm ára fangelsi fyrir aðild sína að BMW málinu en í því voru 15 kíló af amfetamíni og 10 kíló af hassi flutt til landsins í bensíntanki BMW bifreiðar. Áður hafði hann hlotið dóm í Hollandi fyrir fíkniefnasmygl. Hann bíður nú afplánunar eftir því sem Vísir kemst næst." ÞETTA er athyglisverð frétt og rifjar upp þá ljótu hluti sem gerast stundum í fasteignabransanum og ég hef skrifað um áður: Peningamenn fela fasteignasölum að sölsa undir sig eignir með öllum tiltækum ráðum. Vinsælt er þá að kaupa íbúð í fjölbýlishúsi, afhenda hana síðan til afnota fyrir vímuefnaneytendur. Láta það síðan berast meðal íbúðaeigenda að íbúðir hækki ekki í verði við að hafa svona fólk í húsinu og geti orðið með öllu óseljanlegar. FÓLK kann ekki að takast á við glæpamenn og lætur undan þrýstingi fasteignasalans. Þegar fasteignasalanum hefur með þvingunum og hótunum tekist að komast yfir tiltekna fasteign fer hann á fund húsbónda síns, vammlauss viðskiptajöfurs sem tekur við eigninni. Hinum stórhuga mannvini og athafnaskáldi sem eignast svona fasteign klæjar í fingurna eftir því að geta látið framfarir hefjast. Aðeins eitt er eftir. Það er að koma út leigjendunum sem voru settir inn í hjallinn til að fæla burt húseigendur. Það er ekkert mál. Til þess höfum við dómstóla. VÍKJUM NÚ aftur að fréttinni hérna í upphafi sem auðvitað tengist svona ribbaldahætti ekki nokkurn skapaðan hlut. En af því að allir eiga nú að vera jafnir fyrir lögunum finnst mér að blaðamenn sem telja við hæfi að rifja upp sakaferil einhvers málsaðila eigi að rifja upp sakaskrá allra sem að málinu koma. Ekki bara þeirra fátæku.
Börn í gámaskólum á meðan bæjarskrifstofur stækka – hvar er forgangsröðin? Ásgeir Elvar Garðarsson Skoðun
Umbætur á skólakerfinu. Hættum að ljúga. Hættum því alveg og hættum því strax Atli Harðarson Skoðun
Heilsufarsmat á vinnustöðum: Góð fjárfesting í heilbrigði og vellíðan starfsfólks Gígja Valgerður Harðardóttir Skoðun
Börn í gámaskólum á meðan bæjarskrifstofur stækka – hvar er forgangsröðin? Ásgeir Elvar Garðarsson Skoðun
Umbætur á skólakerfinu. Hættum að ljúga. Hættum því alveg og hættum því strax Atli Harðarson Skoðun
Heilsufarsmat á vinnustöðum: Góð fjárfesting í heilbrigði og vellíðan starfsfólks Gígja Valgerður Harðardóttir Skoðun