Friðrika fersk í sjónvarpið á ný

„Léttir réttir Rikku" nefnist spennandi nýjung sem verður á dagskrá í sjónvarpsþættinum Íslandi í dag öll miðvikudagskvöld fyrir áhorfendur Stöðvar 2. 

 

Vísir hafði samband við Friðriku Geirsdóttur og spurði hana út í matreiðsluþættina sem eru teknir upp á heimili hennar. 

 

„Ég ætla að vera með innslög þar sem ég ætla að elda spennandi og bragðgóða rétti alltaf á miðvikudögum." 

 

„Í kvöld munum við svindla á sushigerð," segir Friðrika og bætir við að markmiðið með innslögunum er að gera einfalda og fljótlega rétti en umfram allt bragðgóða.

Uppskriftir Friðriku og þættina má nálgast á Vísi.