Systir Michael Jackson boðar sjokkerandi gögn

Rebbie Jackson, eldri systir Michael Jackson, segir sjokkerandi gögn koma fram í réttarhöldunum yfir einkalækni söngvarans í júní.

Læknirinn er ákærður fyrir manndráp af gáleysi en heldur því fram að Michael hafi sjálfur sprautað sig með banvænum lyfjaskammti.

Jackson-fjölskyldan heldur því fram að fleiri séu ábyrgir fyrir dauða söngvarans og ýjaði Rebbie Jackson að því í viðtali. ,,Það er mjög líklegt. Ég get ekki sagt meira. Verð að passa mig á því að spilla ekki rannsókninni. En þetta verður mjög áhugavert," sagði systirin.