Litríkur kokkteill Trausti Júlíusson skrifar 28. október 2010 09:46 Kimbabwe með Retro Stefson. Tónlist **** Kimbabwe Retro Stefson Kimbabwe er önnur plata Retro Stefson, en sú fyrri, Montana, var sem fersk sprauta inn í íslenskt tónlistarlíf. Á henni var skemmtileg og hress blanda af íslensku poppi og heimstónlist, ólík öllu öðru á senunni. Retro Stefson hefur verið iðin við tónleikahald undanfarið og er orðin margfalt þéttari og flinkari heldur en hún var fyrir tveimur árum þegar Montana kom út. Það heyrist á Kimbabwe. Lagasmíðarnar á Montana voru margar fínar, en á Kimbabwe er sveitin búin að þétta útsetningarnar og auka fjölbreytnina. Tónlist Retro Stefson er eins og kokkteill sem búið er að setja út í alls konar fjörefni; - smá rokk hér og þar, latin-popp, sýru, afró-kúbanska takta og danstónlist. Spilagleðin leynir sér ekki og meðlimirnir sjö fara á kostum víða á plötunni. Þeir sjá um allan hljóðfæraleik en fá aðstoð við söng og bakraddir, þ.á m. frá Sigríði Thorlacius, söngkonu Hjaltalín. Textarnir, sem eru á íslensku, ensku og einhverju þriðja máli sem ég kann ekki skil á, eru ágætir en skipta ekki öllu máli. Tónlistin er aðalmálið. Lögin eru það melódísk og grípandi að maður myndi syngja með þó að textarnir væru á klingonsku. Umslagið er mjög flott og hæfir innihaldinu: Litríkt og fjörmikið. Á heildina litið er Kimbabwe frábær plata. Skemmtilegasta plata ársins hingað til. Niðurstaða: Gleðisveitin úr Austurbæjarskólanum klikkar ekki á plötu númer tvö. Mest lesið „Þegar menn vaða svona í fjölskylduna mína þá tek ég boxhanskana af“ Lífið Gaf langömmu tattú í afmælisgjöf Lífið Eva flutt inn í verðlaunahús Kára Lífið „Það er einhver sjarmi yfir París sem er ekki annarsstaðar“ Lífið Skálda opnar: „Kannski ekki margir nógu vitlausir til að framkvæma þessa hugmynd“ Menning Fréttatía vikunnar: Þingframboð, þýfi og brúarframkvæmdir Lífið Heldur ekki vatni yfir konunni sinni Lífið Ætlar í blómabað á Balí með manninum sínum Lífið Fyndnustu dýralífsmyndir ársins Lífið Þriðja barnið á leiðinni Lífið Fleiri fréttir Speak No Evil: Pabbi er ekki með fulle fem Maður þurfti ekki að vera skyggn Melódrama, morð og hæfilega mikið bótox Sunna Gunnlaugs í skugga karlrembu á djasshátíð Alien Romulus: Ungmenna Alien May December: Seint koma sumir en koma þó Sjá meira
Tónlist **** Kimbabwe Retro Stefson Kimbabwe er önnur plata Retro Stefson, en sú fyrri, Montana, var sem fersk sprauta inn í íslenskt tónlistarlíf. Á henni var skemmtileg og hress blanda af íslensku poppi og heimstónlist, ólík öllu öðru á senunni. Retro Stefson hefur verið iðin við tónleikahald undanfarið og er orðin margfalt þéttari og flinkari heldur en hún var fyrir tveimur árum þegar Montana kom út. Það heyrist á Kimbabwe. Lagasmíðarnar á Montana voru margar fínar, en á Kimbabwe er sveitin búin að þétta útsetningarnar og auka fjölbreytnina. Tónlist Retro Stefson er eins og kokkteill sem búið er að setja út í alls konar fjörefni; - smá rokk hér og þar, latin-popp, sýru, afró-kúbanska takta og danstónlist. Spilagleðin leynir sér ekki og meðlimirnir sjö fara á kostum víða á plötunni. Þeir sjá um allan hljóðfæraleik en fá aðstoð við söng og bakraddir, þ.á m. frá Sigríði Thorlacius, söngkonu Hjaltalín. Textarnir, sem eru á íslensku, ensku og einhverju þriðja máli sem ég kann ekki skil á, eru ágætir en skipta ekki öllu máli. Tónlistin er aðalmálið. Lögin eru það melódísk og grípandi að maður myndi syngja með þó að textarnir væru á klingonsku. Umslagið er mjög flott og hæfir innihaldinu: Litríkt og fjörmikið. Á heildina litið er Kimbabwe frábær plata. Skemmtilegasta plata ársins hingað til. Niðurstaða: Gleðisveitin úr Austurbæjarskólanum klikkar ekki á plötu númer tvö.
Mest lesið „Þegar menn vaða svona í fjölskylduna mína þá tek ég boxhanskana af“ Lífið Gaf langömmu tattú í afmælisgjöf Lífið Eva flutt inn í verðlaunahús Kára Lífið „Það er einhver sjarmi yfir París sem er ekki annarsstaðar“ Lífið Skálda opnar: „Kannski ekki margir nógu vitlausir til að framkvæma þessa hugmynd“ Menning Fréttatía vikunnar: Þingframboð, þýfi og brúarframkvæmdir Lífið Heldur ekki vatni yfir konunni sinni Lífið Ætlar í blómabað á Balí með manninum sínum Lífið Fyndnustu dýralífsmyndir ársins Lífið Þriðja barnið á leiðinni Lífið Fleiri fréttir Speak No Evil: Pabbi er ekki með fulle fem Maður þurfti ekki að vera skyggn Melódrama, morð og hæfilega mikið bótox Sunna Gunnlaugs í skugga karlrembu á djasshátíð Alien Romulus: Ungmenna Alien May December: Seint koma sumir en koma þó Sjá meira