Skothelt hjá Benna Trausti Júlíusson skrifar 1. desember 2010 18:00 Skot með Benna Hemm Hemm. Tónlist Skot Benni Hemm Hemm Skot er fjórða plata Benna Hemm Hemm í fullri lengd. Benni sló í gegn með fyrstu plötunni sinni, sem hét í höfuðið á honum, árið 2006. Á henni var indípopp með lúðrum. Hann festi sig í sessi með annarri plötunni Kajak ári seinna og kláraði svo lúðrasveitarpakkann með Murta St. Calunga sumarið 2008. Þá var ljóst að Benni þyrfti að hugsa málið upp á nýtt. Og það hefur hann gert. Í vor sendi hann frá sér fimm laga EP-plötu á ensku sem heitir Retaliate. Á henni var hann búinn að berstrípa tónlistina og kassagítarinn var orðinn mest áberandi hljóðfærið. Á Skot er Benni farinn að byggja meira ofan á grunnana sína aftur, en nú eru það ýmiss konar hljómborð sem setja mestan svip á útkomuna, auk rafmagnsgítars og víólu á stöku stað. Blásturshljóðfærin eru komin í frí. Lagasmíðarnar á Skotinu eru margar vel gerðar og grípandi. Melódíurnar setjast að í heilanum og maður hummar þær langt fram eftir degi. Samt hefur platan afslappað yfirbragð, eins og Benni hafi ekki verið að rembast mikið, heldur leyft lögunum að koma til sín. Það er Retro Stefson sem flytur tónlistina með höfundinum og greinilegt er að samstarfið hefur gengið vel. Flutningurinn er góður og útsetningarnar bæði lifandi og fjölbreyttar. Textarnir eru skemmtilegir sem fyrr, fullir af skrítnum sögum og orðaleikjum. Benni hefur dvalið í Skotlandi síðustu ár – nafnið Skot er kannski einhver tilvísun í það? Það er sennilega heldur ekki tilviljun að skoska sveitin Belle & Sebastian kemur helst upp í hugann þegar maður hlustar á plötuna. Á heildina litið skotheld plata frá listamanni sem er löngu búinn að sanna sig. Niðurstaða: Benni segir bless við lúðrana á fínni poppplötu. Mest lesið Fögnuðu sögulegum 850 þúsund króna hátalara Ella Egils Lífið Sonur Fóstbróður slær í gegn: „Ég er fastur þarna núna, orðinn háður“ Lífið „Kristrún Frostadóttir frá... Finnlandi?“ Lífið Lamaðist og missti sjón en fann styrk í sjálfri sér Lífið Þeir fátæku borga brúsann Gagnrýni Björgvin Franz brotinn en slær í gegn í Ladda og ræktinni Lífið Selja íbúð í Vesturbænum: „Við eigum of mörg börn til að búa í henni áfram“ Lífið Stjörnurnar flyktust á frumsýningu einnar mest spennandi bíómyndar ársins Lífið samstarf Fyrstur til að skíða niður Everest án súrefnis Lífið „Það sýður miklu frekar upp úr við uppvaskið“ Lífið Fleiri fréttir Þeir fátæku borga brúsann Auður í Bæjarbíói: Frá slaufun í standandi fagnaðarlæti Alvöru bíó en hægt brenna Eldarnir Er Lína Langsokkur woke? Kórtónleikar: Heilög naumhyggja eða heilalaust suð Barnaefni fyrir fullorðna Balta bregst bogalistin Þú heyrðir rétt: klassík getur verið skemmtileg Smashing Pumpkins pumpuðu upp stemningu – en listin varð undir hávaðanum Kynferðisleg gremja, sænskur senuþjófur og náttúruklám Ræðst framtíð grínmyndarinnar hér? Aumkunarverð endurvinnsla og ferskt framhald Áferðarfallegir en óeftirminnilegir fjórmenningar Sjá meira
Tónlist Skot Benni Hemm Hemm Skot er fjórða plata Benna Hemm Hemm í fullri lengd. Benni sló í gegn með fyrstu plötunni sinni, sem hét í höfuðið á honum, árið 2006. Á henni var indípopp með lúðrum. Hann festi sig í sessi með annarri plötunni Kajak ári seinna og kláraði svo lúðrasveitarpakkann með Murta St. Calunga sumarið 2008. Þá var ljóst að Benni þyrfti að hugsa málið upp á nýtt. Og það hefur hann gert. Í vor sendi hann frá sér fimm laga EP-plötu á ensku sem heitir Retaliate. Á henni var hann búinn að berstrípa tónlistina og kassagítarinn var orðinn mest áberandi hljóðfærið. Á Skot er Benni farinn að byggja meira ofan á grunnana sína aftur, en nú eru það ýmiss konar hljómborð sem setja mestan svip á útkomuna, auk rafmagnsgítars og víólu á stöku stað. Blásturshljóðfærin eru komin í frí. Lagasmíðarnar á Skotinu eru margar vel gerðar og grípandi. Melódíurnar setjast að í heilanum og maður hummar þær langt fram eftir degi. Samt hefur platan afslappað yfirbragð, eins og Benni hafi ekki verið að rembast mikið, heldur leyft lögunum að koma til sín. Það er Retro Stefson sem flytur tónlistina með höfundinum og greinilegt er að samstarfið hefur gengið vel. Flutningurinn er góður og útsetningarnar bæði lifandi og fjölbreyttar. Textarnir eru skemmtilegir sem fyrr, fullir af skrítnum sögum og orðaleikjum. Benni hefur dvalið í Skotlandi síðustu ár – nafnið Skot er kannski einhver tilvísun í það? Það er sennilega heldur ekki tilviljun að skoska sveitin Belle & Sebastian kemur helst upp í hugann þegar maður hlustar á plötuna. Á heildina litið skotheld plata frá listamanni sem er löngu búinn að sanna sig. Niðurstaða: Benni segir bless við lúðrana á fínni poppplötu.
Mest lesið Fögnuðu sögulegum 850 þúsund króna hátalara Ella Egils Lífið Sonur Fóstbróður slær í gegn: „Ég er fastur þarna núna, orðinn háður“ Lífið „Kristrún Frostadóttir frá... Finnlandi?“ Lífið Lamaðist og missti sjón en fann styrk í sjálfri sér Lífið Þeir fátæku borga brúsann Gagnrýni Björgvin Franz brotinn en slær í gegn í Ladda og ræktinni Lífið Selja íbúð í Vesturbænum: „Við eigum of mörg börn til að búa í henni áfram“ Lífið Stjörnurnar flyktust á frumsýningu einnar mest spennandi bíómyndar ársins Lífið samstarf Fyrstur til að skíða niður Everest án súrefnis Lífið „Það sýður miklu frekar upp úr við uppvaskið“ Lífið Fleiri fréttir Þeir fátæku borga brúsann Auður í Bæjarbíói: Frá slaufun í standandi fagnaðarlæti Alvöru bíó en hægt brenna Eldarnir Er Lína Langsokkur woke? Kórtónleikar: Heilög naumhyggja eða heilalaust suð Barnaefni fyrir fullorðna Balta bregst bogalistin Þú heyrðir rétt: klassík getur verið skemmtileg Smashing Pumpkins pumpuðu upp stemningu – en listin varð undir hávaðanum Kynferðisleg gremja, sænskur senuþjófur og náttúruklám Ræðst framtíð grínmyndarinnar hér? Aumkunarverð endurvinnsla og ferskt framhald Áferðarfallegir en óeftirminnilegir fjórmenningar Sjá meira