Arftakar Stiegs Larsson bíða í röðum eftir tækifæri 2. desember 2010 08:00 Stieg Larsson Bókaforlög keppast um að finna hinn nýja <B>Stieg Larsson</B>. Hjorth & Rosenberg, <B>Åsa Larsson</B> og <B>Lars Kepler</B> eru öll mögulegir arftakar. Engin ný bók eftir Stieg Larsson kemur út fyrir þessi jól og keppast bókaforlög því um að nefna til sögunnar hina nýja Larsson í sænska glæpatómarúminu sem nú hefur myndast. Vinsældir Millennium-þríleiks sænska rithöfundarins Stiegs Larsson hafa orðið til þess að bókaforlög keppast nú um að nefna til sögunnar hinn næsta Stieg Larsson, rétt eins og keppt var um að finna hinn næsta Dan Brown eftir útgáfu Da Vinci-lykilsins. Millennium-bækurnar verða ekki fleiri og því hefur ákveðið glæpatómarúm myndast sem nú þarf að fylla. Åsa larsson Bókaforlagið Bjartur, sem gaf út bækurnar eftir Stieg Larsson, kynnir nú fyrstu bókina í nýrri glæpasagnaröð eftir Svíana Michael Hjorth og Hans Rosenfeldt. Þeir eru á fimmtugsaldri og hafa getið sér gott orð sem handritshöfundar að sjónvarpsþáttum í heimalandi sínu. Bókin nefnist Maðurinn sem var ekki morðingi og er kynnt sem næsta sprengja á eftir Stieg Larsson. Hún fjallar um hrokafullan réttarsálfræðing sem dregst inn í rannsókn lögreglunnar á morði á sextán ára pilti. „Larsson lifir“ er tvíræð yfirskrift auglýsingar Forlagsins um bækur sænska krimmahöfundarins Åsa Larsson. Tímaritið Elle segir hana drottningu sænskra glæpasagna og annars staðar er hún borin saman við landa sinn Henning Mankell, Arnald Indriðason og norska höfundinn Karin Fossum. Eins og með Stieg Larsson, hafa tvær bækur Åsa Larsson verið kvikmyndaðar í Svíþjóð auk þess sem kvikmyndarétturinn hefur verið seldur til Bandaríkjanna. Forlagið auglýsir einnig nýja bók, Dávaldinn, eftir hinn fyrrum dularfulla höfund, Lars Kepler. Raunverulegu höfundunum tveimur, hjónunum Alexöndru og Alexander Ahndoril, hefur verið lýst sem „verðugum arftökum höfundar Millennium-bókanna“. Fleiri höfundar hafa verið nefndir til sögunnar sem mögulegir arftakar Stiegs Larsson. Í dagblaðinu New York Times birtist grein þar sem Yrsa Sigurðardóttir var nefnd í því samhengi ásamt Henning Mankell og landa hans frá Svíþjóð, Kjell Eriksson, auk Norðmannsins Jo Nesbø, sem skrifar glæpasögur um leynilögreglumanninn Harry Hole, og Karin Fossum. Ekki má heldur gleyma Svíanum Jens Lapidus sem skrifar á raunsæjan hátt um sænsku undirheimana. „Við erum ánægð með að Stieg Larsson og Henning Mankell skuli hafa opnað dyrnar fyrir okkur,“ sagði Nesbø í viðtali við Reuters um norska glæpahöfunda. „Einu sinni ferðuðumst við alltaf til Spánar til að kynna bækurnar okkar en núna komu allt í einu sjö spænskir blaðamenn til Óslóar til að hitta okkur. lars kepler Vinsældir Stiegs Larsson þar hafa því haft mikið að segja.“ Sveinn Sverrisson, verslunarstjóri í Eymundsson, Kringlunni, telur að sú aðferð forlaga að auglýsa höfunda sem arftaka Stiegs Larsson virki mjög vel í löndum utan Skandinavíu, þar á meðal í Bretlandi og Bandaríkjunum. Erfiðara sé að sannfæra Íslendinga og aðra Norðurlandabúa um þetta, enda þekkja þeir mun betur til norrænu krimmahefðarinnar. „Þegar það er verið að segja að allir séu næstu Stieg Larsson er erfitt að geta sagt hver það er í raun og veru. Ég held að það sé meira verið að spá í hver er næsti forvígismaður norræna krimmans. Hver er frambærilegasti höfundurinn til að kynna utan Skandinavíu sem arftaka. Við eigum okkar Larsson í Arnaldi og Yrsa er líka að koma sterk til leiks í útflutningi,“ segir Sveinn. Aðspurður segir hann að erfitt verði að feta alveg í fótspor Stiegs Larsson. „Það nær enginn að skrifa þrjár bækur og deyja áður en þær koma út. Það er mystíkin sem Larsson hefur vegna þess. Ég held samt að það séu margir sem geta skrifað jafngóða krimma.“ freyr@frettabladid.is Lífið Mest lesið Sárþjáður Eyfi sendur með sjúkrabíl og skellt í aðgerð Lífið Stjörnulífið: „Mesta milf Íslands“ Lífið „Ég hef tapað vinum á því að eiga peninga“ Lífið Trúlofuðu sig í laxveiði Lífið Enn veldur Britney áhyggjum Lífið Kossaflens á klúbbnum Lífið „Ég er tilbúin að vera þetta ofurpar sem okkur er ætlað að verða“ Lífið Sjóðheitar skvísur í hvolpajóga brutu næstum Internetið Lífið Borgarstjóri og bombur í brjálaðri GusGus-gleði Tónlist Herra stal hund Sunnevu og mætti með hann í Bannað að hlæja Lífið Fleiri fréttir Krúttlegustu áheyrnarprufur ársins Kossaflens á klúbbnum Sjóðheitar skvísur í hvolpajóga brutu næstum Internetið Sárþjáður Eyfi sendur með sjúkrabíl og skellt í aðgerð „Hálfur áratugur með þér my love“ Herra stal hund Sunnevu og mætti með hann í Bannað að hlæja Enn veldur Britney áhyggjum „Ég er tilbúin að vera þetta ofurpar sem okkur er ætlað að verða“ Trúlofuðu sig í laxveiði Höfundur hinna erótísku Rutshire Chronicles-bóka látinn Áróðursvélar Netanjahús séu á fullu blasti í Eurovision Stjörnulífið: „Mesta milf Íslands“ „Ég hef tapað vinum á því að eiga peninga“ Sonur Tinu Turner látinn Óraunverulegt að kaupa íbúð í miðborg London Krakkatían: Bannað að hlæja, Friðarsúlan og Iceguys Sat uppi með útgáfu af sjálfri sér sem hún kunni ekki við Ungir Sjálfstæðismenn samankomnir á sambandsþingi Fréttatía vikunnar: Play, fiskbúðingur og stjörnuskilnaður Gerður í Blush hennar helsta fyrirmynd Útbjó lágkolvetna prógram fyrir systur sína sem léttist strax og fékk meiri orku Flugfreyja, íþróttakona og ráðherra breyttu leiknum „Ákvað að skilja hana eftir þar og athuga hversu langt ég kæmist“ „Gætum orðið fyrsta þjóð í heimi til að útrýma leghálskrabbameini“ „Rétturinn sem fjölskyldan þín mun elska og biðja um aftur og aftur“ Keeping Up Appearances-leikkona látin Auðveldara að tengjast fólki í eigin persónu Galopnar sig og segist ætla að breyta hlutunum Heimatilbúið „corny“ Skilin að borði og sæng eftir 28 ára hjónaband Sjá meira
Engin ný bók eftir Stieg Larsson kemur út fyrir þessi jól og keppast bókaforlög því um að nefna til sögunnar hina nýja Larsson í sænska glæpatómarúminu sem nú hefur myndast. Vinsældir Millennium-þríleiks sænska rithöfundarins Stiegs Larsson hafa orðið til þess að bókaforlög keppast nú um að nefna til sögunnar hinn næsta Stieg Larsson, rétt eins og keppt var um að finna hinn næsta Dan Brown eftir útgáfu Da Vinci-lykilsins. Millennium-bækurnar verða ekki fleiri og því hefur ákveðið glæpatómarúm myndast sem nú þarf að fylla. Åsa larsson Bókaforlagið Bjartur, sem gaf út bækurnar eftir Stieg Larsson, kynnir nú fyrstu bókina í nýrri glæpasagnaröð eftir Svíana Michael Hjorth og Hans Rosenfeldt. Þeir eru á fimmtugsaldri og hafa getið sér gott orð sem handritshöfundar að sjónvarpsþáttum í heimalandi sínu. Bókin nefnist Maðurinn sem var ekki morðingi og er kynnt sem næsta sprengja á eftir Stieg Larsson. Hún fjallar um hrokafullan réttarsálfræðing sem dregst inn í rannsókn lögreglunnar á morði á sextán ára pilti. „Larsson lifir“ er tvíræð yfirskrift auglýsingar Forlagsins um bækur sænska krimmahöfundarins Åsa Larsson. Tímaritið Elle segir hana drottningu sænskra glæpasagna og annars staðar er hún borin saman við landa sinn Henning Mankell, Arnald Indriðason og norska höfundinn Karin Fossum. Eins og með Stieg Larsson, hafa tvær bækur Åsa Larsson verið kvikmyndaðar í Svíþjóð auk þess sem kvikmyndarétturinn hefur verið seldur til Bandaríkjanna. Forlagið auglýsir einnig nýja bók, Dávaldinn, eftir hinn fyrrum dularfulla höfund, Lars Kepler. Raunverulegu höfundunum tveimur, hjónunum Alexöndru og Alexander Ahndoril, hefur verið lýst sem „verðugum arftökum höfundar Millennium-bókanna“. Fleiri höfundar hafa verið nefndir til sögunnar sem mögulegir arftakar Stiegs Larsson. Í dagblaðinu New York Times birtist grein þar sem Yrsa Sigurðardóttir var nefnd í því samhengi ásamt Henning Mankell og landa hans frá Svíþjóð, Kjell Eriksson, auk Norðmannsins Jo Nesbø, sem skrifar glæpasögur um leynilögreglumanninn Harry Hole, og Karin Fossum. Ekki má heldur gleyma Svíanum Jens Lapidus sem skrifar á raunsæjan hátt um sænsku undirheimana. „Við erum ánægð með að Stieg Larsson og Henning Mankell skuli hafa opnað dyrnar fyrir okkur,“ sagði Nesbø í viðtali við Reuters um norska glæpahöfunda. „Einu sinni ferðuðumst við alltaf til Spánar til að kynna bækurnar okkar en núna komu allt í einu sjö spænskir blaðamenn til Óslóar til að hitta okkur. lars kepler Vinsældir Stiegs Larsson þar hafa því haft mikið að segja.“ Sveinn Sverrisson, verslunarstjóri í Eymundsson, Kringlunni, telur að sú aðferð forlaga að auglýsa höfunda sem arftaka Stiegs Larsson virki mjög vel í löndum utan Skandinavíu, þar á meðal í Bretlandi og Bandaríkjunum. Erfiðara sé að sannfæra Íslendinga og aðra Norðurlandabúa um þetta, enda þekkja þeir mun betur til norrænu krimmahefðarinnar. „Þegar það er verið að segja að allir séu næstu Stieg Larsson er erfitt að geta sagt hver það er í raun og veru. Ég held að það sé meira verið að spá í hver er næsti forvígismaður norræna krimmans. Hver er frambærilegasti höfundurinn til að kynna utan Skandinavíu sem arftaka. Við eigum okkar Larsson í Arnaldi og Yrsa er líka að koma sterk til leiks í útflutningi,“ segir Sveinn. Aðspurður segir hann að erfitt verði að feta alveg í fótspor Stiegs Larsson. „Það nær enginn að skrifa þrjár bækur og deyja áður en þær koma út. Það er mystíkin sem Larsson hefur vegna þess. Ég held samt að það séu margir sem geta skrifað jafngóða krimma.“ freyr@frettabladid.is
Lífið Mest lesið Sárþjáður Eyfi sendur með sjúkrabíl og skellt í aðgerð Lífið Stjörnulífið: „Mesta milf Íslands“ Lífið „Ég hef tapað vinum á því að eiga peninga“ Lífið Trúlofuðu sig í laxveiði Lífið Enn veldur Britney áhyggjum Lífið Kossaflens á klúbbnum Lífið „Ég er tilbúin að vera þetta ofurpar sem okkur er ætlað að verða“ Lífið Sjóðheitar skvísur í hvolpajóga brutu næstum Internetið Lífið Borgarstjóri og bombur í brjálaðri GusGus-gleði Tónlist Herra stal hund Sunnevu og mætti með hann í Bannað að hlæja Lífið Fleiri fréttir Krúttlegustu áheyrnarprufur ársins Kossaflens á klúbbnum Sjóðheitar skvísur í hvolpajóga brutu næstum Internetið Sárþjáður Eyfi sendur með sjúkrabíl og skellt í aðgerð „Hálfur áratugur með þér my love“ Herra stal hund Sunnevu og mætti með hann í Bannað að hlæja Enn veldur Britney áhyggjum „Ég er tilbúin að vera þetta ofurpar sem okkur er ætlað að verða“ Trúlofuðu sig í laxveiði Höfundur hinna erótísku Rutshire Chronicles-bóka látinn Áróðursvélar Netanjahús séu á fullu blasti í Eurovision Stjörnulífið: „Mesta milf Íslands“ „Ég hef tapað vinum á því að eiga peninga“ Sonur Tinu Turner látinn Óraunverulegt að kaupa íbúð í miðborg London Krakkatían: Bannað að hlæja, Friðarsúlan og Iceguys Sat uppi með útgáfu af sjálfri sér sem hún kunni ekki við Ungir Sjálfstæðismenn samankomnir á sambandsþingi Fréttatía vikunnar: Play, fiskbúðingur og stjörnuskilnaður Gerður í Blush hennar helsta fyrirmynd Útbjó lágkolvetna prógram fyrir systur sína sem léttist strax og fékk meiri orku Flugfreyja, íþróttakona og ráðherra breyttu leiknum „Ákvað að skilja hana eftir þar og athuga hversu langt ég kæmist“ „Gætum orðið fyrsta þjóð í heimi til að útrýma leghálskrabbameini“ „Rétturinn sem fjölskyldan þín mun elska og biðja um aftur og aftur“ Keeping Up Appearances-leikkona látin Auðveldara að tengjast fólki í eigin persónu Galopnar sig og segist ætla að breyta hlutunum Heimatilbúið „corny“ Skilin að borði og sæng eftir 28 ára hjónaband Sjá meira