Allt sem prýða má einn krimma Jón Yngvi Jóhannsson skrifar 29. október 2010 07:00 Morgunengill er níunda bók Árna um Einar blaðamann. Bókmenntir **** Morgunengill Árni ÞórarinssonÍ Morgunengli Árna Þórarinssonar má finna flest það sem lesandi væntir og vonast eftir í íslenskum krimma árið 2010. Eftirköst kreppunnar, falleraða milljarðamæringa, venjulegt fólk í skuldakreppu, reiði og heift sem finnur sér rangan farveg með skelfilegum afleiðingum og fleira til.Sem er gott. En bara vegna þess að þótt uppskriftin bjóði upp á að allt endi í fyrirsjáanlegum klisjum og sleggjudómum og lesandinn sé jafnvel á stöku stað plataður til að halda að bókin stefni í þá átt, þá er stýrt framhjá öllum slíkum skerjum og þegar upp er staðið er niðurstaða glæpamálsins óvænt og niðurstöður þeirrar samfélagsskoðunar sem er fylgifiskur flestra krimma þessa dagana alls ekki einfaldar.Í Morgunengli vindur fram sögum af tveimur glæpamálum, einu á Akureyri, þar sem Einar sjálfur gengur fram á póstburðarkonu nær dauða en lífi eftir árás, og öðru í Reykjavík sem snertir fjölskyldu íslensks auðkýfings sem Einar hefur nýlega tekið viðtal við. Málin verða raunar fleiri eftir því sem á söguna líður og reynast sum hver snerta Einar persónulega - hann er óvenjulega naskur við að lenda í miðri hringiðu afbrota og ofbeldis eins og lesendur eru farnir að kannast við.Morgunengill er níunda bók Árna Þórarinssonar um Einar blaðamann. Eins og gerist og gengur er Einar orðinn eins og gamall kunningi þeirra lesenda sem hafa fylgt honum frá upphafi, ýmsir agnúar nuddast smám saman af við nánari viðkynningu og þeir gallar sem einu sinni fóru í taugarnar á manni verða lítilvægari. Einar er viðkunnanlegasti náungi, í aðra röndina gangast hann og skapari hans upp í hefðbundinni týpu rannsóknarblaðamannsins í glæpasögum, að öðru leyti gera þeir það alls ekki. Einar í Morgunengli er minni töffari og þroskaðri persóna en í fyrstu bókunum. Einkalífið tekur minna pláss í samræmi við það. Hann er búinn að koma sínum málum á hreint að mestu, hættur að drekka og ræktar sambandið við dóttur sína Gunnsu. Hann reynist henni ágætur faðir, enda hefur hann ágætan skilning á unglingum og vit á að skipta sér ekki af meira en góðu hófi gegnir.Sú spurning læðist óhjákvæmilega að manni hvað þetta jafnvægi í persónu Einars endist lengi, en í þessari bók gefur það tækifæri á tvennu. Annars vegar fá aukapersónurnar meira rými, örlög eins samstarfsmanna Einars mynda gildan og óvæntan þátt í plotti þessarar bókar og hins vegar er sjálf sögufléttan bæði umfangsmikil og snjöll. Á tímabili fer lesandinn að örvænta um að hægt sé að hnýta alla þræðina saman, en það tekst Einari og Árna í glæsilegum og hrollvekjandi lokaspretti.Niðurstaða: Morgunengill hefur allt það til að bera sem einkennir góðan krimma. Árni Þórarinsson hefur örugg tök á glæpasagnaforminu og tekst að spinna trúverðuga en margslungna fléttu um leið og hann varpar ljósi á samtíma okkar á óvæntan og hrollvekjandi hátt. Mest lesið Fögnuðu sögulegum 850 þúsund króna hátalara Ella Egils Lífið Sonur Fóstbróður slær í gegn: „Ég er fastur þarna núna, orðinn háður“ Lífið „Kristrún Frostadóttir frá... Finnlandi?“ Lífið Lamaðist og missti sjón en fann styrk í sjálfri sér Lífið Þeir fátæku borga brúsann Gagnrýni Björgvin Franz brotinn en slær í gegn í Ladda og ræktinni Lífið Selja íbúð í Vesturbænum: „Við eigum of mörg börn til að búa í henni áfram“ Lífið Stjörnurnar flyktust á frumsýningu einnar mest spennandi bíómyndar ársins Lífið samstarf Fyrstur til að skíða niður Everest án súrefnis Lífið „Það sýður miklu frekar upp úr við uppvaskið“ Lífið Fleiri fréttir Þeir fátæku borga brúsann Auður í Bæjarbíói: Frá slaufun í standandi fagnaðarlæti Alvöru bíó en hægt brenna Eldarnir Er Lína Langsokkur woke? Kórtónleikar: Heilög naumhyggja eða heilalaust suð Barnaefni fyrir fullorðna Balta bregst bogalistin Þú heyrðir rétt: klassík getur verið skemmtileg Smashing Pumpkins pumpuðu upp stemningu – en listin varð undir hávaðanum Kynferðisleg gremja, sænskur senuþjófur og náttúruklám Ræðst framtíð grínmyndarinnar hér? Aumkunarverð endurvinnsla og ferskt framhald Áferðarfallegir en óeftirminnilegir fjórmenningar Sjá meira
Bókmenntir **** Morgunengill Árni ÞórarinssonÍ Morgunengli Árna Þórarinssonar má finna flest það sem lesandi væntir og vonast eftir í íslenskum krimma árið 2010. Eftirköst kreppunnar, falleraða milljarðamæringa, venjulegt fólk í skuldakreppu, reiði og heift sem finnur sér rangan farveg með skelfilegum afleiðingum og fleira til.Sem er gott. En bara vegna þess að þótt uppskriftin bjóði upp á að allt endi í fyrirsjáanlegum klisjum og sleggjudómum og lesandinn sé jafnvel á stöku stað plataður til að halda að bókin stefni í þá átt, þá er stýrt framhjá öllum slíkum skerjum og þegar upp er staðið er niðurstaða glæpamálsins óvænt og niðurstöður þeirrar samfélagsskoðunar sem er fylgifiskur flestra krimma þessa dagana alls ekki einfaldar.Í Morgunengli vindur fram sögum af tveimur glæpamálum, einu á Akureyri, þar sem Einar sjálfur gengur fram á póstburðarkonu nær dauða en lífi eftir árás, og öðru í Reykjavík sem snertir fjölskyldu íslensks auðkýfings sem Einar hefur nýlega tekið viðtal við. Málin verða raunar fleiri eftir því sem á söguna líður og reynast sum hver snerta Einar persónulega - hann er óvenjulega naskur við að lenda í miðri hringiðu afbrota og ofbeldis eins og lesendur eru farnir að kannast við.Morgunengill er níunda bók Árna Þórarinssonar um Einar blaðamann. Eins og gerist og gengur er Einar orðinn eins og gamall kunningi þeirra lesenda sem hafa fylgt honum frá upphafi, ýmsir agnúar nuddast smám saman af við nánari viðkynningu og þeir gallar sem einu sinni fóru í taugarnar á manni verða lítilvægari. Einar er viðkunnanlegasti náungi, í aðra röndina gangast hann og skapari hans upp í hefðbundinni týpu rannsóknarblaðamannsins í glæpasögum, að öðru leyti gera þeir það alls ekki. Einar í Morgunengli er minni töffari og þroskaðri persóna en í fyrstu bókunum. Einkalífið tekur minna pláss í samræmi við það. Hann er búinn að koma sínum málum á hreint að mestu, hættur að drekka og ræktar sambandið við dóttur sína Gunnsu. Hann reynist henni ágætur faðir, enda hefur hann ágætan skilning á unglingum og vit á að skipta sér ekki af meira en góðu hófi gegnir.Sú spurning læðist óhjákvæmilega að manni hvað þetta jafnvægi í persónu Einars endist lengi, en í þessari bók gefur það tækifæri á tvennu. Annars vegar fá aukapersónurnar meira rými, örlög eins samstarfsmanna Einars mynda gildan og óvæntan þátt í plotti þessarar bókar og hins vegar er sjálf sögufléttan bæði umfangsmikil og snjöll. Á tímabili fer lesandinn að örvænta um að hægt sé að hnýta alla þræðina saman, en það tekst Einari og Árna í glæsilegum og hrollvekjandi lokaspretti.Niðurstaða: Morgunengill hefur allt það til að bera sem einkennir góðan krimma. Árni Þórarinsson hefur örugg tök á glæpasagnaforminu og tekst að spinna trúverðuga en margslungna fléttu um leið og hann varpar ljósi á samtíma okkar á óvæntan og hrollvekjandi hátt.
Mest lesið Fögnuðu sögulegum 850 þúsund króna hátalara Ella Egils Lífið Sonur Fóstbróður slær í gegn: „Ég er fastur þarna núna, orðinn háður“ Lífið „Kristrún Frostadóttir frá... Finnlandi?“ Lífið Lamaðist og missti sjón en fann styrk í sjálfri sér Lífið Þeir fátæku borga brúsann Gagnrýni Björgvin Franz brotinn en slær í gegn í Ladda og ræktinni Lífið Selja íbúð í Vesturbænum: „Við eigum of mörg börn til að búa í henni áfram“ Lífið Stjörnurnar flyktust á frumsýningu einnar mest spennandi bíómyndar ársins Lífið samstarf Fyrstur til að skíða niður Everest án súrefnis Lífið „Það sýður miklu frekar upp úr við uppvaskið“ Lífið Fleiri fréttir Þeir fátæku borga brúsann Auður í Bæjarbíói: Frá slaufun í standandi fagnaðarlæti Alvöru bíó en hægt brenna Eldarnir Er Lína Langsokkur woke? Kórtónleikar: Heilög naumhyggja eða heilalaust suð Barnaefni fyrir fullorðna Balta bregst bogalistin Þú heyrðir rétt: klassík getur verið skemmtileg Smashing Pumpkins pumpuðu upp stemningu – en listin varð undir hávaðanum Kynferðisleg gremja, sænskur senuþjófur og náttúruklám Ræðst framtíð grínmyndarinnar hér? Aumkunarverð endurvinnsla og ferskt framhald Áferðarfallegir en óeftirminnilegir fjórmenningar Sjá meira