Tungufljót í Biskupstungum opnað í morgun

Tungufljót opnaði í morgun og er bara bísna líflegt uppfrá, menn eru aðalega að setja í fisk og missa en það er mjög hvast og leiðindaveður þessa stundina. Félagarnir voru búnir að missa 5 laxa það sem af er að degi 2 í Faxa, 2 á fossbrotinu og 1 lax austan megin í Gljúfrinu. það verður spennandi að heyra í mönnum eftir seinni vaktina í dag hvort menn geti ekki látið laxinn tolla á stönginni.

Vel gekk í Tungufljóti í fyrra og má reikna með svipuðu ári núna, en það verður þó betra fyrir þá sem veiða því nú verður ekki veitt á móti þeim sem hafa keypt sín veiðileyfi.  Menn lentu í því í fyrra að fá fólk frá ábúendum jarðar ofan í veiðistaðina sem spúnaði við lappirnar á þeim.  Það mál hefur verið til lykta leitt og má sjá frétt af því hér í eldri fréttunum á Veiðivísi.