Ágæt bleikjuveiði í Litluá

Ágæt bleikjuveiði hefur verið í Litlá í sumar í bland við urriðann. Eru þær margar vænar og algeng stærð  45 til 50 sm. Einnig hafa ágætir urriðar komið á land og veiddist um daginn 71 sm urriði sem áætlaður var um 11 pund.

Á sólríkum dögum hefur stóri urriðinn helst gefið sig þegar sólin er sest. Munar miklu að geta veitt í Litlá fram til eitt og til að mynda veiddist 71 sm urriðinn fimmtán mínútur í eitt eftir miðnætti.  Bleikjan er um alla á og sýnir sig mikið. Hafa margar góðar veiðst á þurrflugu.

Birt með góðfúslegu leyfi SVAK