Stóra Laxá að vakna

Veiðmenn sem voru við veiðar á svæðum 1 og 2 í Stóru Laxá eftir hádegi í gær lönduðu 9 löxum á einni vakt. Eins heyrðum við í veiðimanni sem var á svæði 3 í morgun og náði 2 löxum á rúmum klukkutíma.  Svo virðist sem efri hluti vatnasvæðis Hvítár/Ölfusár sé nú loks komið í gang eftir rólegt sumar.

Annars vita þeir sem það þekkja að besti tíminn í Stóru Laxá er framundan.  Um leið og fyrstu haustrigningarnar bresta á er eins og áin skipti um ham.  Þeir sem hafa átt daga í henni þegar þetta gerist gleyma því aldrei.  Dæmi eru um að menn hafi sett í 30-40 laxa á dag þegar best gengur.  En stóra spurningin er bara, hvenær þetta gerist næst?