Ár fáránleikans Atli Fannar Bjarkason skrifar 31. desember 2011 08:00 Árið 2011 er á enda. Þvílíkt ár. Eitt það minnisstæðasta er hiklaust framtakssemi tveggja stúlkna úr ungliðahreyfingu Framsóknarflokksins, en þær héldu svokallað VIP-partí í höfuðstöðvum flokksins við Grensásveg. Fólk hreinlega elskaði að kjamsa á málinu og umfjöllun fjölmiðla setti ný viðmið, enda hafði Ríkissjónvarpið aldrei áður verið með beina útsendingu frá slíkum viðburði. Allir vildu komast í partíið. Sigmundur Davíð, formaður Framsóknar, stal senunni með eftirminnilegum hætti þegar fjármálaráðherrann, Steingrímur J. Sigfússon, sóttist eftir miða fyrir son sinn: "Þú getur halt þig eigið partí," sagði Sigmundur og orðin fengu umsvifalaust vængi. Steingrímur lét ekki segja sér það tvisvar og stóð fyrir umdeildu Dirty Night-kvöldi á skemmtistaðnum Players í Kópavogi skömmu síðar. Einn maður var öðrum fremri á tónlistarsviðinu og þakkaði fyrir sig með eftirminnilegum tónleikum í Hörpu eftir að hafa selt tæplega 30.000 eintök af plötu sinni Amma. Já, trúbadorinn Svavar Knútur sló öll met og söng sig inn í hvert einasta hjarta landsins. En gleðin var skammvinn. Ólafur Ragnar Grímsson forseti lýsti yfir þjóðarsorg þegar Svavar skildi við söngkonuna Sinéad O'Connor skömmu fyrir jól. Óbeislaðar tilfinningar þjóðarinnar á götum úti komust í kjölfarið í heimsfréttirnar. Tónlistarárið var að öðru leyti frábært. Hljómsveitin HAM, með borgarfulltrúann Gísla Martein Baldursson og grínistann Þorstein Guðmundsson í broddi fylkingar, sendi frá sér eina af plötum ársins og Árni Johnsen lék nýtt efni á Iceland Airwaves-hátíðinni við fádæma undirtektir. Gagnrýnendur tónlistartímarita á borð við Rolling Stone og Clash áttu vart orð til að lýsa frammistöðu Árna, sem gerði skömmu síðar samning við útgáfurisann Universal. Ekki má gleyma afreksfólkinu okkar á sviði íþrótta, en þar voru konur í aðalhlutverki. Landslið kvenna í handbolta gerði frækna ferð til Brasilíu og varð heimsmeistari eftir sigur á Frökkum í æsispennandi úrslitaleik. Norskir fjölmiðlar fjölluðu sérstaklega mikið um sigurinn, enda var liðinu stýrt af Norðmanninum Ole Gunnar Solskjær. Loks náði söngkonan Anna Mjöll Ólafsdóttir stórkostlegum árangri á heimsmeistaramótinu í Cross Fit. Hún vann mótið og fékk nafnbótina hraustasta kona heims. En vandræði í einkalífinu vörpuðu skugga á árangurinn í lok árs þegar Anna sótti um skilnað við bandaríska auðkýfinginn Cal Worthington, stofnanda Microsoft. Viltu birta grein á Vísi? Sendu okkur póst. Senda grein Atli Fannar Bjarkason Mest lesið Íslendingar flytja út fisk og líka ofbeldismenn Guðný S. Bjarnadóttir Skoðun Saga Israa á Gaza og hvernig hægt er að verða að liði Katrín Harðardóttir,Israa Saed Skoðun Opið bréf til heilbrigðisráðherra: Iðjuþjálfar – mikilvægur mannauður í geðheilbrigðisþjónustu framtíðarinnar Erna Rut Elvarsdóttir,Lilja Logadóttir, Rebekka Lind Hjaltadóttir,Sandra Dís Sigurðardóttir Skoðun Lægjum öldurnar Halla Hrund Logadóttir Skoðun Frans páfi kvaddur eða meðtekinn? Bjarni Karlsson Skoðun Er aldur bara tala? Teitur Guðmundsson Skoðun Iðjuþjálfar í leik- og grunnskólum: Tækifæri í baráttunni gegn agavanda og skólaforðun Hekla Björt Birkisdóttir,Hrefna Dagbjört Arnardóttir,Inga Fríða Guðbjörnsdóttir,Íris Kristrún Kristmundsdóttir Skoðun SFS, Exit og norska leiðin þeirra Jón Kaldal Skoðun Halldór 26.04.2025 Halldór Að hata einhvern sem þú þarft á að halda? Katrín Pétursdóttir Skoðun
Árið 2011 er á enda. Þvílíkt ár. Eitt það minnisstæðasta er hiklaust framtakssemi tveggja stúlkna úr ungliðahreyfingu Framsóknarflokksins, en þær héldu svokallað VIP-partí í höfuðstöðvum flokksins við Grensásveg. Fólk hreinlega elskaði að kjamsa á málinu og umfjöllun fjölmiðla setti ný viðmið, enda hafði Ríkissjónvarpið aldrei áður verið með beina útsendingu frá slíkum viðburði. Allir vildu komast í partíið. Sigmundur Davíð, formaður Framsóknar, stal senunni með eftirminnilegum hætti þegar fjármálaráðherrann, Steingrímur J. Sigfússon, sóttist eftir miða fyrir son sinn: "Þú getur halt þig eigið partí," sagði Sigmundur og orðin fengu umsvifalaust vængi. Steingrímur lét ekki segja sér það tvisvar og stóð fyrir umdeildu Dirty Night-kvöldi á skemmtistaðnum Players í Kópavogi skömmu síðar. Einn maður var öðrum fremri á tónlistarsviðinu og þakkaði fyrir sig með eftirminnilegum tónleikum í Hörpu eftir að hafa selt tæplega 30.000 eintök af plötu sinni Amma. Já, trúbadorinn Svavar Knútur sló öll met og söng sig inn í hvert einasta hjarta landsins. En gleðin var skammvinn. Ólafur Ragnar Grímsson forseti lýsti yfir þjóðarsorg þegar Svavar skildi við söngkonuna Sinéad O'Connor skömmu fyrir jól. Óbeislaðar tilfinningar þjóðarinnar á götum úti komust í kjölfarið í heimsfréttirnar. Tónlistarárið var að öðru leyti frábært. Hljómsveitin HAM, með borgarfulltrúann Gísla Martein Baldursson og grínistann Þorstein Guðmundsson í broddi fylkingar, sendi frá sér eina af plötum ársins og Árni Johnsen lék nýtt efni á Iceland Airwaves-hátíðinni við fádæma undirtektir. Gagnrýnendur tónlistartímarita á borð við Rolling Stone og Clash áttu vart orð til að lýsa frammistöðu Árna, sem gerði skömmu síðar samning við útgáfurisann Universal. Ekki má gleyma afreksfólkinu okkar á sviði íþrótta, en þar voru konur í aðalhlutverki. Landslið kvenna í handbolta gerði frækna ferð til Brasilíu og varð heimsmeistari eftir sigur á Frökkum í æsispennandi úrslitaleik. Norskir fjölmiðlar fjölluðu sérstaklega mikið um sigurinn, enda var liðinu stýrt af Norðmanninum Ole Gunnar Solskjær. Loks náði söngkonan Anna Mjöll Ólafsdóttir stórkostlegum árangri á heimsmeistaramótinu í Cross Fit. Hún vann mótið og fékk nafnbótina hraustasta kona heims. En vandræði í einkalífinu vörpuðu skugga á árangurinn í lok árs þegar Anna sótti um skilnað við bandaríska auðkýfinginn Cal Worthington, stofnanda Microsoft.
Opið bréf til heilbrigðisráðherra: Iðjuþjálfar – mikilvægur mannauður í geðheilbrigðisþjónustu framtíðarinnar Erna Rut Elvarsdóttir,Lilja Logadóttir, Rebekka Lind Hjaltadóttir,Sandra Dís Sigurðardóttir Skoðun
Iðjuþjálfar í leik- og grunnskólum: Tækifæri í baráttunni gegn agavanda og skólaforðun Hekla Björt Birkisdóttir,Hrefna Dagbjört Arnardóttir,Inga Fríða Guðbjörnsdóttir,Íris Kristrún Kristmundsdóttir Skoðun
Opið bréf til heilbrigðisráðherra: Iðjuþjálfar – mikilvægur mannauður í geðheilbrigðisþjónustu framtíðarinnar Erna Rut Elvarsdóttir,Lilja Logadóttir, Rebekka Lind Hjaltadóttir,Sandra Dís Sigurðardóttir Skoðun
Iðjuþjálfar í leik- og grunnskólum: Tækifæri í baráttunni gegn agavanda og skólaforðun Hekla Björt Birkisdóttir,Hrefna Dagbjört Arnardóttir,Inga Fríða Guðbjörnsdóttir,Íris Kristrún Kristmundsdóttir Skoðun