Hentu eldri upptökunum

Þjóðlagapoppararnir í Fleet Foxes þurftu að taka upp sína nýjustu plötu, Helplessness Blues, tvisvar sinnum.

Upphaflega átti platan að koma út í fyrra. Ekkert varð af því vegna þess að söngvarinn Gavin Pecknold og félagar voru óánægðir með útkomuna.

„Mér fannst við þurfa að laga ýmislegt. Mig langaði að klára plötuna og gefa hana út en um leið og við lagfærðum tvö af lögunum opnuðust flóðgáttir," sagði Pecknold.

Hægt er að hlusta á og hala niður titillagi plötunnar, Helplessness Blues, á heimasíðu Fleet Foxes.