Söngvararnir stela senunni Trausti Júlíusson skrifar 25. maí 2011 14:00 Arabian Horse er aðgengilegri og skemmtilegri plata en sú síðasta. Tónlist Arabian Horse. Gusgus. Ferill hljómsveitarinnar Gusgus hefur verið fjölbreytilegur þau fimmtán ár sem hún hefur verið starfandi. Hún byrjaði sem stórt poppband sem gaf út hjá 4AD í Bretlandi og spilaði í tónleikahöllum víða um heim. Svo skrapp hún saman í lítið en þétt danstónlistarkombó og hvarf inn í klúbbana. Undanfarið hefur sveitin verið að stækka aftur og tónlistin hefur þróast líka. Arabian Horse er dansvæn plata en um leið poppaðasta Gusgus-platan frá því að This Is Normal kom út fyrir tólf árum. Arabian Horse byrjar á eins konar forspili, laginu Selfoss, sem stigmagnast hægt og rólega, en brotnar upp í lokin og við tekur harmonikkutónlist leikin af ónefndu sígaunabandi! Mjög skrýtin byrjun, en svo taka poppsmellirnir við hver af öðrum, Be with Me, smáskífulagið Deep Inside og svo lögin tvö sem sveitin tók á opnunartónleikum Hörpunnar, Over og Within You. Allt dúndurlög sem einkennast af flottum hljómi, fínum melódíum og góðum söng. Gusgus hefur sennilega aldrei verið skipuð betri söngvurum. Daníel Ágúst fer á kostum en Urður syngur líka í þremur lögum og Högni Egilsson úr Hjaltalín kemur við sögu í Deep Inside, When Your Lover’s Gone og hinu frábæra Within You. Það má segja að söngvararnir steli senunni. Næstu lög eru ekkert slor heldur, Arabian Horse og Magnified Love. Síðasta lagið, Benched, er svo án söngs, rétt eins og upphafslagið. Gusgus hefur tekist það sem fáum íslenskum tónlistarmönnum virðist takast. Nefnilega að einbeita sér samtímis að innlendum markaði og erlendum. Sveitin hefur stækkað íslenskan aðdáendahóp sinn jafnt og þétt, en samt aldrei misst sjónar af útlandinu. Hún er nú á samningi hjá þýsku gæðaútgáfunni Kompakt og það verður gaman að sjá hvernig nýju plötunni verður tekið alþjóðavettvangi. Arabian Horse er mjög sterk og sannfærandi Gusgus-plata og mun aðgengilegri og skemmtilegri en sú síðasta. Hún ætti að geta stækkað áheyrendahóp sveitarinnar enn frekar, bæði hér á landi og erlendis. Niðurstaða:Góðir söngvarar og flottur hljómur einkenna poppuðustu Gusgus-plötuna í langan tíma. Mest lesið „Þegar menn vaða svona í fjölskylduna mína þá tek ég boxhanskana af“ Lífið Eva flutt inn í verðlaunahús Kára Lífið Gaf langömmu tattú í afmælisgjöf Lífið Ætlar í blómabað á Balí með manninum sínum Lífið Maggie Smith er látin Lífið „Það er einhver sjarmi yfir París sem er ekki annarsstaðar“ Lífið Íslensk börn skorti meiri aga Lífið Heldur ekki vatni yfir konunni sinni Lífið Kolbrún ber laxerolíu á andlitið Lífið Skálda opnar: „Kannski ekki margir nógu vitlausir til að framkvæma þessa hugmynd“ Menning Fleiri fréttir Speak No Evil: Pabbi er ekki með fulle fem Maður þurfti ekki að vera skyggn Melódrama, morð og hæfilega mikið bótox Sunna Gunnlaugs í skugga karlrembu á djasshátíð Alien Romulus: Ungmenna Alien May December: Seint koma sumir en koma þó Sjá meira
Tónlist Arabian Horse. Gusgus. Ferill hljómsveitarinnar Gusgus hefur verið fjölbreytilegur þau fimmtán ár sem hún hefur verið starfandi. Hún byrjaði sem stórt poppband sem gaf út hjá 4AD í Bretlandi og spilaði í tónleikahöllum víða um heim. Svo skrapp hún saman í lítið en þétt danstónlistarkombó og hvarf inn í klúbbana. Undanfarið hefur sveitin verið að stækka aftur og tónlistin hefur þróast líka. Arabian Horse er dansvæn plata en um leið poppaðasta Gusgus-platan frá því að This Is Normal kom út fyrir tólf árum. Arabian Horse byrjar á eins konar forspili, laginu Selfoss, sem stigmagnast hægt og rólega, en brotnar upp í lokin og við tekur harmonikkutónlist leikin af ónefndu sígaunabandi! Mjög skrýtin byrjun, en svo taka poppsmellirnir við hver af öðrum, Be with Me, smáskífulagið Deep Inside og svo lögin tvö sem sveitin tók á opnunartónleikum Hörpunnar, Over og Within You. Allt dúndurlög sem einkennast af flottum hljómi, fínum melódíum og góðum söng. Gusgus hefur sennilega aldrei verið skipuð betri söngvurum. Daníel Ágúst fer á kostum en Urður syngur líka í þremur lögum og Högni Egilsson úr Hjaltalín kemur við sögu í Deep Inside, When Your Lover’s Gone og hinu frábæra Within You. Það má segja að söngvararnir steli senunni. Næstu lög eru ekkert slor heldur, Arabian Horse og Magnified Love. Síðasta lagið, Benched, er svo án söngs, rétt eins og upphafslagið. Gusgus hefur tekist það sem fáum íslenskum tónlistarmönnum virðist takast. Nefnilega að einbeita sér samtímis að innlendum markaði og erlendum. Sveitin hefur stækkað íslenskan aðdáendahóp sinn jafnt og þétt, en samt aldrei misst sjónar af útlandinu. Hún er nú á samningi hjá þýsku gæðaútgáfunni Kompakt og það verður gaman að sjá hvernig nýju plötunni verður tekið alþjóðavettvangi. Arabian Horse er mjög sterk og sannfærandi Gusgus-plata og mun aðgengilegri og skemmtilegri en sú síðasta. Hún ætti að geta stækkað áheyrendahóp sveitarinnar enn frekar, bæði hér á landi og erlendis. Niðurstaða:Góðir söngvarar og flottur hljómur einkenna poppuðustu Gusgus-plötuna í langan tíma.
Mest lesið „Þegar menn vaða svona í fjölskylduna mína þá tek ég boxhanskana af“ Lífið Eva flutt inn í verðlaunahús Kára Lífið Gaf langömmu tattú í afmælisgjöf Lífið Ætlar í blómabað á Balí með manninum sínum Lífið Maggie Smith er látin Lífið „Það er einhver sjarmi yfir París sem er ekki annarsstaðar“ Lífið Íslensk börn skorti meiri aga Lífið Heldur ekki vatni yfir konunni sinni Lífið Kolbrún ber laxerolíu á andlitið Lífið Skálda opnar: „Kannski ekki margir nógu vitlausir til að framkvæma þessa hugmynd“ Menning Fleiri fréttir Speak No Evil: Pabbi er ekki með fulle fem Maður þurfti ekki að vera skyggn Melódrama, morð og hæfilega mikið bótox Sunna Gunnlaugs í skugga karlrembu á djasshátíð Alien Romulus: Ungmenna Alien May December: Seint koma sumir en koma þó Sjá meira