Osbourne trúlofaður

Jack Osbourne, sonur rokkarans Ozzy, hefur trúlofast leikkonunni Lisu Stelly. Í fyrra var orðrómur uppi að hinn 25 ára Osbourne væri að hitta fyrirsætuna Sarash McNeilley og að þau hefðu fagnað afmæli hans í Las Vegas.

Sú ást virðist hafa verið skamvinn. Osbourne hefur áður verið orðaður við leikkonuna Gemmu Atkinson, Kimberly Rodsdóttur Stewart og fyrirsætuna Kate Moss. Kelly, systir Jack, trúlofaðist fyrirsætunni Luke Worrall árið 2008 en þau hættu saman í fyrra eftir að fregnir bárust af því að hann hefði haldið framhjá henni.