Með ólæknandi bíladellu

Marta María Jónasdóttir er fréttastjóri dægurmála á mbl.is og ritstjóri Smartlands. Sá vefur hefur verið töluvert á milli tannanna á fólki og Diljá Ámundadóttir, varaborgarfulltrúi Besta flokksins, neitaði meðal annars opinberlega að svara nokkrum spurningum vefsins eins og frægt er orðið.

Marta María lætur það hins vegar ekkert á sig fá og mætti á frumsýningu leikverksins Hreinsun í Þjóðleikhúsinu á glæsilegum, svörtum sportbíl af gerðinni BMW 320, 2008-árgerð, sem skartar meðal annars ljósum leðursætum og „öllum pakkanum" eins og það væri orðað.

Marta hefur verið haldin ólæknandi bíladellu en þetta er þriðji BMW-inn sem hún eignast.