Larsson að hætti Hollywood Haukur Viðar Alfreðsson skrifar 21. desember 2011 11:00 Salander og Blomkvist. Bíó. The Girl With the Dragon Tattoo. Leikstjóri: David Fincher. Leikarar: Daniel Craig, Rooney Mara, Christopher Plummer, Stellan Skarsgård, Steven Berkoff, Robin Wright, Yorick van Wageningen. Eftir mikla sigurför spennubóka sænska blaðamannsins Stieg Larsson og vinsælan kvikmyndaþríleik byggðan á bókunum vildu bandarískir bíóframleiðendur að sjálfsögðu fá bita af kökunni. Karlar sem hata konur eru nú orðnir að Stúlkunni með drekaflúrið. Það er gamla kempan David Fincher (Se7en, The Social Network) sem sér um ameríska uppfærslu verksins og að eigin sögn tekur hann bæði mið af bókinni og sænsku myndinni. Það vakti strax athygli mína að Fincher er óhræddur við að halda sögusviðinu óbreyttu. Einfalt og hentugt hefði verið að laga atburðarásina að amerískum aðstæðum. Mögulega hefði það tekist fullkomlega, en líklegra er að eitthvað óáþreifanlegt hefði glatast. Sagan er ofboðslega skandinavísk og staðsetningin er órjúfanlegur hluti af henni. Þetta leysir Fincher með því að láta myndina gerast í Svíþjóð, en um leið leyfir hann leikurum að tjá sig á ensku (með misgóðum sænskum hreim). Fyrir mig gengur þetta ágætlega upp, en það er spurning hvað Svíum þykir um þetta uppátæki. Sagan sjálf er hægfara en spennandi krimmi, ekki ósvipaður verkum Arnaldar Indriðasonar. Kuldinn og snjórinn spila stórt hlutverk sem og hversu afskekkt litla eyjan er sem sagan gerist á. Persónurnar Mikael Blomkvist og Lisbeth Salander eru ólíkar á yfirborðinu en innra með þeim báðum kraumar sterk réttlætiskennd, sem Mikael hefur að vísu ögn betri stjórn á en Lisbeth. Daniel Craig stendur sig ágætlega sem Blomkvist en það er hin unga Rooney Mara sem dregur að sér mesta athygli hér. Hún er frábær í hlutverki Salander og er í senn aðlaðandi og fráhrindandi. Mann langar að faðma hana en hún myndi eflaust launa faðmlagið með pungsparki. Titlasenan í upphafi myndarinnar er óþarflega vegleg og passar illa við efni myndarinnar. Fincher er svolítið fastur í töffaraskap tíunda áratugarins og í þetta sinn hefði hann betur sleppt öllum látalátum. Lokasenur myndarinnar eru einnig undarlegar, en þegar um stundarfjórðungur er eftir af myndinni breytist hún úr drungalegum spennutrylli í broslega svikaflækju að hætti Elmore Leonard. The Girl with the Dragon Tattoo er engu að síður þrælspennandi og vel gerð að mestu. Ég hlakka til að sjá næstu tvær. Niðurstaða: Skandinavíski krimminn fer Fincher nokkuð vel. Hann stenst prófið með ágætum. Mest lesið Boðaði vinkonurnar í bústað eftir að hafa upplifað Tinder á sterum Lífið „Lætur mér líða eins og tími minn í Hollywood hafi verið ómaksins virði“ Lífið Fögnuðu sögulegum 850 þúsund króna hátalara Ella Egils Lífið Fréttatía vikunnar: Moulin Rouge, Blóðbankinn og Eurovision Lífið Sonur Fóstbróður slær í gegn: „Ég er fastur þarna núna, orðinn háður“ Lífið Nextar og Sinclair sýna þætti Kimmels aftur Bíó og sjónvarp Rapparinn og málverndarsinninn frjáls ferða sinna Lífið Selja íbúð í Vesturbænum: „Við eigum of mörg börn til að búa í henni áfram“ Lífið Lamaðist og missti sjón en fann styrk í sjálfri sér Lífið „Kristrún Frostadóttir frá... Finnlandi?“ Lífið Fleiri fréttir Þeir fátæku borga brúsann Auður í Bæjarbíói: Frá slaufun í standandi fagnaðarlæti Alvöru bíó en hægt brenna Eldarnir Er Lína Langsokkur woke? Kórtónleikar: Heilög naumhyggja eða heilalaust suð Barnaefni fyrir fullorðna Balta bregst bogalistin Þú heyrðir rétt: klassík getur verið skemmtileg Smashing Pumpkins pumpuðu upp stemningu – en listin varð undir hávaðanum Kynferðisleg gremja, sænskur senuþjófur og náttúruklám Ræðst framtíð grínmyndarinnar hér? Aumkunarverð endurvinnsla og ferskt framhald Áferðarfallegir en óeftirminnilegir fjórmenningar Sjá meira
Bíó. The Girl With the Dragon Tattoo. Leikstjóri: David Fincher. Leikarar: Daniel Craig, Rooney Mara, Christopher Plummer, Stellan Skarsgård, Steven Berkoff, Robin Wright, Yorick van Wageningen. Eftir mikla sigurför spennubóka sænska blaðamannsins Stieg Larsson og vinsælan kvikmyndaþríleik byggðan á bókunum vildu bandarískir bíóframleiðendur að sjálfsögðu fá bita af kökunni. Karlar sem hata konur eru nú orðnir að Stúlkunni með drekaflúrið. Það er gamla kempan David Fincher (Se7en, The Social Network) sem sér um ameríska uppfærslu verksins og að eigin sögn tekur hann bæði mið af bókinni og sænsku myndinni. Það vakti strax athygli mína að Fincher er óhræddur við að halda sögusviðinu óbreyttu. Einfalt og hentugt hefði verið að laga atburðarásina að amerískum aðstæðum. Mögulega hefði það tekist fullkomlega, en líklegra er að eitthvað óáþreifanlegt hefði glatast. Sagan er ofboðslega skandinavísk og staðsetningin er órjúfanlegur hluti af henni. Þetta leysir Fincher með því að láta myndina gerast í Svíþjóð, en um leið leyfir hann leikurum að tjá sig á ensku (með misgóðum sænskum hreim). Fyrir mig gengur þetta ágætlega upp, en það er spurning hvað Svíum þykir um þetta uppátæki. Sagan sjálf er hægfara en spennandi krimmi, ekki ósvipaður verkum Arnaldar Indriðasonar. Kuldinn og snjórinn spila stórt hlutverk sem og hversu afskekkt litla eyjan er sem sagan gerist á. Persónurnar Mikael Blomkvist og Lisbeth Salander eru ólíkar á yfirborðinu en innra með þeim báðum kraumar sterk réttlætiskennd, sem Mikael hefur að vísu ögn betri stjórn á en Lisbeth. Daniel Craig stendur sig ágætlega sem Blomkvist en það er hin unga Rooney Mara sem dregur að sér mesta athygli hér. Hún er frábær í hlutverki Salander og er í senn aðlaðandi og fráhrindandi. Mann langar að faðma hana en hún myndi eflaust launa faðmlagið með pungsparki. Titlasenan í upphafi myndarinnar er óþarflega vegleg og passar illa við efni myndarinnar. Fincher er svolítið fastur í töffaraskap tíunda áratugarins og í þetta sinn hefði hann betur sleppt öllum látalátum. Lokasenur myndarinnar eru einnig undarlegar, en þegar um stundarfjórðungur er eftir af myndinni breytist hún úr drungalegum spennutrylli í broslega svikaflækju að hætti Elmore Leonard. The Girl with the Dragon Tattoo er engu að síður þrælspennandi og vel gerð að mestu. Ég hlakka til að sjá næstu tvær. Niðurstaða: Skandinavíski krimminn fer Fincher nokkuð vel. Hann stenst prófið með ágætum.
Mest lesið Boðaði vinkonurnar í bústað eftir að hafa upplifað Tinder á sterum Lífið „Lætur mér líða eins og tími minn í Hollywood hafi verið ómaksins virði“ Lífið Fögnuðu sögulegum 850 þúsund króna hátalara Ella Egils Lífið Fréttatía vikunnar: Moulin Rouge, Blóðbankinn og Eurovision Lífið Sonur Fóstbróður slær í gegn: „Ég er fastur þarna núna, orðinn háður“ Lífið Nextar og Sinclair sýna þætti Kimmels aftur Bíó og sjónvarp Rapparinn og málverndarsinninn frjáls ferða sinna Lífið Selja íbúð í Vesturbænum: „Við eigum of mörg börn til að búa í henni áfram“ Lífið Lamaðist og missti sjón en fann styrk í sjálfri sér Lífið „Kristrún Frostadóttir frá... Finnlandi?“ Lífið Fleiri fréttir Þeir fátæku borga brúsann Auður í Bæjarbíói: Frá slaufun í standandi fagnaðarlæti Alvöru bíó en hægt brenna Eldarnir Er Lína Langsokkur woke? Kórtónleikar: Heilög naumhyggja eða heilalaust suð Barnaefni fyrir fullorðna Balta bregst bogalistin Þú heyrðir rétt: klassík getur verið skemmtileg Smashing Pumpkins pumpuðu upp stemningu – en listin varð undir hávaðanum Kynferðisleg gremja, sænskur senuþjófur og náttúruklám Ræðst framtíð grínmyndarinnar hér? Aumkunarverð endurvinnsla og ferskt framhald Áferðarfallegir en óeftirminnilegir fjórmenningar Sjá meira