Dyggir aðdáendur gætu fengið sjokk 29. desember 2011 16:00 Hjaltalín. Hjaltalín mun flytja mikið af nýju efni á tónleikum á Faktorý í kvöld. Upptökur fyrir þriðju breiðskífu sveitarinnar hefjast í janúar. Nýja efnið er töluvert ólíkt því sem sveitin hefur gert áður, og lýsa hljómsveitarmeðlimir því sem dekkri útgáfu af Hjaltalín. „Við erum mjög spennt fyrir þessu," segir Viktor Orri Árnason, fiðluleikari og Hjaltalínmeðlimur. Hjaltalín kemur fram á tónleikum á Faktorý í kvöld, en sveitin hefur staðið í ströngu undanfarið við æfingar á nýju efni, sem tónleikagestum gefst færi á að heyra í kvöld. „Við ætlum eiginlega að reyna að spila sem flest ný lög sem verða á næstu plötu. En svo verðum við að taka eitthvað eldra til að minna fólk á að við erum ekki búin að gleyma hinum lögunum." Hjaltalín stefnir á stúdíó strax í janúarbyrjun til að hefja upptökur fyrir næstu plötu, sem hljómsveitarmeðlimir vonast til að komi út einhvern tíma á árinu. Viktor segir sveitina breyta aðeins um stefnu með nýja efninu og hlakkar til að heyra viðbrögð fólks. „Við förum í svolítið nýja átt sem er töluvert dekkri en áður. Þeir sem eru dyggir aðdáendur Hjaltalíns munu kannski fá smá sjokk, eðlilega, en við erum rosalega ánægð með þetta efni, þótt það verði ekki komið í fullkomna mynd fyrr en á nýju plötunni." Önnur plata Hjaltalíns, Terminal, kom út fyrir tveimur árum og fékk feykilega góðar viðtökur. Í kjölfarið var sveitin áberandi og spilaði á fjölda tónleika, bæði hér heima og erlendis. Á líðandi ári hefur ekki heyrst jafn mikið frá henni, enda hafa meðlimir sveitarinnar verið búsettir í ólíkum löndum og sinnt eigin verkefnum. „Við höfum verið dreifð, hvert í sinni vinnu og tónlistarheimi. En við erum svo heppin að búa við þessar aðstæður sem netið gefur okkur, við erum alltaf að ræða saman, deila hugmyndum og jafnvel taka upp demó sem við sendum á milli," segir Viktor og bætir við að þetta fyrirkomulag hafi í raun orðið til þess að nýju lögin séu unnin í meiri samvinnu af öllum meðlimum en áður. „Það skrýtna sem hefur gerst er að þótt við séum ekki í sama landi semjum við miklu meira saman en áður. Við tökum öll mun meiri þátt í öllu ferlinu, sem hefur verið virkilega skemmtilegt." Þótt Hjaltalín hafi ekki látið mikið á sér bera árið 2011 hafa hinir sjö meðlimir sveitarinnar verið mjög virkir í tónlistarlífinu. Viktor segir alla reynsluna sem þau hafi aflað sér undanfarin tvö ár hafa áhrif á nýju lagasmíðarnar. „Þessar mismunandi áttir sem við fórum í hafa klárlega haft mikil áhrif. Högni hefur unnið mikið með GusGus, Hjörtur gaf út plötu og Sigríður og Guðmundur Óskar spiluðu mikið saman. Svo erum við hin í námi og ég sjálfur í mínu tónlistarnámi úti í Berlín í allt öðrum tónlistarheimi. Þetta nýtist allt ótrúlega vel þegar við komum saman, því við höfum mjög sterkar mismunandi hugmyndir sem stangast oft á. Á endanum verður svo tónlist til sem er vonandi eitthvað nýtt. Við erum svolítið að leita og prófa okkur áfram og finnst þetta spennandi og skemmtilegt." Tónleikarnir á Faktorý hefjast klukkan 22 og aðgangseyrir er 1.500 krónur. bergthora@frettabladid.is Lífið Mest lesið „Ég hef tapað vinum á því að eiga peninga“ Lífið Óraunverulegt að kaupa íbúð í miðborg London Lífið Hringdi í mömmu sem sagði einfaldlega: „Nói, nú kemur þú heim“ Áskorun Sonur Tinu Turner látinn Lífið Sat uppi með útgáfu af sjálfri sér sem hún kunni ekki við Lífið Sama hvað öllum finnst, nema mömmu og pabba Tónlist Þessi litla breyting breytti í raun öllu! Lífið samstarf Gerður í Blush hennar helsta fyrirmynd Lífið Reynir festi kaup á 210 milljón króna þakíbúð Lífið „Það er ekkert sem læknar þetta alveg“ Lífið Fleiri fréttir Stjörnulífið: Valkyrjunar komu Þorgerði á óvart „Ég hef tapað vinum á því að eiga peninga“ Sonur Tinu Turner látinn Óraunverulegt að kaupa íbúð í miðborg London Krakkatían: Bannað að hlæja, Friðarsúlan og Iceguys Sat uppi með útgáfu af sjálfri sér sem hún kunni ekki við Ungir Sjálfstæðismenn samankomnir á sambandsþingi Fréttatía vikunnar: Play, fiskbúðingur og stjörnuskilnaður Gerður í Blush hennar helsta fyrirmynd Útbjó lágkolvetna prógram fyrir systur sína sem léttist strax og fékk meiri orku Flugfreyja, íþróttakona og ráðherra breyttu leiknum „Ákvað að skilja hana eftir þar og athuga hversu langt ég kæmist“ „Gætum orðið fyrsta þjóð í heimi til að útrýma leghálskrabbameini“ „Rétturinn sem fjölskyldan þín mun elska og biðja um aftur og aftur“ Keeping Up Appearances-leikkona látin Auðveldara að tengjast fólki í eigin persónu Galopnar sig og segist ætla að breyta hlutunum Heimatilbúið „corny“ Skilin að borði og sæng eftir 28 ára hjónaband Framlag Kenýu til Óskarsverðlaunanna til sýnis á Ísafirði Keith sagður kominn með nýja kærustu Það var bannað að hlæja á Kjarval Eitt rými sem má alls ekki mynda í Alþingishúsinu Centro-hjónin selja Beverly Hills-villuna Ástarsenur í viku tvö með stórleikaranum Segir spjallmenni Meta herja kynferðislega á börn „Rúrik Gíslason hefur sagt hæ við mig“ Jafet Máni selur íbúð með ræktarsal „Þarf ekkert að klífa Everest til að finnast ég einhvers virði“ Ertu sauður? Fimm ráð sem geta forðað þér frá hjarðhegðun Sjá meira
Hjaltalín mun flytja mikið af nýju efni á tónleikum á Faktorý í kvöld. Upptökur fyrir þriðju breiðskífu sveitarinnar hefjast í janúar. Nýja efnið er töluvert ólíkt því sem sveitin hefur gert áður, og lýsa hljómsveitarmeðlimir því sem dekkri útgáfu af Hjaltalín. „Við erum mjög spennt fyrir þessu," segir Viktor Orri Árnason, fiðluleikari og Hjaltalínmeðlimur. Hjaltalín kemur fram á tónleikum á Faktorý í kvöld, en sveitin hefur staðið í ströngu undanfarið við æfingar á nýju efni, sem tónleikagestum gefst færi á að heyra í kvöld. „Við ætlum eiginlega að reyna að spila sem flest ný lög sem verða á næstu plötu. En svo verðum við að taka eitthvað eldra til að minna fólk á að við erum ekki búin að gleyma hinum lögunum." Hjaltalín stefnir á stúdíó strax í janúarbyrjun til að hefja upptökur fyrir næstu plötu, sem hljómsveitarmeðlimir vonast til að komi út einhvern tíma á árinu. Viktor segir sveitina breyta aðeins um stefnu með nýja efninu og hlakkar til að heyra viðbrögð fólks. „Við förum í svolítið nýja átt sem er töluvert dekkri en áður. Þeir sem eru dyggir aðdáendur Hjaltalíns munu kannski fá smá sjokk, eðlilega, en við erum rosalega ánægð með þetta efni, þótt það verði ekki komið í fullkomna mynd fyrr en á nýju plötunni." Önnur plata Hjaltalíns, Terminal, kom út fyrir tveimur árum og fékk feykilega góðar viðtökur. Í kjölfarið var sveitin áberandi og spilaði á fjölda tónleika, bæði hér heima og erlendis. Á líðandi ári hefur ekki heyrst jafn mikið frá henni, enda hafa meðlimir sveitarinnar verið búsettir í ólíkum löndum og sinnt eigin verkefnum. „Við höfum verið dreifð, hvert í sinni vinnu og tónlistarheimi. En við erum svo heppin að búa við þessar aðstæður sem netið gefur okkur, við erum alltaf að ræða saman, deila hugmyndum og jafnvel taka upp demó sem við sendum á milli," segir Viktor og bætir við að þetta fyrirkomulag hafi í raun orðið til þess að nýju lögin séu unnin í meiri samvinnu af öllum meðlimum en áður. „Það skrýtna sem hefur gerst er að þótt við séum ekki í sama landi semjum við miklu meira saman en áður. Við tökum öll mun meiri þátt í öllu ferlinu, sem hefur verið virkilega skemmtilegt." Þótt Hjaltalín hafi ekki látið mikið á sér bera árið 2011 hafa hinir sjö meðlimir sveitarinnar verið mjög virkir í tónlistarlífinu. Viktor segir alla reynsluna sem þau hafi aflað sér undanfarin tvö ár hafa áhrif á nýju lagasmíðarnar. „Þessar mismunandi áttir sem við fórum í hafa klárlega haft mikil áhrif. Högni hefur unnið mikið með GusGus, Hjörtur gaf út plötu og Sigríður og Guðmundur Óskar spiluðu mikið saman. Svo erum við hin í námi og ég sjálfur í mínu tónlistarnámi úti í Berlín í allt öðrum tónlistarheimi. Þetta nýtist allt ótrúlega vel þegar við komum saman, því við höfum mjög sterkar mismunandi hugmyndir sem stangast oft á. Á endanum verður svo tónlist til sem er vonandi eitthvað nýtt. Við erum svolítið að leita og prófa okkur áfram og finnst þetta spennandi og skemmtilegt." Tónleikarnir á Faktorý hefjast klukkan 22 og aðgangseyrir er 1.500 krónur. bergthora@frettabladid.is
Lífið Mest lesið „Ég hef tapað vinum á því að eiga peninga“ Lífið Óraunverulegt að kaupa íbúð í miðborg London Lífið Hringdi í mömmu sem sagði einfaldlega: „Nói, nú kemur þú heim“ Áskorun Sonur Tinu Turner látinn Lífið Sat uppi með útgáfu af sjálfri sér sem hún kunni ekki við Lífið Sama hvað öllum finnst, nema mömmu og pabba Tónlist Þessi litla breyting breytti í raun öllu! Lífið samstarf Gerður í Blush hennar helsta fyrirmynd Lífið Reynir festi kaup á 210 milljón króna þakíbúð Lífið „Það er ekkert sem læknar þetta alveg“ Lífið Fleiri fréttir Stjörnulífið: Valkyrjunar komu Þorgerði á óvart „Ég hef tapað vinum á því að eiga peninga“ Sonur Tinu Turner látinn Óraunverulegt að kaupa íbúð í miðborg London Krakkatían: Bannað að hlæja, Friðarsúlan og Iceguys Sat uppi með útgáfu af sjálfri sér sem hún kunni ekki við Ungir Sjálfstæðismenn samankomnir á sambandsþingi Fréttatía vikunnar: Play, fiskbúðingur og stjörnuskilnaður Gerður í Blush hennar helsta fyrirmynd Útbjó lágkolvetna prógram fyrir systur sína sem léttist strax og fékk meiri orku Flugfreyja, íþróttakona og ráðherra breyttu leiknum „Ákvað að skilja hana eftir þar og athuga hversu langt ég kæmist“ „Gætum orðið fyrsta þjóð í heimi til að útrýma leghálskrabbameini“ „Rétturinn sem fjölskyldan þín mun elska og biðja um aftur og aftur“ Keeping Up Appearances-leikkona látin Auðveldara að tengjast fólki í eigin persónu Galopnar sig og segist ætla að breyta hlutunum Heimatilbúið „corny“ Skilin að borði og sæng eftir 28 ára hjónaband Framlag Kenýu til Óskarsverðlaunanna til sýnis á Ísafirði Keith sagður kominn með nýja kærustu Það var bannað að hlæja á Kjarval Eitt rými sem má alls ekki mynda í Alþingishúsinu Centro-hjónin selja Beverly Hills-villuna Ástarsenur í viku tvö með stórleikaranum Segir spjallmenni Meta herja kynferðislega á börn „Rúrik Gíslason hefur sagt hæ við mig“ Jafet Máni selur íbúð með ræktarsal „Þarf ekkert að klífa Everest til að finnast ég einhvers virði“ Ertu sauður? Fimm ráð sem geta forðað þér frá hjarðhegðun Sjá meira