Þekktir nágrannar

Söngvarinn Jón Þór Birgisson, eða Jónsi í Sigur Rós eins og hann er betur þekktur, hefur fest kaup á lóðinni við Spítalastíg 6a.

Lóðin er óbyggð en samkvæmt heimildum Fréttablaðsins stendur til að byggja þar hljóðver.

Jónsi og sambýlismaður hans búa skammt frá lóðinni og eru ekki einu landsþekktu einstaklingarnir sem búa þarna í kring; Leikarahjónin Ólafur Egill Egilsson og Esther Talía Casey búa þar skammt frá og söngkonan Ragnhildur Gísladóttir keypti hús á horni Spítalastígs og Bergstaðastrætis ásamt sambýlismanni sínum, Birki Kristinssyni. Leikararnir Hilmir Snær Guðnason og Vigdís Hrefna Pálsdóttir búa einnig í næsta nágrenni.