Persie og Rooney vildu báðir mynd með Audda

Persie og Rooney vildu báðir mynd með Audda Hlustendur FM957 fóru ekki varhluta af því að útvarpsmaðurinn og Manchester United-áhugamaðurinn Auðunn Blöndal var fjarri góðu gamni síðastliðinn föstudag þegar Jón Gunnar Geirdal fyllti í skarðið í útvarpsþættinum FM95BLÖ.

Auðunn sótti nefnilega leik United og Tottenham á Old Trafford í Manchester á dögunum og sá sína menn tapa fyrir Gylfa Þór Sigurðssyni og félögum á heimavelli. Það hlýtur að hafa fullkomnað ferðina fyrir Auðun að hitta þá Wayne Rooney og Robin van Persie, framherja United. Auðunn segir þá hafa beðið um augnablik til að fá mynd af sér með skagfirska útvarpsmanninum sem hann veitti þeim báðum.

-fb, - bþh