Eyða aðventunni í Þýskalandi og Sviss

Tónlistarmaðurinn Snorri Helgason heldur ásamt hljómsveit sinni í tónleikaferðalag um Þýskaland og Sviss í næstu viku.

Ferðalagið mun standa yfir frá 3. til 16. desember og munu Snorri og félagar halda tólf tónleika á þessum tíma, flesta í Þýskalandi.

Með Snorra í för verða, sem fyrr, Sigurlaug Gísladóttir, Guðmundur Óskar Guðmundsson og Magnús Trygvason Eliassen.

Í tónleikaferðinni verða spiluð ný lög í bland við þau gömlu, enda hefur Snorri hafist handa við að taka upp þriðju sólóplötuna sína.

-fb, sv