Fýluferð á föstudegi Magnús Þorlákur Lúðvíksson skrifar 17. janúar 2012 06:00 Andskotinn, þetta er vesen," hugsaði ég með mér þegar ég uppgötvaði að ég hafði keyrt um á útrunnu ökuskírteini í þrjá mánuði. Ég gróf upp símanúmerið hjá gamla ökukennaranum mínum og pantaði ökumat síðar í sömu viku. Ökumatið gekk bara nokkuð vel; ég þótti vera öruggur ökumaður en mætti vera aðeins duglegri við að gefa stefnuljós. Þá þarf ég að gæta þess að stoppa alveg, en ekki næstum því, við stöðvunarskyldu. Gott og vel, ég var kominn með ökumatið og gat þá endurnýjað ökuskírteinið hjá sýslumanni. Það var föstudagur og ég ákvað að klára málið bara strax. Ég mætti þangað rétt fyrir klukkan eitt, lagði ökumatið sigri hrósandi á afgreiðsluborðið og sagðist vera kominn til að endurnýja ökuskírteinið mitt. En þá kom babb í bátinn. Það kom í ljós að það er ekki hægt að fá útgefið ökuskírteini hjá sýslumanninum í Reykjavík. Til þess þurfa Reykvíkingar að gera sér ferð til Kópavogs. Þessi tíðindi drógu aðeins úr mér, ég var nú einu sinni að skjótast úr vinnunni, en ég var í góðu skapi þannig að ég tók þessu vel og spurði hvar sýslumaðurinn í Kópavogi væri til húsa. Afgreiðslustúlkan skýrði mér skilmerkilega frá því en þegar ég gerði mig líklegan til að hverfa á brott sagði hún: „En sko, ég held að það sé bara tekið við ökuskírteinisumsóknum til klukkan hálf tólf." Ég hváði og muldraði eitthvað á þá leið hvers konar skrifstofa væri einungis opin til hálf tólf. Stúlkan svaraði kurteislega að reyndar væri opið þar til þrjú en þessi tiltekna þjónustu væri bara veitt til hálf tólf. Ég hugsaði mig aðeins um, þakkaði stúlkunni fyrir og gekk út. Ég var þó ekki fyllilega sáttur við þessar málalyktir þannig að ég hringdi í sýslumanninn í Kópavogi og fékk staðfest það sem ég óttaðist. Ég hafði farið fýluferð úr vinnunni. Strax eftir helgina fór ég að morgni dags til Kópavogs og gekk frá þessu. Það var lítið mál. Ég fékk bráðabirgðaökuheimild og svo nokkrum vikum seinna heimsent nýtt ökuskírteini. Ökuskírteini sem gildir til ársins 2058! Það þótt mér einkennilegt. En enn einkennilegra fannst mér þó að hafa ekki getað sótt um ökuskírteini í mínu nágrenni. Né neins staðar á höfuðborgarsvæðinu eftir klukkan hálf tólf. Hvernig væri að koma einfaldlega upp þjónustumiðstöðvum þar sem hægt væri að sækja um og nálgast alla þjónustu sem ríki og viðkomandi sveitarfélag veita? Miðstöðvum sem væru opnar frá níu til fimm? Eða jafnvel fara verulega út fyrir kassann og gera fólki kleift að sinna erindum sem þessu á netinu? Það er nú einu sinni 2012. Viltu birta grein á Vísi? Sendu okkur póst. Senda grein Magnús Þorlákur Lúðvíksson Mest lesið Ég var með alþingismanni í meðferð Gísli Hvanndal Jakobsson Skoðun Af fordómum gervigreindar, Gísla Marteini og því sem þú getur gert til að hafa áhrif! Lilja Dögg Jónsdóttir,Hafsteinn Einarsson Skoðun Hinn langi USArmur Ísraels Ingólfur Steinsson Skoðun Ný tegund svika Heiðrún Jónsdóttir Skoðun Stytting námstíma til stúdentsprófs: Sjónarhorn menntarannsókna Elsa Eiríksdóttir,Guðrún Ragnarsdóttir,María Jónasdóttir,Valgerður S. Bjarnadóttir Skoðun Búum til börn - án aukinna útgjalda Hildur Sverrisdóttir Skoðun Hvað með heyrnarskert börn, heyrnarskerta fullorðna og börn með skarð? Eva Albrechtsen,Ösp Vilberg Baldursdóttir Skoðun Nýir vendir sópa best Arnar Þór Jónsson,Kári Allansson,Sveinn Hjörtur Guðfinnsson Skoðun Íslenska er ekki eina málið Lilja Magnúsdóttir Skoðun Þjóðaróperan á Alþingi í nær 70 ár Finnur Bjarnason,Þórunn Sigurðardóttir Skoðun
Andskotinn, þetta er vesen," hugsaði ég með mér þegar ég uppgötvaði að ég hafði keyrt um á útrunnu ökuskírteini í þrjá mánuði. Ég gróf upp símanúmerið hjá gamla ökukennaranum mínum og pantaði ökumat síðar í sömu viku. Ökumatið gekk bara nokkuð vel; ég þótti vera öruggur ökumaður en mætti vera aðeins duglegri við að gefa stefnuljós. Þá þarf ég að gæta þess að stoppa alveg, en ekki næstum því, við stöðvunarskyldu. Gott og vel, ég var kominn með ökumatið og gat þá endurnýjað ökuskírteinið hjá sýslumanni. Það var föstudagur og ég ákvað að klára málið bara strax. Ég mætti þangað rétt fyrir klukkan eitt, lagði ökumatið sigri hrósandi á afgreiðsluborðið og sagðist vera kominn til að endurnýja ökuskírteinið mitt. En þá kom babb í bátinn. Það kom í ljós að það er ekki hægt að fá útgefið ökuskírteini hjá sýslumanninum í Reykjavík. Til þess þurfa Reykvíkingar að gera sér ferð til Kópavogs. Þessi tíðindi drógu aðeins úr mér, ég var nú einu sinni að skjótast úr vinnunni, en ég var í góðu skapi þannig að ég tók þessu vel og spurði hvar sýslumaðurinn í Kópavogi væri til húsa. Afgreiðslustúlkan skýrði mér skilmerkilega frá því en þegar ég gerði mig líklegan til að hverfa á brott sagði hún: „En sko, ég held að það sé bara tekið við ökuskírteinisumsóknum til klukkan hálf tólf." Ég hváði og muldraði eitthvað á þá leið hvers konar skrifstofa væri einungis opin til hálf tólf. Stúlkan svaraði kurteislega að reyndar væri opið þar til þrjú en þessi tiltekna þjónustu væri bara veitt til hálf tólf. Ég hugsaði mig aðeins um, þakkaði stúlkunni fyrir og gekk út. Ég var þó ekki fyllilega sáttur við þessar málalyktir þannig að ég hringdi í sýslumanninn í Kópavogi og fékk staðfest það sem ég óttaðist. Ég hafði farið fýluferð úr vinnunni. Strax eftir helgina fór ég að morgni dags til Kópavogs og gekk frá þessu. Það var lítið mál. Ég fékk bráðabirgðaökuheimild og svo nokkrum vikum seinna heimsent nýtt ökuskírteini. Ökuskírteini sem gildir til ársins 2058! Það þótt mér einkennilegt. En enn einkennilegra fannst mér þó að hafa ekki getað sótt um ökuskírteini í mínu nágrenni. Né neins staðar á höfuðborgarsvæðinu eftir klukkan hálf tólf. Hvernig væri að koma einfaldlega upp þjónustumiðstöðvum þar sem hægt væri að sækja um og nálgast alla þjónustu sem ríki og viðkomandi sveitarfélag veita? Miðstöðvum sem væru opnar frá níu til fimm? Eða jafnvel fara verulega út fyrir kassann og gera fólki kleift að sinna erindum sem þessu á netinu? Það er nú einu sinni 2012.
Af fordómum gervigreindar, Gísla Marteini og því sem þú getur gert til að hafa áhrif! Lilja Dögg Jónsdóttir,Hafsteinn Einarsson Skoðun
Stytting námstíma til stúdentsprófs: Sjónarhorn menntarannsókna Elsa Eiríksdóttir,Guðrún Ragnarsdóttir,María Jónasdóttir,Valgerður S. Bjarnadóttir Skoðun
Hvað með heyrnarskert börn, heyrnarskerta fullorðna og börn með skarð? Eva Albrechtsen,Ösp Vilberg Baldursdóttir Skoðun
Af fordómum gervigreindar, Gísla Marteini og því sem þú getur gert til að hafa áhrif! Lilja Dögg Jónsdóttir,Hafsteinn Einarsson Skoðun
Stytting námstíma til stúdentsprófs: Sjónarhorn menntarannsókna Elsa Eiríksdóttir,Guðrún Ragnarsdóttir,María Jónasdóttir,Valgerður S. Bjarnadóttir Skoðun
Hvað með heyrnarskert börn, heyrnarskerta fullorðna og börn með skarð? Eva Albrechtsen,Ösp Vilberg Baldursdóttir Skoðun