Fluttur á sjúkrahús

Kevin Federline, fyrrum eiginmaður Britney Spears, var fluttur á sjúkrahús í Sydney í Ástralíu eftir að hafa fengið verk fyrir brjóstið.

Hann var staddur í Ástralíu við tökur á sjónvarpsþáttunum Excess Baggage þar sem fólk reynir að losna við aukakílóin. Federline var með háan púls og fékk súrefni en ekki er vitað hvort hann fékk hjartaáfall. Þetta er í annað sinn sem hann er fluttur á sjúkrahús síðan hann kom til Ástralíu fyrir níu vikum. Þá var hann sagður hafa fengið sólsting.