Myndband á mæðradegi

Leikarinn John Travolta bjó til rómantískt myndband handa eiginkonu sinni Kelly Preston í tilefni af mæðradeginum. „Eiginmaðurinn minn Johnny steig sín fyrstu skref sem leikstjóri og bjó til myndband handa mér á mæðradaginn.

Mér fannst það svo flott að mig langaði að deila því með ykkur," sagði Preston á heimasíðu sinni. Í hinu fjögurra mínútna myndbandi eru alls konar myndir, m.a. af syni þeirra Jett sem lést fyrir þremur árum. Lagið sem hljómar undir er That Face sem Barbra Streisand syngur. Þess má geta að báðir nuddararnir sem kærðu Travolta fyrir kynferðislega áreitni hafa dregið ásakanirnar til baka.