Reyni aftur á morgun Ragnheiður Tryggvadóttir skrifar 6. júní 2012 06:00 Þjónustufulltrúar okkar aðstoða þig með ánægju eftir augnablik,“ malaði stimamjúkur símsvarinn í eyrað á mér. Ég hafði reyndar enga trú á því, enda höfðu þeir „því miður“ allir verið uppteknir í stundarfjórðung þegar þarna var komið sögu. Ég hékk enn á línunni. Sá stimamjúki hélt mér við efnið með því að gauka öðru hvoru að mér upplýsingum um heimasíðuna, hvar ég væri í röðinni og að erindi mínu yrði jú, sinnt með ánægju, bráðum. Ég var númer 7. Loks gaukaði hann því að mér að ég gæti líka lagt nafnið mitt og síma inn á símsvarann og þá yrði hringt í mig innan klukkutíma. Ég gerði það. Tveimur tímum síðar hafði enginn hringt. Ég náði engu sambandi þennan daginn. Þetta var í fyrradag, síðasta sólardaginn í átta daga hitabylgjunni en það kólnaði hressilega í gær. Ég giskaði á að þjónustufulltrúarnir hefðu allir verið uppteknir við annað, borða ís og safna freknum kannski! Nema það hafi sérstaklega margir átt erindi, einmitt þennan dag svo þeir hreinlega komust ekki í símann vegna anna. Ég varð svo sem ekkert súr yfir þessu. Svoleiðis. Teygði sjálf á kaffitímanum mínum eins og ég þorði þennan dag og sat úti í sólinni. Gott ef ég notaði ekki drjúgan hluta biðtímans í símanum einmitt til að safna freknum. Ég gat ekki farið að fjargviðrast úr af því þó gráguggnar skrifstofublækurnar sæktu í sólina, þá loksins hún skein. Við eigum nefnilega ekki að venjast svona tíð í maí eða yfirleitt bara. Það eru meira að segja gefin „sólarfrí“ sums staðar á Íslandi þegar svona einstaklega vel viðrar. Kannski höfðu þjónustufulltrúarnir fengið eitt slíkt þennan dag og bara gleymst að lesa þær upplýsingar inn á símsvarann. „Þjónustufulltrúar okkar eru í sólarfríi, hringdu á morgun!“ Ekkert mál. Erindi mitt var ekki það brýnt að það gæti ekki beðið yfir nótt eða þar til það kólnaði í veðri. Ég hringdi því bara aftur í gær og valdi samviskusamlega þá hnappa sem símsvarinn bauð mér til að komast í samband við réttan aðila: „Veldu einn fyrir þjónustufulltrúa, tvo fyrir skiptiborð … Þjónustufulltrúar okkar aðstoða þig með ánægju eftir augnablik … Þú ert númer 7 í röðinni … Þú getur einnig lesið inn nafn þitt og síma og við hringjum í þig innan klukkutíma … … Viltu birta grein á Vísi? Sendu okkur póst. Senda grein Ragnheiður Tryggvadóttir Mest lesið Halldór 5.10.2024 Jón Þór Stefánsson Halldór Spilling á Íslandi: Erum við að missa tökin? Ágústa Árnadóttir Skoðun Telur rektor Háskóla Íslands úrskurði alþjóðadómstóla og ályktanir Sameinuðu þjóðanna vera pólitískt álitamál? Elí Hörpu- og Önundarbur Skoðun Sleppum brúnni og förum betri leið framhjá Selfossi Elliði Vignisson Skoðun Eignafólk græðir mikið á vaxtastefnu Seðlabankans Stefán Ólafsson Skoðun Þriðjungur barna af erlendum uppruna tilheyrir ekki skólanum sínum Sara Björg Sigurðardóttir Skoðun Að dansa í regninu Lóa Björk Ólafsdóttir Skoðun Háskóli Íslands er ekki að sinna skyldum sínum Silja Höllu Egilsdóttir Skoðun Einstakur atburður og viðbúnaður Marinó G. Njálsson Skoðun Foreldrar eru sérfræðingar í sínum börnum Valdimar Víðisson Skoðun
Þjónustufulltrúar okkar aðstoða þig með ánægju eftir augnablik,“ malaði stimamjúkur símsvarinn í eyrað á mér. Ég hafði reyndar enga trú á því, enda höfðu þeir „því miður“ allir verið uppteknir í stundarfjórðung þegar þarna var komið sögu. Ég hékk enn á línunni. Sá stimamjúki hélt mér við efnið með því að gauka öðru hvoru að mér upplýsingum um heimasíðuna, hvar ég væri í röðinni og að erindi mínu yrði jú, sinnt með ánægju, bráðum. Ég var númer 7. Loks gaukaði hann því að mér að ég gæti líka lagt nafnið mitt og síma inn á símsvarann og þá yrði hringt í mig innan klukkutíma. Ég gerði það. Tveimur tímum síðar hafði enginn hringt. Ég náði engu sambandi þennan daginn. Þetta var í fyrradag, síðasta sólardaginn í átta daga hitabylgjunni en það kólnaði hressilega í gær. Ég giskaði á að þjónustufulltrúarnir hefðu allir verið uppteknir við annað, borða ís og safna freknum kannski! Nema það hafi sérstaklega margir átt erindi, einmitt þennan dag svo þeir hreinlega komust ekki í símann vegna anna. Ég varð svo sem ekkert súr yfir þessu. Svoleiðis. Teygði sjálf á kaffitímanum mínum eins og ég þorði þennan dag og sat úti í sólinni. Gott ef ég notaði ekki drjúgan hluta biðtímans í símanum einmitt til að safna freknum. Ég gat ekki farið að fjargviðrast úr af því þó gráguggnar skrifstofublækurnar sæktu í sólina, þá loksins hún skein. Við eigum nefnilega ekki að venjast svona tíð í maí eða yfirleitt bara. Það eru meira að segja gefin „sólarfrí“ sums staðar á Íslandi þegar svona einstaklega vel viðrar. Kannski höfðu þjónustufulltrúarnir fengið eitt slíkt þennan dag og bara gleymst að lesa þær upplýsingar inn á símsvarann. „Þjónustufulltrúar okkar eru í sólarfríi, hringdu á morgun!“ Ekkert mál. Erindi mitt var ekki það brýnt að það gæti ekki beðið yfir nótt eða þar til það kólnaði í veðri. Ég hringdi því bara aftur í gær og valdi samviskusamlega þá hnappa sem símsvarinn bauð mér til að komast í samband við réttan aðila: „Veldu einn fyrir þjónustufulltrúa, tvo fyrir skiptiborð … Þjónustufulltrúar okkar aðstoða þig með ánægju eftir augnablik … Þú ert númer 7 í röðinni … Þú getur einnig lesið inn nafn þitt og síma og við hringjum í þig innan klukkutíma … …
Telur rektor Háskóla Íslands úrskurði alþjóðadómstóla og ályktanir Sameinuðu þjóðanna vera pólitískt álitamál? Elí Hörpu- og Önundarbur Skoðun
Þriðjungur barna af erlendum uppruna tilheyrir ekki skólanum sínum Sara Björg Sigurðardóttir Skoðun
Telur rektor Háskóla Íslands úrskurði alþjóðadómstóla og ályktanir Sameinuðu þjóðanna vera pólitískt álitamál? Elí Hörpu- og Önundarbur Skoðun
Þriðjungur barna af erlendum uppruna tilheyrir ekki skólanum sínum Sara Björg Sigurðardóttir Skoðun