Zoe á niðurleið

Stílistinn Rachel Zoe er áhyggjufull því veldi hennar stendur völtum fótum. Sjónvarpsþætti hennar og fatalínu hefur ekki verið vel tekið.

Fatalínu sem Zoe hannaði í samstarfi við kínverska tískumerkið Li & Fung hefur ekki verið vel tekið og selst illa. Línan er fáanleg í verslunum á borð við Neiman Marcus, Bloomingdale's og Nordstrom og mun áhugi kaupenda á merkinu vera lítill. Raunveruleikaþátturinn The Rachel Zoe Project sem sýndur er á sjónvarpsstöðinni Bravo hefur að auki misst nokkuð áhorf og veldur þetta Zoe töluverðum áhyggjum.

Zoe varð þekkt fyrir starf sitt sem stílisti og var samstarf hennar og Nicole Richie sérstaklega umtalað, en þær komu boho-chic stílnum á kortið. Zoe sinnir fjölda annarra Hollywood-stjarna, meðal annars Demi Moore, Evu Mendez, Anne Hathaway og fleirum.