Skotvöllur í brúðargjöf

Brad Pitt hefur látið útbúa skotvöll fyrir tilvonandi eiginkonu sína Angelinu Jolie sem fyrirfram brúðargjöf. Pitt ku hafa pungað út hátt í 250 milljónum íslenskra króna fyrir skotvöll og vopn en völlurinn stendur í garði sumarhúss leikaraparsins í Frakklandi.

Samkvæmt frétt The Sun er Jolie í skýjunum með gjöfina en leikkonan er sérstaklega hrifin af skotfimi. Gifting parsins er á næsta leyti þó að mikil leynd hvíli yfir hvar og hvenær athöfnin sjálf fari fram. Pitt er undir pressu að standa sig í frumlegu gjafavali fyrir tilvonandi brúður sína því þegar Jolie giftist leikaranum Billy-Bob Thornton skiptust þau á blóði.