Bílar

Alfa Romeo jepplingur

Finnur Thorlacius skrifar
Fær líklega sama undirvagn og Jeep Cherokee.

Hver vill ekki taka þátt í hinum sívaxandi jepplingamarkaði. Bílframleiðendunum fer ört fjölgandi sem taka þar þátt. Fiat hefur uppi miklar væntingar með Alfa Romeo merki sitt og ætlar að tefla djarft, ekki síst á Ameríkumarkaðnum. Einn liður í því er að bjóða uppá þennan bíl á næstu tveimur til þremur árum og jafnvel smíða fleiri en eina gerð jepplinga.

Jepplingurinn mun hugsanlega hafa sama undirvagn og Jeep Cherokee eða Grand Cherokee, en Fiat á jú megnið af Chrysler, sem Jeep merkið fellur undir. Maserati er eitt merki enn sem Fiat á og þar á bæ er verið að vinna að smíði jeppa sem á að keppa við Porsche Cayenne og Land Rover jeppana. Fiat ætlar sér að nota sölunet Chrysler í Bandaríkjunum við sölu Alfa Romeo bíla og kannski mun það einnig eiga við Maserati.

Mest lesið




×

Mest lesið