Justin Bieber á Audi R8 með hlébarðamynstri

Smekkur manna getur ávallt versnað og það á líklega við Justin Bieber og bílana hans. Ekki er langt síðan hann sást á Fisker Karma bíl alkrómuðum sem styrndi svo af að ekki var hægt að horfa á bílinn í sól. Það nýjasta er þó enn meira áberandi, þ.e. Audi R8 bíll sem alsettur er hlébarðamynstri.

Kanadíski söngvarinn og ungmeyjahjartaknúsarinn Justin Bieber er því farinn að veita Chris Brown mjög harða keppni í ljótustu bílum þeirra ríku. Þeir eiga það þó sameiginlegt að undir ljótu mynstri bíla þeirra eða krómi eru rándýrir ofursportbílar sem flestir væru til í að eiga, bara ekki þeirra eintök!