Sætustu bílarnir

Bílar eru miskrúttlegir en nokkrir í bílasögunni hafa vissulega staðið út sem algjör krútt. Flestir þeirra sem hér sjást eiga það sameiginlegt að vera komnir nokkuð til ára sinna svo segja má að hörgull sé á slíkum bílum um þessar mundir.

Þessir bílar sem hér sjást eiga það sameiginlegt að vera ógnarsmáir og því virðist það vera formúla fyrir því að ná þessum stalli. Á árunum eftir seinna stríð framleiddu bílframleiðendur mikið af smáum bílum vegna þess að bæði var hörgull á eldsneyti sem og smíðaefni í þá og þrýstingur var frá yfirvöldum að framleiða smáa bíla.

Á þessum tímum urðu því til margir af þessum krúttlegu bílum sem margir hverjir eru orðnir að verðmiklum söfnunargripum í dag, ekki síst í ljósi þess að ekki voru framleidd mörg eintök af flestum þeirra. Þegar betur fór að ára stækkuðu framleiðslubílar bílaframleiðendanna og krúttbílarnir hurfu að mestu.