Fyrrum forstjóri Toyota fellur frá 100 ára

Toyota hefur haft þónokkra forstjóra í 76 ára sögu fyrirtækisins, en enginn hefur lengur setið í þeim stól en Eiji Toyoda. Hann var bróðursonur stofnanda Toyota og var forstjóri þess árin 1967 til 1982. Eftir það settist hann í 10 ár í stjórn Toyota.

Eiji Toyoda lagði grunninn að framleiðslu Toyota Prius bílsins, stofnaði Lexus deildina innan fyrirtækisins og kom af stað framleiðslu Toyota bíla í öðrum löndum en Japan. Á hans starfstíma sem forstjóri færðist Toyota frá því að vera með veigaminni bílaframleiðendum í það að verða stærsti bílaframleiðandi í heimi. Það er ekki lítið afrek út af fyrir sig.

Eftir að Eiji Toyoda hætti í stjórn Toyota var hann áfram ráðgjafi og heiðursformaður stjórnar þess. Eiji dó vegna hjartabilunar en náði háum aldri, þ.e. 100 árum, en hann fæddist 12. september árið 2013. Toyota fyrirtækið heitir í nafnið á frænda hans og stofnanda, þó með þeirri breytingu að t leysir af d úr nafni hans.