Bílar

Góð nóvembersala í Bandaríkjunum

Finnur Thorlacius skrifar
Jeep Cherokee seldist vel í nóvember.
Jeep Cherokee seldist vel í nóvember.
Það er ástæða til fagnaðar hjá flestum þeim sem selja bíla í Bandaríkjunum eftir einkar góða sölu bíla í síðasta mánuði. Svo til allir stóru bílaframleiðendurnir juku sölu sína umtalsvert, þó svo sala Honda hafi minnkað um 0,06% og BMW um 0,37%.

Af stóru framleiðendunum gekk Chrysler best með 16% aukningu og þar vóg sala Jeep mest, en hún jókst um 30% milli ára og átti frábær sala Jeep Cherokee þar mestan þátt. General Motors jók söluna um 14%, Nissan um 11%, Toyota um 10% og Ford um 7%.

Margir af minni bílgerðunum náðu mikilli aukningu og toppaði Maserati þar listann með 173% meiri sölu, en það telur samt ekki ýkja marga bíla. Jaguar náði 103% aukningu, Mitsubishi 48%, Subaru 30%, Land Rover 25%, Mercedes Benz 14% og Audi 13%.

Volvo á áfram erfitt á Bandaríkjamarkaði og minnkaði sala þeirra um 31%, Volkswagen um 16% og Fiat um 15%.

Mest lesið




×

Mest lesið