TM Software með tilboð í tilefni nýrrar útgáfu WebMaster

Val á vefumsjónarkerfi skiptir sköpum varðandi sýnileika og upplýsingagjöf um vörur og þjónustu á netinu. Ný útgáfa af WebMaster-vefumsjónarkerfinu frá TM Software leit dagsins ljós í byrjun árs. "WebMaster-vefumsjónarkerfið er mjög fjölhæf og sveigjanleg lausn enda eru fjölmörg fyrirtæki með vefsíður sínar uppsettar í kerfinu. WebMaster-kerfið hefur einnig skapað sér gott orðspor fyrir að vera öflugt vefumsjónarkerfi fyrir rekstur innri vefsvæða fyrirtækja,“ segir Brynjar Kristjánsson, verkefnastjóri hjá TM Software. WebMaster-kerfið býður upp á ýmis viðbótarkerfi eins og póstlistakerfi sem notað er til að senda út markpósta. "Formasmiðurinn er einnig vinsælt viðbótarkerfi sem hægt er að nýta fyrir fyrirspurnir, pantanir, þjónustubeiðnir og fleira sem vistast í gagnagrunn til úrvinnslu,“ upplýsir Brynjar. TM Software er með marga ferðaþjónustuaðila sem keyra vefsvæði og bókunarvélar sínar í WebMaster-kerfinu og fer sá hópur ört stækkandi. "Nýlega bættist Útivist í hópinn með vefinn utivist.is í nýjustu útgáfu WebMaster og nokkrir ferðaþjónustuvefir eru í smíðum.“ WebMaster-kerfið er einnig mikið notað í rekstur vefverslana. "Bæði vefverslanir sem nýta sér vefverslunareiningar í kerfinu sjálfu, og eins vefverslanir sem eru með vörugrunninn í öðrum kerfum. Hann tengist þá WebMaster í viðkomandi gagnagrunni og birtir vörurnar á vefsvæðinu.“

Sveigjanleiki kerfisins með tengingar í aðra grunna er einnig nýttur í ýmsa bókunarvefi og er nýr vefur Borgarleikhússins, borgarleikhus.is, gott dæmi um það. "Þar eru upplýsingar um sýningar og viðburði sóttar í miðasölukerfi og birtar innan vefsvæðisins með dag- og tímasetningum.“ WebMaster keyrir einnig áheitavefi sem vakið hafa mikla athygli eins og mottumars.is og hlaupastyrkur.is. "Fljótlega verður ný þjónusta opnuð á vefsvæðinu áheit.is þar sem einstaklingar og félagasamtök geta stofnað sín eigin áheitavefsvæði.“ Nánari upplýsingar um þjónustu og veflausnir TM Software er að finna á vefsvæðinu www.tmsoftware.is.