Black Eyed Peas koma saman aftur

Hljómsveitin Black Eyed Peas, sem skipar þau Fergie, Will.I.Am, apl,de.ap og Taboo, ætlar að taka upp sína fyrstu stúdíóplötu síðan árið 2010 á næstunni. Í kjölfarið mun sveitin einnig fara á tónleikaferðalag til að kynna nýju plötuna.

„Allir í Black Eyed Peas eru sammála um að sveitin ætti að fara á tónleikaferðalag fyrir aðdáendur sína - það er ekki eins og sveitin hafi hætt þegar hún tók pásu árið 2012,“ segir vinur hljómsveitarmeðlima sem vill ekki láta nafn síns getið.

„Núna ætla þau í stúdíóið til að búa til plötu á miklum hraða og fara síðan á tónleikaferðalag eina ferðina enn.“