Myndir úr gervitunglum, sem sýna hugsanlegt brak úr farþegaflugvél Malaysia Airlines, hafa verið birtar á vefsíðu kínverskra yfirvalda. Myndirnar eru þrjár og á þeim sjást stórir fljótandi hlutir í Suður-Kínahafinu. BBC segir frá.
Flugvélarinnar hefur verið saknað síðan á laugardaginn. Ein myndin var tekin á sunnudaginn, degi eftir að vélin hvarf af ratsjá. Staðsetningin kemur heim og saman við upplýsingar frá starfsmanni olíuborpalls í Víetnam sem segist hafa séð flugvélina hrapa í logum.
Stærsti hluturinn sem sést á myndinni er 24 metrar sinnum 22 metrar.
Staðsetning hlutanna er mjög nálægt þeim stað þar sem fyrst var leitað að vélinni.
Myndir af fljótandi hlutum í Suður-Kínahafinu
Tengdar fréttir
Brakið tengdist ekki farþegaþotunni
Bandarískar björgunarsveitir hafa staðfest að brakið sem fannst fyrr í dag hafi ekki tengst týndu malasísku farþegaþotunni á neinn hátt.
Yfirvöld í Malasíu hvött til að herða leitina
Enn bólar ekkert á farþegavél Malaysia Airlines sem hvarf á laugardag.
Farþegaflugvélin breytti um stefnu
Týnda Boeing-farþegaflugvélin í Malasíu breytti um stefnu. Samkvæmt ratsjá var hún komin hundruð kílómetra frá því svæði sem síðast var vitað um ferðir hennar. Ekkert er vitað um ástæðuna fyrir þessari dularfullu stefnubreytingu vélarinnar.
Segist hafa séð flugvélina hrapa logandi til jarðar
Starfsmaður á olíuborpalli í Víetnam sendi bréf þar sem fram kemur að hann hafi séð flugvélina frá Malaysia Airlines hrapa.
Enn bólar ekkert á týndu farþegavélinni
Um áttatíu flugvélar og skip leita þotunnar á Suður-Kínahafi, Malaccasundi og víðar. Að minnsta kosti tólf lönd taka þátt í leitinni.
Óttast að 239 séu látnir
Forsætisráðherra Malasíu segir of snemmt að kalla hvarf farþegaþotunnar í dag hryðjuverk.
Týnd flugvél reyndi að snúa við
Ný gögn benda til þess að farþegaþota Malaysian Airlines sem hvarf í gærkvöldi hafi reynt að snúa við áður en hún hvarf.
