Universal vill 5,6 milljarða vegna fráfalls Paul Walker

Það er erfitt að meta líf í peningaupphæðum, en það er hægt að meta það hvað fráfall fólks getur haft á fyrirtæki þess sem viðkomandi vann hjá. Það er einmitt kvikmyndaframleiðandinn Universal að gera með kröfu sinni á tryggingafélag uppá 5,6 milljarða króna, eða 50 milljónir dollara.

Það hefur haft mikil áhrif á framleiðslu Fast & Furious 7 myndarinnar sem Universal vann að er Paul Walker, einn aðalleikara myndarinnar, dó í sviplegu bílslysi. Universal vill meina að aukakostnaður sinn nemi einmitt þessari upphæð. Universal hefur þurft að fara ýmsar krókaleiðir til að persóna Paul Walker sé áfram í myndinni, bæði með tæknibrellum og tvíförum Paul Walker.

Upphaflega átti framleiðsla myndarinnar að kosta 200 milljón dollarar, en fjórðungur hefur bæst ofaná vegna fráfalls Paul Walker og víst er að hans nýtur ekki við ef framleiddar verða fleiri Fast & Furious myndir.

Ef að Universal tekst að fá þessa bótagreiðslu verður hún sú hæsta sinnar tegundar, en 20 milljón dollara krafa var samþykkt við fráfall John Candy er verið var að búa til kvikmyndina Wagons East árið 1994. Einnig voru greiddar út 10 milljónir dollara í tryggingafé þegar Robert Downey Jr. Braut á sér öklann við tökur á myndinni Iron Man 3. Það er ekki að spyrja að upphæðunum vestur í henni Ameríku!