Bílabúð Benna á Akureyri

Bílabúð Benna heldur áfram sínu árlega landshornaflakki, staldrar við á Akureyri næst og slær upp bílasýningu í Bílaríki, á laugardaginn kemur. “Hér á bæ eru menn alltaf spenntir að komast til Akureyrar, þar höfum við átt marga góða viðskiptavini í gegnum tíðina.” segir Jón Kr. Stefánsson, sölustjóri Chevrolet hjá Bílabúð Benna.

“Heimamenn munu fá að skoða og reynsluaka nýjustu Chevrolet bílunum okkar, en þeir hafa notið mikilla vinsælda meðal landsmanna, enda altalað að í Chevrolet sé fólk að fá mikinn staðalbúnað og öryggi fyrir hagstætt verð.”  Bílabúð Benna sýnir líka nýja sportjeppann Macan frá Porsche í fyrsta skipti norðan heiða og hinn margverðlaunaði Porsche Cayenne verður líka í bílaflotanum þeirra.

Sýningin er haldin í samstarfi við Bílaríki við Glerárgötu 36, sem er þjónustuaðili Chevrolet á Akureyri  og stendur yfir frá kl. 11:00 til 16:00,  laugadaginn 24. maí.